Jɛremaya 7:15 - EBƆRƐ BE KAWƆL

¹⁵ Meeŋ ju menyi n lar ma anishi to fanɛ kananɛ n daŋ ju men kurgepoana, Israɛl be nnaŋ kudu nɛ b daa wɔ kelargato be esoso be kaba so na. Ma Enyɛnpe Ebɔrɛ na e kaŋɛ.”

Jɛremaya 7:15 Iomraidhean Croise

2 Bewura 17:23

hale nɛ Enyɛnpe Ebɔrɛ na ba ju bumo n lɛ fanɛ kananɛ e bɔla mbe nyɛrbi anebiana so ŋ kaŋɛ na. Kumo so nɛ b daŋ tintiŋ Israɛlebi na n lara bumo ashi bumo gbagba be kasawule so n yɔ Asiriya be efuli so kenyaya to, nɛ b wɔ ndoŋ hale kabre na.

2 Bewura 24:20

Ewura Zɛdikaya daŋ wora kusoe kpakpaso nna nseŋ kini kenu n sa Babilɔn be ewura Nebukadneeza. Enyɛnpe Ebɔrɛ na malɛ daŋ nya agbo ga nna n wɔtɔ Juda nɛ Jerusalɛm be basa nseŋ pal kaman n sa bumo. Amoso nɛ asheŋ lubi bee tu bumo na.

2 Kronikɛls 15:9

Basa damta nɛ b shi Efrayim nɛ Manase nɛ Simiɔn be kasawule so daŋ ba ka wɔ ewura Asa be kasawule so nna ŋkpal b ka wu Enyɛnpe Ebɔrɛ na ka wɔ mo kutɔ so. Ewura Asa daŋ tre bumo nɛ Juda nɛ Bɛnjamin be basa kikɛ nna m ba abar so.

Nshɛ 51:11

Sa maŋ ju ma ashi fo anishito. Ŋko n lara fo kiyoyu cheembi na ashi ma to.

Aizaaya 7:16

Ama pɔɛŋ nɛ loŋ be jemanɛ malɛ e fo, bewura anyɔ nɛ fee ŋana na be nsawule beeŋ mur a dese fuloŋ.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 23:33

Ade be kaman nɛ Enyɛnpe Ebɔrɛ na kaŋɛ ma le: “Jɛremaya, nɛ ma basa to be eko ŋko anebi ko ŋko bɔrɛmatapo ko kaŋ bishi fo fanɛ nuso be kubɔya nɛ Enyɛnpe Ebɔrɛ na kɔ a sa anyi, fo kaŋɛ amodoŋwura le: ‘Menyi be asheŋ bee nu agbo nseŋ lar Enyɛnpe Ebɔrɛ na ebɔl nɛ e bee shin nɛ e kini menyi n lɛ nna.’

Jɛremaya 23:39

meeŋ pɛ bumo ŋ kpa n lɛ kufɔ nɛ b sa maŋ naŋ taga ma to. Kusɔ nɛ meeŋ wora bumo nɛ kadegboŋ nɛ n ta n sa bumo nɛ bumo nananyɛnana nna na.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Jɛremaya 52:3

Ewura Zɛdikaya daŋ lar Babilɔn be Ewura Nebukadneeza kaman nna nseŋ wora mo kusoe kpakpaso. Enyɛnpe Ebɔrɛ na daŋ nya agbo ga nna n wɔtɔ Juda nɛ Jerusalɛm be basa nseŋ kilgi kaman n sa bumo. Amoso nɛ e shin nɛ asheŋ lubi bee tu bumo na.

Jɛremaya 9:19

Naniere, le nɛ anyi nɛ an wɔ Zayɔn na bee shu a kaŋɛ: “An mur nna na! An ji nyɔmɔ pasaa! Anyi be nwu kikɛ mur, nɛ a daga fanɛ an lar anyi gbagba be kasawule so.”

Ezikɛl 23:31

Fo daŋ bɔla ekpa nɛ fo da, Ohola nɛ e yili n sa kade nɛ baa tre Samɛria na, bɔla so na nna, amoso kasogberge nɛ e nya na nɛ fo alɛ gba beeŋ nya.

Ezikɛl 33:25

To, kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Menyee we eblaŋ nɛ ŋklaŋ kra wɔ amo to. Menyee shuŋ agbirana nsaa mɔ basa. Nɛ mannɛ so nɛ menyee fɛ fanɛ kasawule na ki menyeya nna?

Hoziya 1:4

Ndoŋ nna nɛ Enyɛnpe Ebɔrɛ kaŋɛ Hoziya le: “Nase fo kebia na be ketre Jizreel, ŋkpal manɛ so k maaŋ chɛr ko nɛ m ba gberge Jehu nɛ e la Israɛl be ewura na be kanaŋ to ebi kusoe, ŋkpal basa nɛ b mɔ ashi Jizreel be ketaŋɛ to na so. Meeŋ mur mbe kuwurji be kanaŋ,

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

Hoziya 13:16

A daga fanɛ Samɛriaebi ka nya kasogberge ŋkpal b ka kini k nu n sa ma so. Kumo be basa beeŋ wu kena to nɛ b ta bumo be mbi popɔrbi malɛ ŋ ŋmɛa kasawule m mɔ, nseŋ baŋɛ bumo be bedampoche malɛ to.”

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Hoziya 9:13

“Israɛl, ŋ ka tu fo sososo na, fo daa du fanɛ abii be ndibi nɛ b duu kasawule lela so nna. Ama naniere bre fo keta fo basa nna a yɔ nɛ b ya mɔ bumo.”

Hoziya 9:3

Israɛl malɛ be basa maa naa wɔ Enyɛnpe Ebɔrɛ be kasawule so. Beko beeŋ bɛta n yɔ Ijipt be efuli so, nɛ beko malɛ e yɔ Asiriya be efuli so n ya ka ji ajibi mo nɛ a la bumo be ekishi ashi ndoŋ.

Hoziya 9:9

Men wora alubi alegaiso nsaa puni fanɛ basa nɛ b daa wɔ Gibia na. Ebɔrɛ yɛ e beeŋ nyiŋi bumo be alubi nseŋ gberge bumo kusoe.”

Jona 2:4

Nɛ n fɛ fanɛ fo ju ma fo anishito nna, nɛ m maaŋ naŋ wu fo bɔrɛlambu cheembi na kenishiso kikɛ.