Jɛremaya 7:23 - EBƆRƐ BE KAWƆL

²³ N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Jɛremaya 7:23 Iomraidhean Croise

Job be kawɔl 36:11

Nɛ b wora Ebɔrɛ kasonu nsaa shuŋ mo, asheŋ naa nite nɛnɛ nna a sa bumo nɛ b naŋ nya kayurwushi bumo be kebaawɔtɔ to.

Nshɛ 119:3

B maa wora asheŋ lubi, baa wora asheŋ nɛ a bɛ Enyɛnpe Ebɔrɛ be ekpa so nna.

Nshɛ 40:6

Mannɛ basa be esarga nɛ ŋkɛ e naa bɔlɔ fo kenishi. Mannɛ esarga chɔɔso nɛ alubi be ketampaŋ be esarga nɛ amo be ŋkɛ nɛ fee fin. Ama kusɔ nɛ k tir fo kashenteŋto e la ŋ kaa beeŋ baa wora fo kasonu.

Nshɛ 81:13

Ma basa, Israɛlebi, daa beeŋ nu n sa ma nseŋ bɛ ma ekpaana so nna,

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

Ɛksodɔs 16:32

Ndoŋ nna nɛ Mosis kaŋɛ bumo le: “To, kusɔ nɛ Enyɛnpe Ebɔrɛ ta n sa anyi a yɔ ajibi na be kaplɛa so nde. E yɛ: ‘Men ta manna na fanɛ kurwa n yili menyi be kaman to ebi, saŋɛ na so baaŋ ba wu ajibi nɛ ma, Enyɛnpe Ebɔrɛ na daa sa menyi keshishɛrsawule so, saŋɛ nɛ n lara menyi ashi ljipt be kasawule so na.’ ”

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Jɛremaya 11:7

Baŋ yili jemanɛ nɛ n lara bumo nanaana Ijipt be efuli so hale m ba fo kabre, m baa kpele bumo kusoe nna fanɛ b baa wora ma kasonu.

Jɛremaya 13:11

Kananɛ dɔkɔri bee yili esa be kashɛr to nɛnɛ na nɛ n daa sha Israɛl nɛ Juda be basa kikɛ e baa yil ma kaman. N daa sha fanɛ efuli kama so ebi e pin fanɛ b la ma basa nna, saŋɛ na so baaŋ baa kpaŋ ma nsaa maŋkura ma. Ama b kini kewora ma kasonu.”

Jɛremaya 22:21

Jemanɛ nɛ asheŋ daa nite nɛnɛ a sa menyi na, Enyɛnpe Ebɔrɛ daŋ kpele menyi kusoe, ama men kini kenu n sa mo. Ma nɛ menyi ka fara m pin abar dra dra na kikɛ, menyi maŋ naŋ wora kusɔ Enyɛnpe Ebɔrɛ kaŋɛ menyi kikɛ.

Jɛremaya 22:3

E yɛ: “Ma, Enyɛnpe Ebɔrɛ na e naa kaŋɛ menyi kenishipereso na fanɛ men baa wora asheŋ nɛ e bɔla ekpa so nseŋ niŋi. Men baa kuŋ basa nɛ bumo braana bee puni bumo na nɛ b sa maa nya a puni bumo. Menyi alɛ e sa maa mɛaŋ ŋko a kɔrfɛ befɔ ŋko amunibi ŋko bekulpoche. Men sa maa mɔ basa nɛ b maŋ wora shɛŋ ashi kakpa cheembi ere.

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 31:33

Kɔnɔkoŋwule be ŋkre popɔr nɛ ma nɛ Israɛl be basa beeŋ wora na e la fanɛ, meeŋ ta ma mbra n wɔtɔ bumo be nfɛra to nseŋ sibɛ kumo n wɔtɔ bumo be ŋgbene to. Meeŋ baa la bumo be Ebɔrɛ nɛ bumo alɛ e baa la ma basa.

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Jɛremaya 38:20

Ndoŋ nna nɛ ŋ kaŋɛ mo le: “B maaŋ ta fo n sa bumo. Mee kule fo nna nɛ fo wora Enyɛnpe Ebɔrɛ na kasonu, saŋɛ na so asheŋ beeŋ nite nɛnɛ nɛ fo alɛ e nya fo ŋkpa.

Jɛremaya 42:6

Kusɔ kama nɛ e beeŋ kaŋɛ anyi na, k par anyi nɛ k maŋ par anyi gba, anyeeŋ wora Enyɛnpe, anyi be Ebɔrɛ nɛ fee kule mo a sa anyi na kasonu, saŋɛ na so asheŋ beeŋ nite nɛnɛ n sa anyi.”

Zefanaiya 3:2

Jerusalɛmebi maa nu a sa Enyɛnpe Ebɔrɛ ŋko a sɔ mbe keŋini. Bumo alɛ maa ta bumo be yirda a deŋi Enyɛnpe Ebɔrɛ so ŋko a fin kechɛto mo kutɔ.

Zakareya 6:15

Basa beeŋ shi efuli wɔfɔ so m ba chɛ to n lɔŋɛ Enyɛnpe Ebɔrɛ na be bɔrɛlambu na m pɔr. B kaŋ lɔŋɛ kumo m pɔr n loge na nɛ feeŋ pin fanɛ Enyɛnpetale Ebɔrɛ na e shuŋi ma. Fo baa wora Enyɛnpe fo Ebɔrɛ na be mbraana kikɛ kasonu, ade kikɛ beeŋ wora m bɔlɔ so ashi fo kebaawɔtɔ to.

Zakareya 7:7

Kubɔya koŋwule ere nɛ Enyɛnpe Ebɔrɛ na daŋ bɔla anebi juŋkparsoana na so m bɔ n sa basa nɛ b daa wɔ Jerusalɛm nɛ nde nɛ a kulti kumo na to saŋɛ nɛ b daŋ dii dama nsaa wɔ kayurwushi to na. Loŋ be jemanɛ na, basa damta daŋ chena kelargato be kaseto be keshishɛrsawule na nɛ abeesawule nɛ a wɔ epeŋitɔrkpa be kaba so na so nna.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

Ditɛronɔmi 11:27

Nɛ fanɛ menyee wora Enyɛnpe menyi be Ebɔrɛ na be mbraana kasonu, menyeeŋ nya nɛfa kabre,

Ditɛronɔmi 13:4

Men baa bɛ Enyɛnpe Ebɔrɛ na so nsaa bunyaŋ mo. Menyi alɛ e baa wora mo nɛ mbe mbraana kasonu nsaa shuŋ mo nseŋ naa ji kashenteŋ a sa mo.

Ditɛronɔmi 13:5

Kumo be kaman nɛ men mɔ basa nɛ baa kute edare be afito ŋko anebiana nɛ baŋ kaŋɛ menyi fanɛ men lar Enyɛnpe Ebɔrɛ nɛ e lara menyi kenyaya to ashi Ijipt be efuli so kaman na. Le be basa ere la basa lubi nna nsaa wora ania nɛ b lara menyi kebaawɔtɔ nɛ Enyɛnpe Ebɔrɛ na kaŋɛ fanɛ men baa kɔ na to. A daga fanɛ men mɔ bumo, saŋɛ na so menyeeŋ lara kulubi ere ashi menyi to.

Ditɛronɔmi 30:2

Nɛ fanɛ menyi nɛ men be kaman to ebi beeŋ bɛta m ba Enyɛnpe Ebɔrɛ na kutɔ, nseŋ ta menyi be ŋgbene kikɛ n wora mbe mbraana nɛ n ta a sa menyi kabre ere kasonu,

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

Ditɛronɔmi 30:8

Menyi alɛ beeŋ wora mo kasonu nsaa bɛ mbe mbraana nɛ n ta a sa menyi kabre ere so.

Ditɛronɔmi 4:10

Menyi alɛ e baa nyiŋi kachɛ nɛ men daŋ yili Enyɛnpe, menyi be Ebɔrɛ na be anishito ashi kebeegboŋ nɛ baa tre Sainai na ase na jemanɛ nɛ e kaŋɛ ma le na: “Gama Israɛl be basa na abar so. Mee sha fanɛ b nu kusɔ nɛ ŋ kɔ nɛ ŋ kaŋɛ bumo nna, saŋɛ na so baaŋ koya kewora ma kasonu bumo be ŋkpa to kikɛ nseŋ ŋini bumo be mbia nɛ bumo alɛ gba e baa wora loŋ.”

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

Ditɛronɔmi 5:16

Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.

Ditɛronɔmi 5:33

Men baa bɛ amo kikɛ so, saŋɛ na so, asheŋ beeŋ nyalɛ n sa menyi nɛ men tiŋ n chena kasawule nɛ Enyɛnpe, menyi be Ebɔrɛ na bee ta a sa menyi na so n chɛr.

Ditɛronɔmi 6:3

Israɛlebi, men nu amo nɛnɛ nseŋ wora amo kasonu! Aloŋ e naaŋ shin nɛ asheŋ e nyalɛ n sa menyi nɛ men ki efuligboŋ nseŋ naŋ tiŋ n chena kasawule lela nɛ k bee wora adɔjibi ga na so, fanɛ kananɛ Enyɛnpe, an nanaana be Ebɔrɛ na, nase kɔnɔ na.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

1 Samuɛl 15:22

Ndoŋ nna nɛ Samuɛl kaŋɛ le: “Ade be kumo bre nɛ Enyɛnpe Ebɔrɛ na bee sha ga? Kebaakɔ kasonu ŋko kebaalara esarga? Kebaakɔ kasonu bɔ fo kaa ta mbolpɔ duliduli a lara esarga e sa mo.