Jɛremaya 8:9 - EBƆRƐ BE KAWƆL

⁹ Menyi be benyiashempo ka kini ma, Enyɛnpe Ebɔrɛ na be kamalga so, baaŋ ji anishinyɔr nseŋ wulto to e maaŋ naa nyi asheŋ.

Jɛremaya 8:9 Iomraidhean Croise

2 Bewura 17:15

B daa maa bɛ Enyɛnpe Ebɔrɛ na be keŋini so, nseŋ kini kebɛ kɔnɔkoŋwule be ŋkre nɛ mo nɛ bumo nananyɛnana daŋ kre na gba so. B daa maŋ ta mbe kasokpele na gba n tre shɛŋ. B daa wɔtɔ nna a shuŋ agbir fuloŋ nseŋ ki basa fuloŋ. Efuli pɔtɛana nɛ a kulti bumo na be edaŋkaresheŋ nɛ Ebɔrɛ maa sha na nɛ b daa bɛ so.

Job be kawɔl 5:12

Mo e naa melgi basa nɛ b nyi asheŋ ga be ŋkre a buu, nsaa bɔla benyiashempo be kanyiasheŋ so a pɛ bumo; saŋɛ na so kusɔ kama nɛ baa wora maa nyalɛ a sa bumo.

Nshɛ 19:7

Enyɛnpe Ebɔrɛ be mbra na bee niŋi ekpa nsaa sa ŋkpa nna. Asɔ nɛ Enyɛnpe be mbra bee ŋini na la asɔ nɛ esa beeŋ tiŋ n yirda nna. Amo alɛ bee sa bebɔlpo, kanyiasheŋ nna.

Aizaaya 19:11

Ijipt be ewura be benimuana nɛ b wɔ kadegboŋ nɛ baa tre Zowan na la bewulpo nna nsaa sa mo kawuliso be kasotoji. Amoso nuso nɛ baaŋ naŋ tiŋ n wora ŋ kaŋɛ ewura na le: “An nyi asheŋ ga. An shi dra dra na be bewura to be kanaŋ to nna!”

Aizaaya 29:14

Amoso meeŋ wora asheŋ nɛ a beeŋ chinchiŋ bumo nseŋ chɔɔ bumo be ŋgbene to nɛ bumo be nnɔ e mɔ bumo. Bumo to be benyiashempo beeŋ ki bewulpo nɛ bumo be kashennyi e ki jiga.”

Aizaaya 43:27

Men nananyɛn sososo daŋ wora kulubi nna, nɛ menyi be bejuŋkparpoana malɛ lar ma kaman.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Jɛremaya 15:6

Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 19:7

Juda be efuli so nɛ Jerusalɛm to be basa beeŋ tiŋ a kɔ ŋkre gboŋ, ama meeŋ shin nɛ e to jiga ashi ketaŋɛ ere to. Meeŋ shin nɛ bumo doŋana e ba kɔ bumo kena m pɔɔ bumo so nseŋ mɔ bumo n lɛ nɛ mbuibi nɛ kupuŋ to be asɔbɔya e ji bumo.

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Jɛremaya 49:7

Kusɔ nɛ Enyɛnpetale Ebɔrɛ na kaŋɛ a laŋɛ Edɔm be efuli so nde: “Edɔm be basa maŋ kɔ nfɛra nna a? Basa nɛ baa ji bumo asoeto na maa kaŋɛ bumo kusɔ nɛ baaŋ baa wora nna a? Bumo be kanyiasheŋ kikɛ loge nna a?

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Ezikɛl 7:26

Aleblawu bee ba nɛ ebaru lubi be abɔya a sɔ kaplɛkama. Basa beeŋ baa kule anebiana fanɛ b nu Ebɔrɛ be ebɔl ŋ kaŋɛ bumo kusɔ ko, nɛ b maaŋ nya. B maaŋ naŋ nya mbraana nɛ bɔrɛmatapoana daa ŋini na nɛ kasotoji nɛ benimuana na daa sa bumo na kikɛ.

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Zakareya 13:4

Loŋ be jemanɛ na kaŋ fo, anebi kikɛ maaŋ naa puchi mbe ebɔrɛdare so ŋko a wora anebi be aworbi ŋko a buu anebi be epiŋi a fule basa.

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.