Jɛremaya 9:24 - EBƆRƐ BE KAWƆL

²⁴ Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Jɛremaya 9:24 Iomraidhean Croise

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Nshɛ 34:2

Meeŋ fur mo ŋkpal kusɔ nɛ e wora so, nɛ bekama nɛ baa ji awurfoŋ na e nu kumo be loŋ nɛ bumo be ŋgbene e fuli bumo.

Nshɛ 34:3

Men ba chɛ ma to nɛ an malga Enyɛnpe na be keshi be asheŋ. Men shin nɛ an cha abar n fur mbe ketre.

Nshɛ 44:8

Fo anyi be Ebɔrɛ na so nɛ anyee ji njɔŋ nsaa fur fo ketre saŋkama.

Nshɛ 44:9

Ama naniere, fo pal kaman n sa anyi n shin nɛ an ki bebɔlpo. Fo maŋ naa tu anyi be benapo a yɔ kena to.

Nshɛ 51:1

Enyɛnpe Ebɔrɛ, wu ma kuwɔr ŋkpal fo kasha nɛ k maa loge na so. Kpra ma alubi ŋkpal fo kuwɔrwu na so.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Aizaaya 20:5

Ndoŋ nna nɛ bekama nɛ b ta bumo be yirda n deŋi Itiopia so nseŋ daa puchi Ijipt so na be nfɛra mel to nɛ b pɔ aba.

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 45:25

Ma, Enyɛnpe Ebɔrɛ na e naaŋ mɔlga Israɛl be basa kikɛ, nɛ bumo alɛ e maŋkura ma.”

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Maika 6:8

Ayai, Enyɛnpe Ebɔrɛ na teŋ kaŋɛ anyi kusɔ nɛ k walɛ. Kusɔ nɛ e bee fin anyi kutɔ e la, kebaawora asheŋ nɛ amo be ekpa so nɛ kebaa ŋini kasha nsaa kɔ kamubrase a nu a sa mo.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Luuk 10:22

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.”

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

1 Kɔrintebi 1:31

Loŋ malɛ nɛ abɔrɛsibɛ na kaŋɛ na fanɛ: “Esa kama nɛ e bee sha kepuchi, e baa puchi Enyɛnpe na so.”

2 Kɔrintebi 10:17

Kumo alɛ nɛ abɔrɛsibɛ na bee kaŋɛ na fanɛ: “Esa kama nɛ e bee puchi, e puchi Enyɛnpe nawule so.”

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.