Jɛremaya 8:22 - EBƆRƐ BE KAWƆL

²² Anyeeŋ tiŋ n nya adur nɛ bechɛpo ashi Giliad be efuli so. Ama manɛ nna nɛ ma basa maŋ nya kechɛ?

Jɛremaya 8:22 Iomraidhean Croise

Jɛnesis 37:25

Kumo be kaman nɛ b ya chena nɛ b ji ajibi nseŋ wu Ishmaɛlebi be eyawujipoana ko ka shi Giliad a yɔ Ijipt. Eyawujipoana na be enyɔma daŋ sulɔ tulale nɛ duwu nɛ asɔ warabi damta nna.

Jɛnesis 43:11

Nɛ bumo tuto Jeekɔb kaŋɛ bumo: “To, nɛ k nya a du loŋ bre, men bela ase n ta kasawule ere so be asɔrso lelaana ko n wɔtɔ men be adiiku to n ya sa kanyɛn na. Men ta tulale nɛ duwu nɛ asɔ warabi nɛ mushoŋ gbrɛ ya sa mo.

Jɛremaya 14:19

Ade be kaman nɛ basa na kule Ebɔrɛ ŋ kaŋɛ le: Enyɛnpe Ebɔrɛ, fo kini Juda n lɛ nna ere a? Fo kishi Jerusalɛm be basa nna ere a? Manɛ nna nɛ fo doro anyi ga loŋ, hale anyi maaŋ tiŋ n nya kechɛ? An daa tama kayurwushi nɛ eyur be alenfia nna, ama etɔrɔ nɛ e bee keta kufu e ba anyi so.

Jɛremaya 22:6

Kusɔ nɛ Enyɛnpe Ebɔrɛ na kaŋɛ a laŋɛ Juda be efuli so be ewurkpa be kaplɛa so nde: “Ma ere kutɔ, Juda be ewurkpa walɛ kebita nna fanɛ kananɛ Giliad be kasawule so nɛ Lebanɔn be abee so walɛ kebita na nna. Ama ma alɛ beeŋ shin nɛ k ki kakpa fuloŋ nɛ esa kikɛ maaŋ naa wɔ ndoŋ.

Jɛremaya 46:11

Ijipt be basa, men yɔ Giliad be kasawule so n ya fin kudur! Menyi be adur kikɛ la adur jiga nna; a maaŋ tiŋ n chɛ menyi.

Jɛremaya 51:8

Ama Babilɔn gba beeŋ tɔr epul to m mur. Men shu n sa kumo be basa, nseŋ fin kudur n wɔtɔ bumo be achuu to, ashere baaŋ nya kechɛ.

Jɛremaya 6:7

Kananɛ ketirbu bee bul nchu na, aloŋ nɛ kulubi bee bul ashi Jerusalɛm to. Mee nu basa ka ta akɔsɔ a kɔ abar nseŋ naŋ nu kemur be asheŋ. N wu basa nɛ b doro na ka dese kaplɛkama ashi kadegboŋ na to.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 2:13

O Jerusalɛmebi, manɛ nɛ ŋ kɔ nɛ ŋ kaŋɛ? Nuso bre nɛ meeŋ tiŋ n lɔlɔ menyi? Ŋkpal manɛ so, esa kikɛ maŋ naŋ ji awurfoŋ fanɛ kananɛ men ji ere. Jɛrbi nɛ men ji ere maŋ kɔ ekar fanɛ teku; tama be yiri kikɛ maŋ naa wɔtɔ n sa menyi.

Ezikɛl 27:17

Juda nɛ Israɛl be basa gba daŋ ta ayu nɛ mushoŋ nɛ ɔlif be ŋku nɛ eposɔ ŋ ka fo asɔ faso be kukɔ.

Nɔmbɛs 32:1

Ruben nɛ Gad be eyiriana nɛ b kɔ asɔbɔya ga na ka wu fanɛ Jeeza nɛ Giliad be kasawule na kɔ ana nɛ mbolpɔ nɛ mboe be ejikpa lela,

Luuk 8:43

Kache ko malɛ daa wɔ bumo to a shil ŋklaŋ nfɛ kuduanyɔ n tɔrɔ mbe kumu adurwuraana damtaana be enɔ to n jija mbe amansherbi kikɛ a fin kechɛ mbe kumu, ama bumo be ekama daa maŋ tiŋ n chɛ mo.