Jɛremaya 7:18 - EBƆRƐ BE KAWƆL

¹⁸ Mbia bee kil ndibi nna nɛ benyɛn bee puga edɛ nɛ beche malɛ bee ta nyifu a to mansaŋ nɛ ekpakulo a sa kegbirche nɛ baa tre Ebɔrɛso be Ewurche na. Bumo alɛ naa ta nsa nna a to nchu a sa agbirana a shin nɛ ma kagbene bee kaa.

Jɛremaya 7:18 Iomraidhean Croise

1 Bewura 14:9

Fo alubi nɛ fo wora gba chɔ bewura kama nɛ b juŋkpar fo na be alubi, ŋkpal manɛ so fo kini ma nseŋ nyaŋɛ ma agbo to ŋkpal fo ka ya ka bunyaŋ agbir nɛ fo ta abɛlso n lɔŋɛ na so.

1 Bewura 16:2

“Fo daa maŋ la shɛŋ nɛ n lara fo ashi fo basa to nseŋ ta fo ŋ ki ma basa Israɛlebi be ejuŋkparpo. Ama fo alɛ wora alubi fanɛ kananɛ ewura Jeroboam daŋ wora na nseŋ shin nɛ ma basa wora alubi nɛ ma agbo kaa.

Nshɛ 16:4

Ama bekama nɛ b shil a bɛ agbirana so na bre be etɔrɔ beeŋ wora keshi ga. M maaŋ tu bumo n lara bumo be agbir na be esarga. Ma alɛ maaŋ bunyaŋ amo.

Aizaaya 3:8

Kashenteŋto, asheŋ maaŋ nyalɛ n sa Jerusalɛmebi! Juda be efuli so malɛ baa mur nna na! Kusɔ kama nɛ baa kaŋɛ ŋko a wora bee gbiti Enyɛnpe Ebɔrɛ na nna. Baa tege Ebɔrɛ ekama be anishito nna.

Aizaaya 57:6

Kumo be kaman menyee ta elɔr be epun to be ajembu mɔlmɔlbi nna a ki agbir, nsaa ta nsa nɛ ajibi a lara esarga a sa amo. Menyee tama fanɛ kumo be loŋ bee par ma nna a?

Aizaaya 65:11

Ama asheŋ maaŋ baa du loŋ n sa menyi nɛ men kini ma nɛ ma kebee cheembi nɛ baa tre Zayɔn na nsaa shuŋ agbir nɛ baa tre Gad nɛ Meni na. Amo be afito la Kumulela nɛ Kela m ba.

Aizaaya 65:3

B paŋ nyɔmɔ nna a wɔtɔ a shin nɛ ma kagbene bee kaa. Ŋkpal manɛ so, b wɔtɔ nna a lara esarga a sa agbir ashi adɔbi to nsaa chɔɔ eduwu agbirsure nɛ b ta ebirkesi m pɔr so a sa amo.

Jɛremaya 1:16

Meeŋ gberge ma basa kusoe ŋkpal b ka kini ma n lɛ nsaa shuŋ agbir a lara esarga a sa amo so.

Jɛremaya 11:17

Ma, Enyɛnpetale Ebɔrɛ na e duu Israɛl nɛ Juda be basa fanɛ kedibi, ama naniere meeŋ shin nɛ kemur gboŋgboŋi e ba bumo so. Bumo gbagba e bar kumo be loŋ ŋkpal b ka wora kulubi so. B lara esarga nna n sa kegbir nɛ baa tre Baal na n shin nɛ ma kagbene kaa bumo so.”

Jɛremaya 17:2

Menyi be basa yuu nnyamase be agbirsure nna a shuŋ kegbirche nɛ baa tre Ashira na ashi efuli na so be abeebi nɛ abeegboŋ nɛ ndibigboŋ nɛ e kɔ afantaŋ ga kikɛ be afito. Amoso meeŋ ta asɔ nɛ men kɔ kikɛ nɛ menyi be agbirsure n ti so n sa men doŋana.

Jɛremaya 25:7

Ama Enyɛnpe Ebɔrɛ na gbagba kaŋɛ fanɛ men kini kenu n sa mo nsaa shuŋ agbirana nɛ mbe kagbene kaa. Amoso men gbagba e bar kasogberge na menyi be amu so.

