Jɛremaya 9:10 - EBƆRƐ BE KAWƆL

¹⁰ Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Jɛremaya 9:10 Iomraidhean Croise

Aizaaya 41:15

Meeŋ shin nɛ men ki fanɛ kedishiŋ nɛ k kɔ ewi nsaa du pɛlpɛlbi. Menyeeŋ bure abee to nɛ e ki shishɛrpumpuŋ.

Aizaaya 49:19

Jerusalɛm be kadegboŋ daŋ bure nna a dese fuloŋ, ama naniere k beeŋ baa du fimbi ga a maaŋ tiŋ n sɔ basa nɛ baaŋ ba chena kumo to na. Basa nɛ b daŋ mur fo nseŋ yige fo n nase fuloŋ na beeŋ lar fo to n yɔ kufɔ kufɔ.

Jɛremaya 12:10

Juda du fanɛ ma ndibi sɔrso be kudɔ nna. Bewura damta nɛ b shi efuli pɔtɛana so e ba mur ma ndibi sɔrso be kudɔ. B chichi ma adɔsawule so nna n jija ma asɔduuso, nseŋ shin nɛ ma kasawule nɛ k walɛ a par ma na ki keshishɛrsawule a dese fuloŋ.

Jɛremaya 12:11

B shin nɛ k ki kasawule jiga nɛ k maaŋ naŋ tiŋ n wora shɛŋ n sa ma. Kasawule na kikɛ ki fanɛ keshishɛrsawule nɛ kumo be asheŋ maŋ tir esa kikɛ.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 14:6

Kupuŋ to be ekurma yili abeebi be awɔlto nna a fute yeŋayeŋa fanɛ ejiŋkaamu. B maŋ naa wu nɛnɛ gba, ŋkpal b ka maŋ naa nya afitiri a ji so.

Jɛremaya 2:15

Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Jɛremaya 23:10

Anebiana nɛ b maa ji kashenteŋ a sa Enyɛnpe Ebɔrɛ na e bɔlɔ kasawule na kikɛ to. Kumu kpakpaso be kebaawɔtɔ to nɛ b wɔ nsaa ta yuku nɛ b kɔ na a wora asheŋ nɛ e maŋ daga. Ŋkpal Enyɛnpe Ebɔrɛ na ka shoduu kasawule na so, k shin nɛ asɔbɔya be ejikpaana wɔl ŋ ki fanɛ keshishɛrsawule nna.

Jɛremaya 50:3

Efuli ko beeŋ shi kelargato be esoso m ba kɔ Babilɔn be efuli na kena n shin nɛ k ki keshishɛrsawule a dese. Edimɛdi nɛ asɔbɔya kikɛ beeŋ shile nɛ esa kama maaŋ naa wɔ ndoŋ.”

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Jɛremaya 8:18

Ma kagbene jija ma ga nɛ k bee wora ma fanɛ tama kikɛ maŋ naa wɔtɔ n sa ma basa.

Nfabel 1:16

Amoso nɛ anyee shu anishichubi ga na. Esa kikɛ maaŋ tiŋ n lolo anyi n ti anyi kagbene, esa kikɛ malɛ maaŋ tiŋ n leŋ anyi to nɛ an naŋ nya kenyɛn. Ŋkpal manɛ so, an doŋana pɔɔ anyi so nɛ anyi maŋ naa kɔ shɛŋ kebaawɔtɔ to.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Nfabel 5:18

Ekama shile Zayɔn be kebee na so nɛ k dese fuloŋ, nɛ ejiŋkaamu sɔ kumo so a wora bumo be kepar.

Ezikɛl 14:15

“Ŋko nɛ n shin nɛ asɔbɔya lubi yɔ efuli na so n ya mɔ kumo so be basa nna nɛ kasawule na ki kakpa ŋana so n sa bekama nɛ baa bɔla ndoŋ a choŋ ŋkpal asɔbɔya lubi na so,

Ezikɛl 27:2

“Dimɛdi pibi, Ezikɛl, boŋ keeli be kashɛ ere a laŋɛ Tayɛ nɛ k la

Ezikɛl 29:11

Dimɛdi ŋko kusɔbɔya kikɛ maaŋ naŋ bɔla kasawule na so n choŋ kikɛ. Nfɛ adena nɛ shɛŋ maŋ naa wɔ kumo so.

Ezikɛl 33:28

Meeŋ shin nɛ kasawule na e ki kasawule fuloŋ a dese, nɛ basa nɛ b daa kɔ eleŋgboŋ nsaa wu bumo amu kumo so na e ba ekar. Israɛl be abee beeŋ ki mboŋ lubi nɛ esa kama maaŋ naŋ tiŋ m bɔla amo ase n choŋ.

Ezikɛl 6:6

Israɛl be efuli so be nde kikɛ beeŋ mur nɛ bumo be agbirshuŋkpaana kikɛ e bure m bure. Kumo be kaman, nɛ bumo be kusɔ kama e ki fuloŋ.

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Jowɛl 1:13

O, menyi bɔrɛmatapoana, men ta kagbenejijaso be asɔbuuso n buu a shu. Menyi bumo nɛ men wɔ bɔrɛsure na be anishito a shuŋ na, e boŋ to a shu. Menyi bumo nɛ menyee shuŋ Ebɔrɛ be anishito ashi bɔrɛlambu to na e buu kagbenejijaso be asɔbuuso ŋklade, ŋkpal kuyu baŋɛ to nɛ kusɔ nuuso nɛ menyeeŋ ta n lara sarga ka maŋ naa wɔtɔ so so.

Jowɛl 1:19

Enyɛnpe Ebɔrɛ, fo nɛ mee shu a tre na, ŋkpal manɛ so, asɔbɔya be afitiri jiso kikɛ wɔl n chɔɔ n fige to nyam.

Eemɔs 5:1

Israɛl be basa, men nu keeli nɛ mee shu ŋkpal menyi so ere.

Eemɔs 5:16

Enyɛnpetale na yɛ: “Basa beeŋ baa boŋ to a shu kagbenejijaso ashi kade kikɛ be abɔrbi so. Baaŋ tre bedɔpo gba nɛ b ba ti basa nɛ b haya so n shu basa nɛ b wu be nli.

Maika 2:4

Kachɛ na kaŋ fo basa beeŋ baa boŋ nshɛ a wora menyi eyurto a kaŋɛ le: ‘Anyi ere mur cheche nna na! Enyɛnpe Ebɔrɛ na suge anyi be kasawule n sa bedebɔrpo.’

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.