Jɛremaya 8:6 - EBƆRƐ BE KAWƆL

⁶ Ŋ kaŋ kusoe nɛ n nu men kutɔ, ama men maŋ ji ma kashenteŋ. Menyi to be ekoŋwule gba be kagbene maŋ jija mo nɛ e tuba; ŋkpal manɛ so men be amu du kpakpa nna. Ekoŋwule gba maŋ tiŋ m bishi le: ‘Manɛ nɛ n wora nɛ k maŋ nyalɛ?’ Menyi be ekama bɔla ekpa nɛ e bee sha so nna a wora asheŋ fanɛ egbaŋɛ nɛ e bee yɔ kena to nna.

Jɛremaya 8:6 Iomraidhean Croise

Job be kawɔl 10:2

O Ebɔrɛ, sa maŋ kaŋ ji m bri ma loŋ! Manɛ be demu nɛ ma nɛ fo kɔ nɛ an ji ashi demujikpa?

Job be kawɔl 34:31

Job, a daga fo kaŋɛ Ebɔrɛ fanɛ fo wora n jija, nseŋ nase kɔnɔ fanɛ fo maaŋ naŋ wora kulubi kikɛ.

Job be kawɔl 34:32

Kumo be kaman nɛ fo kule mo nɛ e shin nɛ fo pin kulubi nɛ fo wora, saŋɛ na so, fo maaŋ naŋ wora kumo kikɛ.

Nshɛ 14:2

Enyɛnpe Ebɔrɛ wɔ ebɔrɛso a keni a fin fanɛ basa ko wɔtɔ a nyi asheŋ nsaa fin mo a?

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Aizaaya 57:17

N daŋ nya agbo ga nna n wora bumo ŋkpal bumo be alubi nɛ kejimuni be kebaawɔtɔ so, amoso nɛ n daŋ gberge bumo kusoe nseŋ daŋ kplaŋ bumo so na. Ama b kraŋ wora kusoe kpakpaso ŋ kini a wɔ bumo be asheŋ lubi na to.

Aizaaya 59:16

E ka wu fanɛ esa kikɛ maŋ wɔtɔ nɛ e wora kusɔ ko a laŋɛ kumo be kaplɛa so nɛ k jija mbe kagbene ga n ti so. Amoso e beeŋ bɔla mo gbagba be eleŋ so ŋ kɔ n suge basa nɛ baa kɔrfɛ na n yige nseŋ shin nɛ b kɔ m pɔɔ so.

Jɛremaya 23:25

N nyi kusɔ nɛ anebiana ere bee ku efɛ a kaŋɛ kikɛ. B yɛ ma e naa sa bumo ma abɔya ashi bumo be edareana nɛ ebɔrɛdare to.

Jɛremaya 3:5

Fo maaŋ nya agbo n wɔtɔ anyi mbaanaayɔ.’ Kusɔ nɛ menyi, Israɛl be basa, kaŋɛ ma nna na; ama menyi alɛ bee wora alubi nɛ menyee sha nna.”

Jɛremaya 5:1

Jerusalɛm to be basa, men nite agbembi so ŋ keni kusɔ nɛ k bee wora, Men keni ŋ kulti, menyi gbagba beeŋ wu fanɛ esa ko wɔtɔ a wora kusɔ nɛ keniŋi nsaa wora ania fanɛ e beeŋ baa ji kashenteŋ a sa Ebɔrɛ a? Menyeeŋ wu loŋ be esa ashi kakpa nɛ menyi bee ji kebɛ a? Nɛ men kaŋ nya loŋ be esa ma, Enyɛnpe Ebɔrɛ na beeŋ ta Jerusalɛm be basa be alubi m paŋ bumo.

Ezikɛl 18:28

Ŋkpal b ka fɛ bumo be asheŋ wora so na be asheŋ nseŋ yige asheŋ lubi na be kewora so nɛ baaŋ ji efute.

Ezikɛl 22:30

Ade kikɛ so nɛ n fin esa nɛ e beeŋ kɔ n sa kadegboŋ na nseŋ kuŋ kumo, nɛ ma agbo maaŋ ba kumo so nɛ k mur. Ama m maŋ nya esa kikɛ.

Danɛl 9:11

Israɛlebi kikɛ kini kenu n sa fo. B maŋ bɛ fo mbra na so. Amoso nɛ fo shin nɛ nnɔsho nɛ b sibɛ n nase fo kayɛrbi Mosis be mbra be kawɔl na to na, ba anyi so na.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Zefanaiya 3:7

N daa nyi fanɛ kumo be loŋ beeŋ shin nɛ ma basa e ta bunyaŋ n sa ma nseŋ sɔ kasogberge nɛ n sa bumo na nna, ama k maŋ chɛr ko nɛ b naŋ bɛta a wora alubi nɛ a chɔ amo nɛ b daa wora dra na gba.

Heegai 1:5

Menyi maŋ wu kusɔ nɛ k bee wora menyi na nna a?

Heegai 1:7

Kusɔ nɛ Enyɛnpetale Ebɔrɛ na yɛ nde: “Menyi maŋ wu kusɔ nɛ k ba nɛ le wora a?”

Malakai 3:16

Ndoŋ nna nɛ bekama nɛ baa ŋana Enyɛnpe Ebɔrɛ na bee malga kumo be asheŋ nɛ Enyɛnpe na nu kusɔ nɛ b kaŋɛ na kikɛ nseŋ shin nɛ b sibɛ bumo nɛ baa ŋana mo nsaa sa mo bunyaŋ na be atre n wɔtɔ kawɔl to n nase kanyiŋi so.

2 Pita 3:9

Amoso, Enyɛnpe na maŋ wushi ashi mbe kɔnɔ nɛ e nase fanɛ e beeŋ wora na to nna fanɛ kananɛ basa ko bee fɛ esa be kewushi na nna. Kanyiti nɛ e bee ji menyi a maa sha fanɛ esa kikɛ e mur, ama e bee sha fanɛ ekama e lar mbe alubi to nna.

Kelaraŋŋini 9:20

Edimɛdi mo nɛ asɔ na daa maŋ mɔ nɛ b daŋ ka na daa maŋ lar bumo be alubi mo nɛ b daŋ ta bumo be enɔana n wora na to, bumo alɛ daa maŋ yige kebaashuŋ alizinaana nɛ eshuwa nɛ egbiti nɛ ntishaŋana be agbirana nɛ ajembu nɛ ndibi mo nɛ a maaŋ tiŋ n nu ŋko n tiŋ n wu asɔ ŋko n nite na to.