Jɛremaya 32:29

nseŋ nya edɛ n wɔtɔ kumo to n chɔɔ m mur. Kananɛ basa daa chɔɔ eduwu nwu na be adamta be achoŋi so a sa kegbir nɛ baa tre Baal na nseŋ naa ta yabra a to nchu a sa agbir pɔtɛana na, e shin nɛ n nya agbo na.

Jɛremaya 44:4

Ma alɛ kraa shuŋi ma anya anebiana na menyi kutɔ nɛ baa kaŋɛ menyi fanɛ men sa maa wora asheŋ lubi nɛ ŋ kishi na.

Jɛremaya 7:17

Fo maŋ wu kusɔ nɛ baa wora ashi Juda be efuli so be ndegboŋana to nɛ Jerusalɛm to be agbembi so nna a?

Nfabel 5:13

B nyaŋ anyi be mbrantiɛfɔlbi nɛ baa kɔr ayu abo so fanɛ anya, nɛ anyi be mbinyɛnsobi malɛ bee sulɔ ndibi gbɛgbɛso a jante.

Ezikɛl 16:26

Fo tu Ijipt be efuli so be basa nɛ b pere kenishi a fin kananɛ baaŋ nya n di fo na n ji kubojua nɛ ma kagbene kaa ŋkpal loŋ so.

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 8:16

Ndoŋ nna nɛ e naŋ bar ma Enyɛnpe Ebɔrɛ na be bɔrɛlambu na be epunto be kelɔnɛ na so, ashi bɔrɛlambu na be kabuna nɛ k wɔ bɔrɛsure na nɛ kedɛdɛ na be nferinto na ase, nɛ ŋ wu benyɛn beeŋ wora fanɛ basa adunyɔ nɛ anu. B daŋ pal bumo be mman nna n shoŋi Enyɛnpe Ebɔrɛ be bɔrɛlambu na nseŋ kilgi bumo be anishito n shoŋi epeŋilarkpa m murgi a bunyaŋ epeŋi nɛ k bee pete na.

Ezikɛl 8:17

Nɛ Enyɛnpe Ebɔrɛ na kaŋɛ ma: “Dimɛdi pibi, fo wu kede a? Fo tama fanɛ k la kusɔ fɔmbi nna fanɛ Juda be basa ere kaa beeŋ baa wora asheŋ lubi lubi ere ashi nfe a? A daga fanɛ b baa ta akɔsɔ a kɔ a fin bumo be kepar tintiŋ so kaplɛkama a wora asheŋ nɛ a bee wɔtɔ ma agbo to jemanɛ kikɛ a? Keni kananɛ b ŋaba ma nsaa tege ma ekpa nɛ esa kikɛ maŋ naŋ ŋaba ŋko n tege ma loŋ.

1 Kɔrintebi 10:22

Ŋko anyee sha fanɛ an wɔtɔ Enyɛnpe kayurbesa to nna ŋ keni? Anyi e chɔ mo eleŋ a?

Ditɛronɔmi 32:16

Bumo be kagbirshuŋ daŋ shin nɛ Enyɛnpe Ebɔrɛ na be kukɔrkɔ koso nna; nɛ bumo be asheŋ lubi shin nɛ mbe kagbene kaa.

Ditɛronɔmi 32:21

B daŋ bunyaŋ agbirana nɛ a maŋ kɔ tɔnɔ n shin nɛ ma kukɔrkɔ koso nɛ n nya agbo. Amoso meeŋ shin nɛ men be kukɔrkɔ nɛ agbo e koso, ŋkpal kusɔ nɛ meeŋ wora efuli nɛ k maa wu kuwɔr nsaa maa kɔ tɔnɔ be basa so.

Ditɛronɔmi 4:19

Men sa maŋ kaŋ shin nɛ kechɔŋkeni e ba menyi so nɛ men gbir m bunyaŋ epeŋi ŋko kufɔl ŋko achɛkpabi kikɛ. Enyɛnpe, menyi be Ebɔrɛ na nyi fanɛ efuli pɔtɛana so be basa bre beeŋ baa sha amo be kebunyaŋ.