Jɛremaya 8:19 - EBƆRƐ BE KAWƆL

¹⁹ Ma basa bee shu ashi efuli pɔtɛana so nna. Fo kaŋ kusoe, feeŋ nu b ka bee shu a kaŋɛ le: “Enyɛnpe Ebɔrɛ na maŋ naa wɔ Zayɔn be kebee nɛ k wɔ Jerusalɛm to na nna a? E maŋ naa la kumo be ewura nna a?” Nɛ Enyɛnpe Ebɔrɛ, nɛ e la bumo be ewura na kaŋɛ le: “Manɛ nna nɛ menyee shuŋ agbir; a jɔŋɛ asɔ nɛ e maŋ kɔ tɔnɔ ase a bunyaŋ amo, a shin nɛ ma kagbene bee kaa?

Jɛremaya 8:19 Iomraidhean Croise

Nshɛ 135:21

Men kpaŋ Enyɛnpe Ebɔrɛ nɛ e chena Jerusalɛm to ashi Zayɔn be kebee na so na. Men kpaŋ Enyɛnpe Ebɔrɛ na!

Nshɛ 137:1

An daŋ chena Babilɔn be elɔr na ase nna n nyiŋi Jerusalɛm be asheŋ nseŋ chena n shu ga.

Nshɛ 146:10

Enyɛnpe Ebɔrɛ, nɛ e la Jerusalɛm be Ebɔrɛ na, bee ji kuwura nna mbaanaayɔ! Men baa kpaŋ Enyɛnpe Ebɔrɛ na!

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 31:6

Ŋ kishi basa nɛ baa shuŋ agbir nɛ a maŋ la shɛŋ na ga. Fo Enyɛnpe Ebɔrɛ na nɛ n yirda.

Aizaaya 1:4

Asheŋ maaŋ nyalɛ n sa fo efuli lubi nɛ fo basa wora alubi damta nsaa nyi fanɛ b wora n da so ere. Men kini Enyɛnpe Ebɔrɛ nɛ e la Israɛl be Ebɔrɛ cheembi na nseŋ pal kaman n sa mo.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 33:22

Enyɛnpe Ebɔrɛ na e la anyi be demujipo nɛ esa nɛ e bee ji kuwura anyi so. Mo e la anyi be ewura nɛ e bee kuŋ anyi nɛ an nya anyi be amu a wɔtɔ.

Aizaaya 39:3

Kumo be kaman nɛ anebi Aizaaya yɔ ewura Hɛzekaya kutɔ n ya bishi mo le: “Nnɛ nɛ basa ere shi m ba nfe; nɛ manɛ nɛ b kaŋɛ fo?” Nɛ ewura Hɛzekaya kaŋɛ: “B shi efuli wɔfɔ ko nɛ baa tre kumo Babilɔn na nna.”

Aizaaya 52:1

Jerusalɛm to ebi, men tiŋi edi to! Men koso n yili ŋ kpeŋ menyi be eyur to! Ebɔrɛ be kade cheembi to ebi, men ta menyi be asɔbuuso lela m buu! Nnyamase nɛ b shi efuli pɔtɛana so na maaŋ naŋ luri menyi be kadegboŋ to n tɔrɔ menyi kikɛ.

Jɛremaya 10:15

Agbirana na maŋ kɔ tɔnɔ, a daga basa e wora amo eyurto nna nseŋ kini amo n lɛ. Kachɛ na kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 14:19

Ade be kaman nɛ basa na kule Ebɔrɛ ŋ kaŋɛ le: Enyɛnpe Ebɔrɛ, fo kini Juda n lɛ nna ere a? Fo kishi Jerusalɛm be basa nna ere a? Manɛ nna nɛ fo doro anyi ga loŋ, hale anyi maaŋ tiŋ n nya kechɛ? An daa tama kayurwushi nɛ eyur be alenfia nna, ama etɔrɔ nɛ e bee keta kufu e ba anyi so.

