Jɛremaya 9:11 - EBƆRƐ BE KAWƆL

¹¹ Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Jɛremaya 9:11 Iomraidhean Croise

Nehemaya 4:2

Le nɛ e kaŋɛ mo braana nɛ Samɛria be benapo be anishito: “Manɛ nɛ Juwebi, basa pɔso be katuŋ ere bee fɛ fanɛ baa wora ere? Baa sha keta kachɛ koŋwule nna n lɔŋɛ egbal na m pɔr nseŋ lara esarga loŋ be kachɛ koŋwule na gbagba a? Baa fɛ fanɛ baaŋ tiŋ n ta ajembu nɛ a chɔɔ m biti abar so ere n lɔŋɛ kusɔ ko a?”

Nshɛ 107:43

Ekama nɛ e kɔ kanyiasheŋ, e baa nyiŋi asheŋ ere nsaa fɛ Enyɛnpe Ebɔrɛ na be kasha nɛ k maa loge na be asheŋ.

Nshɛ 44:19

Ama k du nna fanɛ fo yige anyi n lɛ kakpa chil, nɛ teŋtembiri mina buu anyi so n wɔtɔ kakpa nɛ asɔkpaŋ wɔ, nɛ anyi maaŋ tiŋ n wora shɛŋ.

Nshɛ 79:1

O Ebɔrɛ, efuli pɔtɛana so ebi ba kɔ n suge fo kasawule. B shin nɛ fo bɔrɛlambu cheembi na wora eyurpi daŋkare be ekpa so, nseŋ shin nɛ Jerusalɛm ki kade bureso a dese fuloŋ.

Aizaaya 13:22

Ekuntuŋ nɛ ejiŋkaamu beeŋ baa nite kadegboŋ na be ebu jeŋgreŋana nɛ a kɔ eleŋ ga na nɛ bewura be elambu nɛ a walɛ ga na to a shu. Ŋkpal manɛ so, Babilɔn be kemur be jemanɛ na fo.”

Aizaaya 25:2

Fo e shin nɛ ndegboŋana bure ŋ ki alambure nɛ amo be ekuŋkpa lempoana mur. Ewurkpaana nɛ an doŋana pɔr na mur hale mbaanaayɔ.

Aizaaya 34:13

Ewi nɛ egɔnnyaŋɛ e naaŋ kɔr bumo be ewurkpaana nɛ nde nɛ b pɔr egbal ŋ kulti amo na kikɛ to. Saŋɛ na so ejiŋkaamu nɛ egbuŋgbula be yiri yiri beeŋ ba kaa wɔ amo to.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Jɛremaya 1:15

Ŋkpal manɛ so, mee pla enɔ a tre efuli pɔtɛana be basa nɛ b wɔ kelargato be esoso be kaba so na nna fanɛ b ba. Baaŋ ba kɔ n suge Jerusalɛm nɛ Juda be ndeana kikɛ. Kumo be kaman nɛ bumo be bewuraana e nase bumo be nwɔl nɛ nwurputi ashi Jerusalɛm be mbunagboŋ ase n chena so.

Jɛremaya 10:22

Men nu nfe! Baru ko bee ba! Kebagato gboŋ ko wɔ efuli ko nɛ k wɔ kelargato be esoso be kaba so a ba. Efuli na be benapo beeŋ shin nɛ Juda be efuli so be ndegboŋ e ki keshishɛrsawule nɛ ejiŋkaamu e baa wɔ kumo so.”

Jɛremaya 16:10

Fo kaŋ kaŋɛ bumo ade kikɛ, baaŋ bishi fo fanɛ manɛ so nɛ mee sha kegberge bumo kusoe ga loŋ? Bumo alɛ beeŋ naŋ bishi kusɔ nɛ b wora n jija nɛ kulubi nɛ b wora n da Enyɛnpe bumo be Ebɔrɛ na so.

Jɛremaya 25:11

Kasawule ere kikɛ e dese fuloŋ nsaa la kusɔ nɛ esa beeŋ wu kumo kenishiso nɛ k chinchiŋ mo nna. Kumo be kaman, efuli pɔtɛana nɛ e kulti kumo na be basa beeŋ baa shuŋ a sa Babilɔn be ewura nfɛ adushunu.

Jɛremaya 25:18

Jerusalɛm to nɛ Juda be ndeana to be basa kikɛ, n ta bumo be bewura nɛ benimuana gba kikɛ n ti so beeŋ nuu kawiebi na to be asɔ nuuso na, saŋɛ na so bumo alɛ gba be kasawule beeŋ ki fanɛ keshishɛrsawule nɛ esa e wu kumo nɛ k chinchiŋ mo. A loŋ beeŋ shin nɛ basa e baa ta bumo be ketre e shoduu fanɛ kananɛ baa wora m ba fo kabre na.

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Jɛremaya 26:9

Manɛ so nɛ fo ta Enyɛnpe Ebɔrɛ na be ketre a kaŋɛ fanɛ bɔrɛlambu ere beeŋ ki fanɛ Shilo nɛ kadegboŋ nɛ e mur nɛ esa kikɛ maaŋ naa wɔ kumo to na?”

Jɛremaya 34:22

Meeŋ kaŋɛ bumo nɛ b bɛta m ba kadegboŋ ere to m ba kɔ n sɔ nseŋ chɔɔ kumo n lɛ. Meeŋ shin nɛ Juda be ndeana e ki fanɛ keshishɛrsawule nɛ esa kama maŋ wɔ amo to. Ma, Enyɛnpe Ebɔrɛ e kaŋɛ na.”

Jɛremaya 4:27

Nɛ Enyɛnpe Ebɔrɛ na kaŋɛ le: “Kasawule na kikɛ beeŋ mur a dese fuloŋ, ama ma alɛ maaŋ mur kumo cheche.

Jɛremaya 44:2

Kusɔ nɛ Enyɛnpetale, Israɛl be Ebɔrɛ na kaŋɛ nde: “Menyi gbagba wu kemur nɛ n shin nɛ k ba Jerusalɛm nɛ Juda be efuli so be ndegboŋana na kikɛ so. Hale nɛ mbre a kraa dese fuloŋ nɛ esa kikɛ maŋ wɔ amo to,

Jɛremaya 49:33

Hazɔɔ beeŋ ki keshishɛrsawule mbaanaayɔ nɛ ejiŋkaamu e baa wɔ kumo so. Esa kikɛ maaŋ naŋ chena kumo so kikɛ. Ma, Enyɛnpe Ebɔrɛ e kaŋɛ na.”

Jɛremaya 50:3

Efuli ko beeŋ shi kelargato be esoso m ba kɔ Babilɔn be efuli na kena n shin nɛ k ki keshishɛrsawule a dese. Edimɛdi nɛ asɔbɔya kikɛ beeŋ shile nɛ esa kama maaŋ naa wɔ ndoŋ.”

Jɛremaya 51:37

Babilɔn be efuli na beeŋ bure a dese, nseŋ ki kupuŋ to be asɔbɔya fanɛ ejiŋkaamu be kakpa. Basa beeŋ baa mushe kumo. Ama bumo alɛ beeŋ baa ŋana kebɔla alambure na to n choŋ.

Jɛremaya 8:22

Anyeeŋ tiŋ n nya adur nɛ bechɛpo ashi Giliad be efuli so. Ama manɛ nna nɛ ma basa maŋ nya kechɛ?

Nfabel 1:4

Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Nfabel 2:2

Enyɛnpe Ebɔrɛ na daŋ maŋ wu ndekarso nɛ a wɔ Juda be efuli so na kikɛ kuwɔr nseŋ shin nɛ a mur. E daŋ shin nɛ mboŋ lempoana nɛ a daa kuŋ kasawule na kikɛ bure n tɔr nna, nseŋ shin nɛ efuli na nɛ bejuŋkparpoana kikɛ ji anishinyɔr.

Nfabel 3:47

An luri jɛrbi nɛ kemur damta to n lar, naniere kufugboŋgboŋi be kebaawɔtɔ to nɛ an wɔ.

Levitikɔs 26:32

Meeŋ mur kusɔ kama menyi be kasawule na so nɛ kechinchiŋ men doŋana nɛ b wɔ ndoŋ na gba.

Maika 1:6

Amoso nɛ Enyɛnpetale Ebɔrɛ na yɛ: Meeŋ shin nɛ Samɛria e ki alambure n deŋi abar so kululu. K beeŋ ki ndibi sɔrso be eduukpa. Meeŋ pesaŋ Samɛria be egbalana be ebirkesi to n lɛ ketaŋɛ to ŋ ka kumo be egbaltɔlaseana nawule n nase nɛ ekama e baa wu amo.

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Maika 6:16

Le be asheŋ ere beeŋ ba menyi so nna ŋkpal men ka bɛ ewura Omri nɛ mo pibinyɛn, ewura Ehab be asheŋ lubi so so. Bumo be edaŋkare to nɛ men bee kute to. Amoso meeŋ shin nɛ men mur cheche nɛ ekama e baa tege nsaa mushe menyi fanɛ asɔ jiga na.”

Ditɛronɔmi 29:23

Menyi be kasawule na beeŋ ki fanɛ Sodɔm nɛ Gomɔra nɛ Adma nɛ Zeboyim nɛ Enyɛnpe Ebɔrɛ na daŋ nya agbo ga nseŋ mur amo jemanɛ ko na.

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.