Jɛremaya 7:16 - EBƆRƐ BE KAWƆL

¹⁶ Ade be kaman, nɛ Enyɛnpe Ebɔrɛ na naŋ kaŋɛ le: “Jɛremaya, sa maŋ yili bumo be katelamu to n shu ŋko ŋ kule Ebɔrɛ n sa bumo. Fo alɛ e sa maŋ wushi ma kagbene, ŋkpal manɛ so, m maaŋ nu fo kekule na.

Jɛremaya 7:16 Iomraidhean Croise

2 Samuɛl 8:18

Jehowada pibinyɛn Bɛnaya e daa la esa nɛ e bee kuŋ ewura Deevid. Ewura Deevid malɛ be mbinyɛnsobi e daa la mbe asoetojipoana.

Ɛksodɔs 32:10

Amoso sa maŋ kaŋ kuŋ ma ekpa a laŋɛ kusɔ nɛ mee shin nɛ n wora bumo ere be kaplɛa so. Ŋkpal b ka shin nɛ ma kagbene kaa ga so, meeŋ mur bumo nseŋ shin nɛ fo nɛ fo kaman to ebi e ki kanaŋgboŋ.”

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Jɛremaya 11:14

Jɛremaya, sa maŋ kule Ebɔrɛ n sa basa ere ŋko ŋ kule ma fanɛ m mɔlga bumo. Nɛ b kaa ji awurfoŋ nseŋ kule ma, m maaŋ nu bumo be kekule na.”

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 15:6

Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 18:20

N wora ania fanɛ meeŋ chɛ bumo to, ama baa kre keta kulubi nna ŋ ka ma kukɔ. K du fanɛ b kaa kur kemaŋ nna n nase nɛ n tɔr kumo to. Jemanɛ ko n daŋ kule fo fanɛ fo sa maŋ nya agbo ŋ gberge bumo kusoe.

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Jɛremaya 7:17

Fo maŋ wu kusɔ nɛ baa wora ashi Juda be efuli so be ndegboŋana to nɛ Jerusalɛm to be agbembi so nna a?

Maika 3:4

Kachako menyeeŋ shu ŋ kule Enyɛnpe Ebɔrɛ na, ama e maaŋ nu menyi be kekule. Ŋkpal menyi be alubi so, e beeŋ kpele mbe anishi nsaa maaŋ tuge menyi gba kuraa.

Ditɛronɔmi 9:14

Amoso sa maŋ kaŋ kuŋ ma akpa, ŋkpal manɛ so, mee sha kemur bumo nna nɛ esa kikɛ maaŋ naaŋ nyiŋi bumo be asheŋ kikɛ. Kumo be kaman nɛ n shin nɛ fo ki efuli nɛ k shi nsaa kɔ eleŋ a chɔ bumo ere kumo tuto.”

1 Jɔn 5:16

Esa kama nɛ e wu mo niopibi ka bee wora kulubi nɛ k maŋ la luwu be kulubi, amodoŋwura e kule Ebɔrɛ nɛ e sa mo ŋkpa. Basa nɛ bumo be alubi maa yɛr bumo luwu to na nɛ n de na. Kulubi ko wɔtɔ a yɛr esa luwu to, mannɛ loŋ be kulubi na be kabɔrɛkule nɛ ŋ kaŋɛ fanɛ amodoŋwura na e kule.