Jɛremaya 8:2 - EBƆRƐ BE KAWƆL

² Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Jɛremaya 8:2 Iomraidhean Croise

2 Bewura 17:16

Israɛlebi na daŋ kini kebɛ Enyɛnpe bumo be Ebɔrɛ na be mbra so nna nseŋ ta shuwa n lɔŋɛ egbolu fɔlbi anyɔ a shuŋ amo. B daŋ naŋ lɔŋɛ kegbirche Ashira gba be kapɔrduli nna nsaa shuŋ kumo nɛ achɛkpabi nɛ kegbir nɛ baa tre Baal na.

2 Bewura 21:3

E daŋ lɔŋɛ m pɔr efuli pɔtɛana so be agbir nɛ mo tuto ewura Hɛzekaya daŋ mur na nna, nseŋ m pɔr ebɔrɛsure n sa Baal be kegbir na, nseŋ yuu kegbirche Ashira be mpɔrduli, nsaa shuŋ achɛkpabi gba.

2 Bewura 21:5

E daŋ pɔr ebɔrɛsure ashi bɔrɛlambu na be alɔnɛ anyɔ na to nna nsaa shuŋ achɛkpabi.

2 Bewura 23:5

E daŋ ju agbirwuraana nɛ Juda be bewura daŋ lara fanɛ b baa lara esarga a deŋi nnyamase be ebɔrɛsureana so ashi Juda be efuli so be nde to nɛ nde nɛ a mata Jerusalɛm na nna. Loŋ be agbirwuraana na e daa lara esarga a sa Baal be kegbir na nɛ epeŋi nɛ kufɔl nɛ achɛkpabi be yiri to kikɛ.

Nshɛ 53:5

Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Nshɛ 83:10

Kakpa nɛ baa tre Ɛndɔ na nɛ fo daŋ mur bumo; bumo be kebuni daŋ dese kasawule so nna m bɛ.

Nshɛ 83:11

Wora bumo be bejuŋkparpo kusɔ nɛ fo daŋ wora Ɔrɛb nɛ Ziib na. Pɔɔ bumo be bewuraana so fanɛ kananɛ fo daŋ pɔɔ Zeba nɛ Zalmuna gba so na.

Kaŋinichiŋgeliŋ 6:3

Esa beeŋ tiŋ a kɔ mbia kalfa nseŋ chɛr kasawule ere so ga, ama k maŋ tir nfɛ afanɛ nɛ e ji durnya ere to, e baa maŋ nya kagbenefuli ŋko kupuli lela mbe kaluwuachɛ kumo ere kebia nɛ b kurge nɛ e laŋɛ gba bɔ mo.

Jɛremaya 14:16

Basa nɛ b ku le be efɛ ere n sa na gba beeŋ wu ekpa koŋwule na so. Baaŋ wu n dese Jerusalɛm be kade to be agbembi so nɛ esa kikɛ maaŋ baa wɔtɔ nɛ e puli bumo. Kusɔ nɛ k beeŋ ba bumo gbagba nɛ bumo be beche nɛ mbia kikɛ so nna na. Meeŋ shin nɛ b ka bumo be asheŋ lubi na be kukɔ.”

Jɛremaya 16:11

Saŋɛ na so feeŋ kaŋɛ bumo fanɛ Enyɛnpe Ebɔrɛ na kaŋɛ. E yɛ: ‘Men nananyɛnana daŋ lar ma kaman nna nseŋ ya kaa shuŋ nsaa bunyaŋ agbir pɔtɛana. B daŋ kini ma n lɛ nsaa maŋ naa bɛ ma mbraana so. Bumo alɛ daa maŋ naa wora ma keŋini kasonu.

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 22:19

Kananɛ baa puli ekurma na nɛ baaŋ puli fo alɛ gba. Baaŋ chɛ fo efɔl nna ŋ gberge fo n lar kadegboŋ na be kabunagboŋ na to n ya lɛ kemaŋ to nseŋ gbare eshishɛr m buu fo so.”

Jɛremaya 25:33

Kachɛ na kaŋ fo, basa damta nɛ Enyɛnpe Ebɔrɛ na beeŋ shin nɛ b wu na be kebuniana beeŋ dese durnya be kaplɛkama fanɛ epi. Esa kikɛ maaŋ puli ŋko n shu bumo be nli.

