Jɛremaya 7:27 - EBƆRƐ BE KAWƆL

²⁷ Ŋkpal loŋ so, Jɛremaya, fo kaŋɛ ma basa mmalga ere kikɛ gba, b maaŋ nu n sa fo. Fo tre bumo gba, b maaŋ shuli so.

Jɛremaya 7:27 Iomraidhean Croise

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 65:12

Menyi be kumulela beeŋ fo ekar nɛ m bugi ekpa n shin nɛ b ta etokobi m mɔ menyi. Ŋkpal manɛ so, ŋ ka tre menyi men kini keshuli nna; menyi alɛ maŋ naŋ wɔtɔ lakal kusɔ nɛ ŋ ŋini menyi na to. Ama asɔ nɛ ŋ kishi nɛ menyi alɛ nyi k ka la kulubi na nɛ men wora.”

Jɛremaya 1:7

Ama kusɔ nɛ Enyɛnpe Ebɔrɛ na kaŋɛ ma e la fanɛ: “Sa maŋ kaŋɛ fanɛ fo la kebifɔlbi gbagba nna, ama yɔ basa nɛ n shuŋi fo bumo kutɔ na n ya kaŋɛ bumo kusɔ kama nɛ ŋ kaŋɛ fo kenishipereso.

Jɛremaya 26:2

E yɛ: “Jɛremaya, ŋ kɔ kubɔya ko a sa ekama fanɛ Juda be ndeana to be basa e ba kaa shuŋ ma ashi ma bɔrɛlambu to. Yɔ bɔrɛlambu na be kelɔnɛ so n ya kaŋɛ kusɔ kama nɛ meeŋ kaŋɛ fo fanɛ fo malga. Sa maŋ kaŋ yige kamalga na kusɔ kama n lɛ.

Zakareya 7:13

Ŋkpal b ka daŋ kini kenu n sa ma jemanɛ nɛ n daa malga bumo kutɔ na so, nɛ ma alɛ gba maŋ nu bumo be kekule.

Ashuŋ Shunso 20:27

ŋkpal manɛ so, m maŋ ta kusɔ nɛ Ebɔrɛ yili fanɛ e beeŋ wora na ŋ ŋana menyi so.