Jɛremaya 9:14 - EBƆRƐ BE KAWƆL

¹⁴ Ama b wora bumo be ŋgbene kpakpa nna nseŋ daŋ shuŋ agbirana nɛ baa tre Baal na fanɛ kananɛ bumo nanaana ŋini bumo na.

Jɛremaya 9:14 Iomraidhean Croise

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Job be kawɔl 9:18

Pɔɛŋ nɛ meeŋ nya n fute n wushi gba na, e beeŋ shin nɛ ma awurfoŋ e ti so.

Jɛremaya 11:8

Ama b maŋ wora ma kasonu. Kusɔ nɛ b wora e la fanɛ, bumo be ekama kraa wɔ bumo be kagbene kpakpaso to nna a wora asheŋ lubi. N daŋ kaŋɛ bumo kenishipereso nna fanɛ b baa bɛ kɔnɔkoŋwule be ŋkre na so, ama b kini kebɛ kumo so. Amoso nɛ n shin nɛ kasogberge nɛ e wɔ kumo to na ba bumo so na.”

Jɛremaya 13:10

Le be basa lubi ere kini kewora ma kasonu. B wora bumo be amu nɛ ŋgbene kpakpa nna nseŋ kini kebaashuŋ ma n ya kaa shuŋ agbirana. Amoso baaŋ ki fanɛ dɔkɔri nɛ k wu nsaa maŋ naa kɔ tɔnɔ kikɛ na.

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Jɛremaya 23:15

Amoso, kusɔ nɛ ma, Enyɛnpetale Ebɔrɛ na bee kaŋɛ anebiana nɛ b wɔ Jerusalɛm to na e la fanɛ, meeŋ sa bumo ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu, ŋkpal b ka shin nɛ ekama maa ŋana Ebɔrɛ ashi kasawule be kaplɛkama so so.”

Jɛremaya 23:27

Baa fɛ nna fanɛ edareana nɛ baa kute na beeŋ shin nɛ ma basa e teŋ ma so, fanɛ kananɛ bumo nananyɛnana daŋ kini ma nseŋ ya kaa shuŋ kegbir nɛ baa tre Baal na.

Jɛremaya 3:17

Jemanɛ na kaŋ fo, Jerusalɛm be kadegboŋ na beeŋ baa la Enyɛnpe Ebɔrɛ na be Kuwurputiakpa, nɛ efuli pɔtɛana na so be basa kikɛ e baa kaa gama ndoŋ a shuŋ ma. B maaŋ naa wora asheŋ lubi nɛ e wɔ bumo be ŋgbene kpakpaso to na.”

Jɛremaya 44:17

Kusɔ kama nɛ an kaŋɛ fanɛ anyeeŋ wora na nɛ anyeeŋ wora. Anyeeŋ lara esarga n sa anyi be kegbirche nɛ e la ebɔrɛso be Ewurche na, nseŋ naŋ ta yabra n to nchu n sa mo, fanɛ kananɛ an nananyɛnana nɛ anyi be ewura nɛ bejuŋkparpoana na daŋ wora ashi Juda be ndeana to nɛ Jerusalɛm be agbembi so na. Kumo be kaman, an daa kɔ ajibi damta nseŋ daŋ dii dama nɛ etɔrɔbi kikɛ malɛ daa maŋ wɔ anyi to.

Jɛremaya 7:24

Ama b daa maŋ nu n sa ma. Kusɔ nɛ bumo be ŋgbene kpakpaso kaŋɛ bumo nɛ b daa wora, nɛ kumo be loŋ shin nɛ bumo be kebaawɔtɔ jija n ti so.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Nfabel 3:15

Ebɔrɛ shin nɛ kebaawɔtɔ ki kekera n sa ma.

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Galeeshaebi 1:14

Ma sara Juwebiana be bedamta to ma e daŋ fara nɛ n sɔ kejuŋkpar ashi Juwebi be kabɔrɛbɛso na to nseŋ daŋ naŋ pere kenishi n wɔtɔ an nanaana be asheŋ ŋiniso nɛ b yige n sa anyi na to ga.

Ɛfesesebi 2:3

Loŋ malɛ nɛ anyi kikɛ gba daa du saŋko a wɔ amo to a wora anyi be kapɔr lubi ere be aparsheŋ nsaa wora kumo be ayɛlgasɔ a fɛ kumo be nfɛra. Ŋkpal anyi be kapɔr lubi ere so anyi alɛ gba daa du fanɛ ekama nna a wɔ Ebɔrɛ be demuji be agbo to.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.