Jɛremaya 31:40

Ketaŋɛ nɛ baa puli basa nsaa lɛ nsunɔ kumo to na kikɛ nɛ adɔsawule nɛ a dese Kidrɔn be Kabombi ase na m ba choŋ Egbaŋɛ be Kabunagboŋ na kikɛ beeŋ ki cheembi n sa Enyɛnpe Ebɔrɛ na. Jerusalɛm maŋ naa ba nɛ k bure ŋko m mur kikɛ.”

Jɛremaya 36:30

To, naniere ma Enyɛnpe Ebɔrɛ na bee kaŋɛ fo, Ewura Jehowakim nna fanɛ fo kaman to ebi be esa kikɛ maaŋ naŋ chena men nananyɛn, ewura Deevid be kuwurputi so n ji kuwura. Baaŋ ta fo kebuni n lɛ kakpa nɛ k beeŋ dese nɛ epeŋi a ŋmɛa kumo kapaso nɛ bunyaŋ wushiso malɛ e tɔr kumo so kanyɛso.

Jɛremaya 9:20

Ndoŋ nna nɛ ŋ kaŋɛ le: “Beche, men nu kusɔ nɛ Enyɛnpe Ebɔrɛ bee kaŋɛ, nseŋ laŋɛ menyi be lakal m ba mbe mmalga na so. Men ŋini menyi be bibiche kananɛ baa shu nli a karga, nɛ men teriana kananɛ baa boŋ awɔba.

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Jɛremaya 9:22

Enyɛnpe Ebɔrɛ na teŋ kaŋɛ anyi fanɛ bubuni beeŋ dese kasawule na be kaplɛkama fanɛ b ka ŋele ayu n nase a jo keteŋi, ŋko fanɛ epi ka dese n sɔ kaplɛkama na.”

Ezikɛl 29:5

Kumo be kaman nɛ n ta fo nɛ ekɔrɔtɔ nɛ a mata fo so na kikɛ n lɛ keshishɛrsawule so nɛ fo ya dese ndoŋ a maaŋ nya kepuli. Meeŋ shin nɛ mbuibi nɛ asɔbɔya e ji fo.

Ezikɛl 39:5

Bumo be beko malɛ gba beeŋ wu n dese kupuŋ to. Ma, Enyɛnpetale Ebɔrɛ na e kaŋɛ na.

Ezikɛl 6:5

Meeŋ pesaŋ Israɛl be basa be bubuni to ashi bumo be agbirana be anishito nseŋ pesaŋ bumo be awibi to ŋ kulti agbirsure na.

Ezikɛl 8:16

Ndoŋ nna nɛ e naŋ bar ma Enyɛnpe Ebɔrɛ na be bɔrɛlambu na be epunto be kelɔnɛ na so, ashi bɔrɛlambu na be kabuna nɛ k wɔ bɔrɛsure na nɛ kedɛdɛ na be nferinto na ase, nɛ ŋ wu benyɛn beeŋ wora fanɛ basa adunyɔ nɛ anu. B daŋ pal bumo be mman nna n shoŋi Enyɛnpe Ebɔrɛ be bɔrɛlambu na nseŋ kilgi bumo be anishito n shoŋi epeŋilarkpa m murgi a bunyaŋ epeŋi nɛ k bee pete na.

Zefanaiya 1:17

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ ta kafɔŋ damta n lɛ enyiŋgbasa so nɛ b baa nite a laa a laa fanɛ etanpo na. B wora alubi n da ma so, naniere bumo be ŋklaŋ beeŋ wurge fanɛ nchu na nɛ bumo be kebuni e dese kasawule m bɛ.”

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Ashuŋ Shunso 7:42

Nɛ Ebɔrɛ pal kaman n sa bumo n shin nɛ baa bunyaŋ achɛkpabi fanɛ kananɛ anebiana na daŋ sibɛ ŋ kaŋɛ fanɛ Ebɔrɛ kaŋɛ: ‘Israɛlebi, mannɛ ma nɛ men daŋ mɔ asɔbɔya kiyi na to nfɛ adena n sa na.

Ditɛronɔmi 17:3

ŋkpal b ka shuŋ agbirana ŋko epeŋi ŋko kufɔl ŋko achɛkpabi so,

Ditɛronɔmi 4:19

Men sa maŋ kaŋ shin nɛ kechɔŋkeni e ba menyi so nɛ men gbir m bunyaŋ epeŋi ŋko kufɔl ŋko achɛkpabi kikɛ. Enyɛnpe, menyi be Ebɔrɛ na nyi fanɛ efuli pɔtɛana so be basa bre beeŋ baa sha amo be kebunyaŋ.