Jɛremaya 9:15 - EBƆRƐ BE KAWƆL

¹⁵ Amoso nɛ ma, Enyɛnpetale Israɛl be Ebɔrɛ na nase kɔnɔ fanɛ meeŋ sa ma basa ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu.

Jɛremaya 9:15 Iomraidhean Croise

Nshɛ 60:3

Fo shin nɛ saŋɛ kpakpaso tu fo basa, nɛ afu bee ber anyi nɛ anyee lente.

Nshɛ 69:21

Baa ta kɔrtɔ nna a wɔtɔ ma ajibi to nsaa sa ma nsa nyaŋnyaŋso fanɛ nchu nuuso.

Nshɛ 75:8

K du fanɛ Enyɛnpe Ebɔrɛ na ka kɔ kawiebi mbe enɔ to nna, nɛ mbe agbo du fanɛ yabra kpakpaso a wɔ kawiebi na to. E bee duga mbe agbo na nna a sa durnya to be amukpakpasowuraana, nɛ baa chise amo kikɛ nyam a nuu.

Nshɛ 80:5

Fo shin nɛ anishichubi ki bumo be ajibi jiso nɛ nchu nuuso.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Aizaaya 2:22

Men yige kebaata yirda a wɔtɔ dimɛdi be eleŋ to. Dimɛdi kikɛ beeŋ wu. Amoso dimɛdi maaŋ tiŋ n chɛ menyi to?

Jɛremaya 23:15

Amoso, kusɔ nɛ ma, Enyɛnpetale Ebɔrɛ na bee kaŋɛ anebiana nɛ b wɔ Jerusalɛm to na e la fanɛ, meeŋ sa bumo ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu, ŋkpal b ka shin nɛ ekama maa ŋana Ebɔrɛ ashi kasawule be kaplɛkama so so.”

Jɛremaya 24:10

Meeŋ shin nɛ kena nɛ akoŋ nɛ alɔ e ba bumo so n ya fo fanɛ bumo to be ekoŋwule gba ka maaŋ ka kasawule nɛ n ta n sa bumo nɛ bumo nananyɛnana na so.”

Jɛremaya 25:15

Ade be kaman nɛ Enyɛnpe, Israɛl be Ebɔrɛ na naŋ kaŋɛ ma le ashi bɔrɛdare to: “Kawiebi nɛ ma agbo bɔlɔ kumo nde. Sɔ kumo n yɔ efuliana nɛ meeŋ shuŋi fo amo so na so n ya shin nɛ b nuu kumo to.

Jɛremaya 44:27

Meeŋ shin nɛ menyi maaŋ nyalɛ kikɛ! Menyeeŋ mur. Menyi be galeŋga beeŋ wu kena to ŋko alɔ beeŋ mɔ menyi n ya fo fanɛ menyi to be esa koŋwule gba maaŋ ka.

Jɛremaya 49:37

Meeŋ shin nɛ Elam be basa bumo bedoŋana e mɔ bumo n jija bumo kuraa nseŋ naŋ shin nɛ b ji jɛrbi nɛ ma agbogboŋ beeŋ shin nɛ k ba bumo so na.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Nfabel 3:15

Ebɔrɛ shin nɛ kebaawɔtɔ ki kekera n sa ma.

Nfabel 3:19

M baa fɛ etɔrɔ damta nɛ e bee tu ma nɛ ma kenawule be kebaanite cham cham a choŋ na be asheŋ, k bee sa ma kagbenejija damta ga nna.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Ezikɛl 5:2

Jemanɛ nɛ fo kre kena ŋ kulti Jerusalɛm be foto nɛ fo wora n deŋi kejembu paŋgelambi na so na kaŋ fo ekar, nɛ fo chɔɔ emin na be katuŋ koŋwule kade nɛ fo wora kumo be foto na to, nseŋ ta bɔrfɔ na ŋ kuya emin na be katuŋ nyɔsopo to ŋ kulti kade na. Kumo be kaman nɛ fo ta katuŋ sasopo na n lɛ esoso nɛ ŋ gbagba e ta ma tokobi ŋ kuya amo to.

Ditɛronɔmi 28:36

Ade malɛ kikɛ be kaman, Enyɛnpe Ebɔrɛ na beeŋ shin nɛ bedoŋ e pɛ menyi nɛ men be ewura tintiŋ so n yɔ efuli pɔtɛ so, kakpa nɛ menyi ŋko men nananyɛnana maŋ naŋ chena ŋ ku so na, nɛ men ya shuŋ agbirana nɛ b ta ndibi nɛ ajembu n lɔŋɛ.

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Kelaraŋŋini 8:11

Kechɛkpabi na be ketre e la Kerkra. K ka tɔr nchuana na to na nɛ amo be ntuŋ nsa be katuŋ koŋwuleso ki kerkra nɛ basa damta nu amo nseŋ wu ŋkpal a ka ki kerkra na so.