Jɛremaya 8:17 - EBƆRƐ BE KAWƆL

¹⁷ Kumo be kaman nɛ Enyɛnpe Ebɔrɛ naŋ kaŋɛ le: “Men baa da so! Meeŋ shin nɛ awɔ lubi nɛ e beeŋ duŋ esa nɛ b maaŋ tiŋ n chɛ mo na e ba kaa duŋ menyi a mɔ.”

Jɛremaya 8:17 Iomraidhean Croise

Nshɛ 58:6

Mee ŋana bedoŋ nna fanɛ ebuluŋ na. Enyɛnpe Ebɔrɛ, buri bumo anyii nɛ a du fanɛ ebuluŋ be anyii na.

Kaŋinichiŋgeliŋ 10:11

Kuwɔ be keduŋ esa m mɔ pɔɛŋ nɛ edurpo e ba wora kudur m mɔ kuwɔ na maŋ kɔ kechɛto kikɛ.

Aizaaya 14:29

Filistiebi, men sa maŋ shin nɛ menyi be ŋgbene e fuli menyi ŋkpal kekpabi nɛ k bee gberge menyi kusoe na ka bu to so. Kekpabi butoso na beeŋ ki fanɛ kuwɔ lubi. Kumo be kaman nɛ k ki kusɔ gbeyeso nɛ k du fanɛ laŋchaŋ nɛ k kɔ mbuibi be aba a firgi na.

Eemɔs 5:19

Loŋ be kachɛ na beeŋ baa ka du fanɛ esa ka bee shile a ŋana buluŋ so nna nseŋ ya lar shishiri so! Ŋko esa ka ba laŋ to nɛ e ba wushi nseŋ ta mbe enɔ n deŋi egbal so nɛ kuwɔ e duŋ mo.

Eemɔs 9:3

Hale b ŋana kebeegboŋ nɛ baa tre Kamɛl na be esoso gba, meeŋ fin bumo nseŋ pɛ bumo. Nɛ b ŋana tekugboŋ na be kaseto gba, meeŋ shin nɛ ebontojewu e duŋ bumo.

Nɔmbɛs 21:6

Ndoŋ nna nɛ Enyɛnpe Ebɔrɛ shin nɛ awɔ lubi luri bumo to n duŋ Israɛlebi na be bedamta nɛ b wu.

Ditɛronɔmi 32:24

Meeŋ shin nɛ akoŋgboŋ nɛ alɔ mɔso e mɔ menyi. Ma alɛ beeŋ shin nɛ kupuŋ to be asɔbɔya lubi e pɛ menyi, nɛ awɔ nɛ e kɔ kebɔr lubi malɛ gba e duŋ menyi.

Kelaraŋŋini 9:19

Egbaŋɛana na be eleŋana daa wɔ bumo be nnɔ to nɛ amo be ndu to nna, ŋkpal manɛ so, bumo be ndu daa du fanɛ awɔ nna a kɔ amu mo nɛ a bee tɔrɔ basa.