Jɛremaya 8:20 - EBƆRƐ BE KAWƆL

²⁰ Nɛ basa na malɛ fubel ŋ kaŋɛ le: ‘Kasɔteŋi be jemanɛ choŋ, nɛ kechali malɛ gba choŋ, ama Enyɛnpe Ebɔrɛ na maŋ naŋ mɔlga anyi.’ ”

Jɛremaya 8:20 Iomraidhean Croise

Aŋasa 10:5

Enyiashempo bee teŋi asɔ saŋɛ nɛ a bel nna, ama k la anishinyɔr nna fanɛ esa e baa dese a di kasɔteŋi be jemanɛ.

Jɛremaya 8:19

Ma basa bee shu ashi efuli pɔtɛana so nna. Fo kaŋ kusoe, feeŋ nu b ka bee shu a kaŋɛ le: “Enyɛnpe Ebɔrɛ na maŋ naa wɔ Zayɔn be kebee nɛ k wɔ Jerusalɛm to na nna a? E maŋ naa la kumo be ewura nna a?” Nɛ Enyɛnpe Ebɔrɛ, nɛ e la bumo be ewura na kaŋɛ le: “Manɛ nna nɛ menyee shuŋ agbir; a jɔŋɛ asɔ nɛ e maŋ kɔ tɔnɔ ase a bunyaŋ amo, a shin nɛ ma kagbene bee kaa?

Jɛremaya 8:21

Ma basa ka bee wu etɔrɔ so k bee tɔrɔ ma alɛ gba be kagbene to nna. K shin nna nɛ ma kagbene jija ma ga, nɛ mee shu a sa bumo.

Luuk 13:25

Saŋɛ nɛ kowurnyɛn baŋ koso n ti kabuna na, yili saŋɛ na so nɛ menyi alɛ beeŋ yili kabuna to a ŋmɛa kabuna na a kaŋɛ: ‘Enyɛnpe, bugi anyi.’ Ama e beeŋ kaŋɛ menyi: ‘M maŋ nyi kakpa nɛ menyi shi.’

Luuk 19:44

nseŋ da menyi be kade ere n lɛ kasawule nseŋ mur menyi kikɛ nɛ kumo to be egbalana ere kikɛ e buri to nyam n deŋi abar so le kululu. Ŋkpal manɛ so, men daa maŋ pin jemanɛ nɛ Ebɔrɛ daŋ ba nɛ e ba mɔlga menyi na.”