Jɛremaya 14:9

Manɛ nna nɛ fee wora asheŋ fanɛ esa nɛ asheŋ purgi loŋ, ŋko fanɛ enapo nɛ e maŋ kɔ eleŋ nɛ e tiŋ n chɛ esa to? Fo Enyɛnpe Ebɔrɛ na wɔ anyi kutɔ kashenteŋto nna! An la fo basa nna nɛ fo bɔrɛlambu wɔ anyi kutɔ nfe, amoso, sa maŋ kini anyi n lɛ.’ ”

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Jɛremaya 27:10

Baa fule menyi nna nɛ Babilɔn be benapo e pɛ menyi n lar men be efuli so n yɔ efuli pɔtɛ wɔfɔ so. Ma alɛ beeŋ ju menyi n lar menyi be efuli so n shin nɛ men mur cheche.

Jɛremaya 31:6

Kashenteŋto, jemanɛ ko bee ba nɛ basa nɛ b yil Efrayim be apreŋ so a keni ma ekpa na e boŋ to ŋ kaŋɛ le: ‘Men shin nɛ an dii n yɔ Enyɛnpe anyi be Ebɔrɛ na kutɔ ashi Zayɔn be kebee na so n ya bunyaŋ mo.’ ”

Jɛremaya 32:30

Israɛl nɛ Juda be basa be edaŋkaresheŋ to be sososo kikɛ, b maŋ tiŋ n wora asheŋ nɛ a par ma. Bumo be asheŋ woraso bee wɔtɔ ma agbo to nna.

Jɛremaya 7:19

Baa wɔtɔ ma agbo nna, ama bumo gbagba be amu nɛ baa tɔrɔ nsaa ŋaba na.

Jɛremaya 8:20

Nɛ basa na malɛ fubel ŋ kaŋɛ le: ‘Kasɔteŋi be jemanɛ choŋ, nɛ kechali malɛ gba choŋ, ama Enyɛnpe Ebɔrɛ na maŋ naŋ mɔlga anyi.’ ”

Jɛremaya 9:16

Ma alɛ beeŋ shin nɛ b pesaŋ to n yɔ efuli pɔtɛana nɛ bumo ŋko bumo nananyɛnana maŋ naŋ nu amo be asheŋ ŋ ku so. Meeŋ naŋ shin nɛ benapo e ba kɔ bumo m mur bumo cheche.”

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Jowɛl 2:32

Ama Ebɔrɛ beeŋ mɔlga bekama nɛ b kule mo kechɛto fanɛ kananɛ e kaŋɛ na! E yɛ: ‘Basa nɛ b wɔ Zayɔn be kebee so nɛ Jerusalɛm to na bre beeŋ gelge loŋ be etɔrɔ na. Bekama nɛ n lara na bre beeŋ ji efute.’ ”

Obadaya 1:17

Kumɔlga beeŋ baa wɔ Zayɔn be kebee bre so, nɛ basa ko e nya ekpa n shile ŋ ŋana. Ndoŋ beeŋ baa la kakpa cheembi nsaa la Jeekɔb be kanaŋ to be kasawule.

Maika 4:9

Jerusalɛmebi, manɛ so nɛ menyee shu awɔrso ŋko a ji awurfoŋ fanɛ eche nɛ kakurge ta mo? Menyi ka maŋ kɔ ewura ŋko menyi be asoetojipoana ka wu so nɛ menyee shu a?

Zefanaiya 3:15

Ŋkpal manɛ so, Enyɛnpe Ebɔrɛ na shin nɛ menyi be kasogberge fo ekar. E shin nɛ men doŋana bɛta ashi menyi so. Mo alɛ e la Israɛl be Ebɔrɛ nɛ e wɔ menyi kutɔ na, men sa maŋ naa ŋana kufu kusɔ ko so.

Zakareya 2:9

Amoso Enyɛnpe Ebɔrɛ na gbagba e naaŋ kɔ menyi nɛ men be benapo nseŋ shin nɛ basa nɛ b daa shuŋ menyi na e kɔ m pɔɔ menyi so nseŋ suge menyi be asɔ kikɛ. Aloŋ nɛ menyeeŋ pin fanɛ Enyɛnpetale Ebɔrɛ na gbagba e shuŋi ma.

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Kelaraŋŋini 2:1

E yɛ: “Sibɛ kawɔl ere n sa Ɛfeses be kade to be asɔri be malaika na ŋ kaŋɛ mo le: ‘Mmalga ere shi esa nɛ e kɔ achɛkpabi ashunu mbe enɔjiso to nsaa na shuwa be kefitilatɔl ashunu na to na kutɔ nna.