Jɛremaya 8:1 - EBƆRƐ BE KAWƆL

¹ Ade kikɛ be kaman nɛ Enyɛnpe Ebɔrɛ na kaŋɛ le: “Jemanɛ na kaŋ fo Juda be efuli so be bewura nɛ benimuana nɛ bɔrɛmatapoana nɛ anebiana nɛ b wu na nɛ basa nɛ b wɔ Jerusalɛm to na kikɛ be awibi beeŋ pulgi nchaŋ to a dese.

Jɛremaya 8:1 Iomraidhean Croise

1 Bewura 13:2

Kusɔ nɛ Enyɛnpe Ebɔrɛ kaŋɛ fanɛ anebi na e kaŋɛ a laŋɛ bɔrɛsure na be kaplɛa so e la fanɛ: “Baaŋ kurge kebia ko ashi ewura Deevid be kanaŋ to n nase mbe ketre Josaya. E beeŋ mɔ bɔrɛmatapoana nɛ baa lara esarga a deŋi kumo so ere n lara sarga n deŋi kumo so nseŋ chɔɔ dimɛdi be awibi kumo so.”

2 Bewura 23:16

Ewura Josaya ka keni ŋ kulti nseŋ wu nchaŋana ka wɔ kebee so, nɛ e shin nɛ b lara awibi nɛ a wɔ amo to na n ya deŋi bɔrɛsure na so n chɔɔ. Saŋɛ na so bɔrɛsure na beeŋ wora eyurpi daŋkare be ekpa so nɛ kusɔ nɛ Ebɔrɛ be anebi kaŋɛ dra dra saŋɛ so nɛ ewura Jeroboam daa yil bɔrɛsure na ase na e bɔlɔ so. Josaya ka naŋ keni nɛ e wu anebi nɛ e daŋ wu loŋ be asheŋ ŋ kaŋɛ na be nchaŋ.

2 Bewura 23:20

E daŋ mɔ agbirwuraana na nna n deŋi kakpa nɛ baa shuŋ agbir na be ebɔrɛsureana so, nseŋ chɔɔ edimɛdi be awibi n deŋi bɔrɛsure kikɛ so. Kumo be kaman nɛ e bɛta n yɔ Jerusalɛm.

2 Bewura 9:37

E yɛ baaŋ ta mbe eyur nɛ k ka na n farnyaŋ to n lɛ fanɛ anabin nɛ esa kama maaŋ tiŋ m pin mo.”

Nshɛ 53:5

Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Jɛremaya 14:16

Basa nɛ b ku le be efɛ ere n sa na gba beeŋ wu ekpa koŋwule na so. Baaŋ wu n dese Jerusalɛm be kade to be agbembi so nɛ esa kikɛ maaŋ baa wɔtɔ nɛ e puli bumo. Kusɔ nɛ k beeŋ ba bumo gbagba nɛ bumo be beche nɛ mbia kikɛ so nna na. Meeŋ shin nɛ b ka bumo be asheŋ lubi na be kukɔ.”

Ezikɛl 37:1

Saŋko ka fo nɛ Enyɛnpe Ebɔrɛ na be eleŋgboŋ na gbelge ma so nɛ mbe Kiyoyu ta ma ŋ gbelge to n yɔ ketaŋɛ ko to nɛ awibi sɔ kaplɛkama a dese.

Ezikɛl 6:4

Meeŋ bure agbirsure nɛ eduwusure na kikɛ nyam nseŋ mɔ basa nɛ b wɔ ndoŋ na kikɛ n nase bumo be agbirana be anishito.

Ezikɛl 6:5

Meeŋ pesaŋ Israɛl be basa be bubuni to ashi bumo be agbirana be anishito nseŋ pesaŋ bumo be awibi to ŋ kulti agbirsure na.

Eemɔs 2:1

Enyɛnpe Ebɔrɛ yɛ: “Mowab be basa be alubi damta so, meeŋ gberge bumo kusoe. B daa maŋ keni Edɔm be ewura be awibi m bɔlɔ kenishi nseŋ chɔɔ amo nɛ a ki nsunɔ.