Jɛremaya 7:5 - EBƆRƐ BE KAWƆL

⁵ Nɛ menyeeŋ chɛrga menyi be kebaawɔtɔ nɛ kesheŋ wora, kumo ere ma alɛ maaŋ shin nɛ shɛŋ e wora menyi. Men baa ji kashenteŋ a sa abar nsaa maa kpɛa to.

Jɛremaya 7:5 Iomraidhean Croise

Aizaaya 1:19

Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Aizaaya 16:3

Le nɛ Mowab be mbɔ na daŋ kaŋɛ Juda be basa na: “Men baa ŋini anyi kusɔ nɛ anyeeŋ baa wora. Men baa kuŋ anyi fanɛ kedibi be kiyoyul kapiidi, nseŋ shin nɛ an chena menyi be kayul to n wushi. An la basa nɛ b shile kena nna a mɔlga anyi be amu. Men ta anyi ŋ ŋana kakpa nɛ esa kikɛ maaŋ wu anyi.

Jɛremaya 22:15

Fo keta sida be ndibi damta m pɔr fo ewurkpa maa shin nɛ fee ki ewura lela a chɔ fo tuto Josaya. Mo ere daa wora asheŋ niŋiso nna. Kumo e la fanɛ e daa ji asheŋ nɛ amo be ekpa so nna a sa betirpo nseŋ daa la kashenteŋjipo. Kusɔ nɛ k bee ŋini fanɛ esa nyi ma kashenteŋto nna na. Amoso nɛ kebaawɔtɔ daŋ nyalɛ n sa fo tuto, nɛ e daa nya a ji nsaa nuu yila yila so nna na.

Jɛremaya 22:3

E yɛ: “Ma, Enyɛnpe Ebɔrɛ na e naa kaŋɛ menyi kenishipereso na fanɛ men baa wora asheŋ nɛ e bɔla ekpa so nseŋ niŋi. Men baa kuŋ basa nɛ bumo braana bee puni bumo na nɛ b sa maa nya a puni bumo. Menyi alɛ e sa maa mɛaŋ ŋko a kɔrfɛ befɔ ŋko amunibi ŋko bekulpoche. Men sa maa mɔ basa nɛ b maŋ wora shɛŋ ashi kakpa cheembi ere.

Jɛremaya 26:13

A daga fanɛ men chɛrga menyi be kebaawɔtɔ nɛ asheŋ woraso nseŋ wora Enyɛnpe, menyi be Ebɔrɛ na kasonu. Nɛ men wora loŋ, e beeŋ chɛrga mbe nfɛra a laŋɛ kemur nɛ e kaŋɛ fanɛ e beeŋ bar menyi so na.

Ezikɛl 18:17

nsaa kini asheŋ lubi be kewora. Kusɔ nɛ e bee wora e la fanɛ e bee nu nna nsaa bɛ ma mbraana nɛ ma keŋini so. Le be esa beeŋ ji efute n chɛr. Mo tuto e wora alubi, nɛ le be esa lela ere maaŋ wu ŋkpal mo tuto be asheŋ lubi so.

Ezikɛl 18:5

Nɛ fanɛ esa lela koso a ji kashenteŋ nsaa wora kusɔ nɛ k daga jemanɛ kikɛ.

Ezikɛl 18:8

Loŋ be esa na maa wɔtɔ amansherbi nɛ e ta m paŋ esa nchu, mo alɛ maa wora kulubi nseŋ naa ji asheŋ nɛ amo be ekpa so a sa ekama.

Levitikɔs 25:17

Sa maŋ kaŋ puni fo barkasa Israɛl be esa, ama baa ŋana Ebɔrɛ. Ŋkpal manɛ so, ma e la Enyɛnpe fo Ebɔrɛ.

Zakareya 7:7

Kubɔya koŋwule ere nɛ Enyɛnpe Ebɔrɛ na daŋ bɔla anebi juŋkparsoana na so m bɔ n sa basa nɛ b daa wɔ Jerusalɛm nɛ nde nɛ a kulti kumo na to saŋɛ nɛ b daŋ dii dama nsaa wɔ kayurwushi to na. Loŋ be jemanɛ na, basa damta daŋ chena kelargato be kaseto be keshishɛrsawule na nɛ abeesawule nɛ a wɔ epeŋitɔrkpa be kaba so na so nna.

Demujipoana 21:12

B ka yɔ nɛ b ya wu fanɛ mbichesobi alfa ana e maŋ nyi benyɛn ashi Jabesh Giliad ndoŋ, nɛ b pɛ bumo m ba Shilo nɛ k wɔ Keenan be efuli so, kakpa nɛ b daa wɔ na.

Demujipoana 5:1

Kachɛ nɛ b kɔ kena na n loge na nɛ Dɛbora nɛ Abinoam pibinyɛn, Barak, boŋ kashɛ a kaŋɛ le: