Jɛremaya 7:21 - EBƆRƐ BE KAWƆL

²¹ Ade kikɛ be kaman, nɛ Enyɛnpetale, Israɛl be Ebɔrɛ na naŋ kaŋɛ Juda be basa na le: “Ma shɛŋ maŋ naa wɔ menyi be esarga to. Amoso men sa maŋ naa gben menyi be amu a bar amo m ba kaa sa ma. Ama nɛ men kaŋ bar amo malɛ, menyeeŋ tiŋ n daŋɛ eblaŋ na n we.

Jɛremaya 7:21 Iomraidhean Croise

Nshɛ 50:8

M maŋ kaŋɛ fanɛ men wora n jija nna; ŋkpal men ka bee lara esarga chɔɔso nɛ ŋkɛ a sa ma saŋkama na so.

Aizaaya 43:23

Menyi maŋ ta mbolpɔ n lara esarga chɔɔso n sa ma, ŋko n ta menyi be esarga m bunyaŋ ma. Ma alɛ maŋ yili menyi so a fin ayu be esarga ŋko efɛa belbelso be eduwu be esarga n shin nɛ ebɔl e lar menyi.

Jɛremaya 14:12

Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Jɛremaya 6:20

Ma shɛŋ maŋ wɔ eduwu nɛ baa ta a shi Shɛba be efuli so, ŋko asɔ nɛ e bee shin nɛ ajibi bee wora ebel nɛ baa ta a shi efuli wɔfɔ a bar ma na to. Bumo be esarga nɛ baa lara a sa ma na maa par ma, amoso m maaŋ sɔ amo.

Ezikɛl 33:25

To, kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Menyee we eblaŋ nɛ ŋklaŋ kra wɔ amo to. Menyee shuŋ agbirana nsaa mɔ basa. Nɛ mannɛ so nɛ menyee fɛ fanɛ kasawule na ki menyeya nna?

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Ditɛronɔmi 12:27

Loŋ be kakpa na nɛ menyeeŋ baa lara esarga chɔɔso ashi Enyɛnpe Ebɔrɛ na be bɔrɛsure so nsaa lara esarga kama nɛ menyeeŋ baa mɔ a chulgi amo be ŋklaŋ a wurge bɔrɛsure na ase nsaa we amo be eblaŋ gba ashi ndoŋ.