Jɛremaya 7:10 - EBƆRƐ BE KAWƆL

¹⁰ Menyi alɛ naa wora asheŋ nɛ ŋ kishi nna nsaa ba m ba kaa yili ma anishi to ashi ma bɔrɛlambu to a kaŋɛ le, ‘Sheŋ maaŋ wora anyi!’

Jɛremaya 7:10 Iomraidhean Croise

1 Bewura 9:3

ŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa bunyaŋ ma mbaanaayɔ. Ma alɛ beeŋ baa kuŋ kumo saŋkikɛ.

2 Bewura 21:4

E daŋ pɔr agbir be ebɔrɛsure ashi bɔrɛlambu nɛ Enyɛnpe Ebɔrɛ kaŋɛ fanɛ ndoŋ nɛ baaŋ baa shuŋ mo mbaanaayɔ na to nna.

2 Kronikɛls 33:4

E daŋ pɔr agbir be ebɔrɛsure ashi bɔrɛlambu, nɛ Enyɛnpe Ebɔrɛ kaŋɛ fanɛ ndoŋ nɛ baaŋ ba shuŋ mo mbaanaayɔ na, to nna.

2 Kronikɛls 33:7

E daŋ ta kegbir be kapɔrduli nna n yili bɔrɛlambu nɛ Ebɔrɛ kaŋɛ kumo be asheŋ le n sa ewura Deevid nɛ mo pibinyɛn ewura Sɔlɔmɔn na to. E yɛ: “Bɔrɛlambu ere to ashi Jerusalɛm nɛ n lara ashi Israɛl be efuli so kikɛ fanɛ b baa bunyaŋ ma kumo to mbaanaayɔ.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aizaaya 48:2

Menyee puchi a kaŋɛ fanɛ men la Jerusalɛm, kadegboŋ cheembi na to be basa nsaa ta menyi be amu a to Israɛl be Ebɔrɛ nɛ e la Enyɛnpetale Ebɔrɛ na so nna.

Jɛremaya 32:34

B ta bumo be agbirana nɛ ŋ kishi amo be asheŋ ga na nna n yili ma bɔrɛlambu nɛ k daga fanɛ b baa shuŋ ma kumo to na to, n shin nɛ k wora eyurpi daŋkare be ekpa so.

Jɛremaya 34:15

Ama menyi ere daŋ wora kusɔ nɛ k par ma. Men kikɛ daŋ shuli so nna fanɛ menyeeŋ yige men braana Israɛlebi na nseŋ ba yili ma anishi to ashi bɔrɛlambu nɛ menyee shuŋ ma na to n wora kɔnɔkoŋwule be ŋkre.

Jɛremaya 44:9

Menyi ka daa wɔ Jerusalɛm nɛ Juda be efuli so na, asheŋ lubi nɛ men nananyɛnana nɛ menyi be bewuraana nɛ bewurcheana daŋ wora na nɛ menyi alɛ gba daa kute to a wora.

Jɛremaya 7:11

Menyee tama fanɛ ma bɔrɛlambu la beyu be eŋanakpa nna a? Mee wu kusɔ nɛ menyee wora na kikɛ.

Jɛremaya 7:14

Ŋkpal loŋ so, kusɔ n wora ashi Shilo na nɛ meeŋ wora ashi bɔrɛlambu nɛ n ta n sa menyi nɛ men nananyɛnana nɛ men ta menyi be yirda n deŋi so ere gba to.

Jɛremaya 7:30

Juda be basa wora kulubi ko. B ta agbirana nɛ ŋ kishi amo be asheŋ m ba ma bɔrɛlambu to nɛ k wora eyurpi daŋkare be ekpa so.

Ezikɛl 20:39

Kusɔ nɛ Enyɛnpetale Ebɔrɛ bee kaŋɛ menyi nde: Menyi Israɛlebi, be ekama nɛ e bee sha e ya kaa shuŋ mbe agbirana, ŋkpal manɛ so, ade kikɛ be kaman menyeeŋ ba nu n sa ma nseŋ yige kebaa lara esarga a sa menyi be agbirana a jija ma ketre.

Ezikɛl 23:29

Ŋkpal b ka kishi fo so, baaŋ suge asɔ kama nɛ fo gben n nya kikɛ n yɔ ŋ ka fo kesaria. Saŋɛ na so nɛ ekama e wu fanɛ sakaleche e la fo kashenteŋto. Fo gbagba be kayɛlga lubi nɛ kesakalea

Ezikɛl 23:37

B bɔla kagbirshuŋ so n ji kubojua, kumo e la fanɛ b maŋ ji kashenteŋ n sa ma nseŋ ta ma mbia n m mɔ n lara esarga n sa agbirana.

Ezikɛl 23:39

Kachɛ nɛ b mɔ ma mbia n lara esarga n sa agbirana na nɛ b ba ma bɔrɛlambu na to nɛ kumo be loŋ shin nɛ k ki kakpa nɛ k maŋ naŋ daga fanɛ b shuŋ ma ndoŋ.

Ezikɛl 33:25

To, kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Menyee we eblaŋ nɛ ŋklaŋ kra wɔ amo to. Menyee shuŋ agbirana nsaa mɔ basa. Nɛ mannɛ so nɛ menyee fɛ fanɛ kasawule na ki menyeya nna?

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Ezikɛl 5:11

Ma, Enyɛnpetale Ebɔrɛ na, e naa bɔ ntaŋ a kaŋɛ fanɛ, ŋkpal men ka ta menyi be agbirana nɛ aworbi lubiana n shin nɛ ma bɔrɛlambu ki kakpa nɛ esa maaŋ naŋ tiŋ n shuŋ ma ndoŋ so, m maaŋ wu menyi kuwɔr ŋko n shu menyi so ŋko n shin nɛ men nya menyi be amu n ya ji kikɛ.

Danɛl 9:18

O Ebɔrɛ, kaŋ kusoe n nu anyi be kekule nseŋ keni etɔrɔ nɛ awurfoŋ nɛ anyee ji ashi kade nɛ fo ketre deŋ so na to. Anyee kule fo nna ŋkpal fo ka bee wu kuwɔr so, mannɛ an ka la basa cheembi so.

Hoziya 6:9

Bɔrɛmatapoana ki fanɛ besugepo nɛ baa pugi kupuŋ to a jo basa a suge bumo be asɔ nna. Baa mɔ basa Shɛkɛm gba be ekpa to. Bumo alɛ bee kute nna a shuŋ le be ashuŋ lubi ere!

Eemɔs 4:5

Men ta men be bodobodo nɛ a kɔ yisi na m ba lara kechɔrɔ be sarga nsaa puchi ŋkpal esarga damta nɛ men bar na so ŋkpal manɛ so, loŋ nɛ menyee sha kebaa wora.

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Malakai 3:15

Naniere bre, ŋkpensheŋ wuraana na nɛ anyeeŋ kaŋɛ fanɛ baa nya nɛfa. Belubiworapoana gba bee wora Ebɔrɛ nna a keni nsaa ta bumo be amu a ji.’ ”

Matiu 23:13

Asheŋ maaŋ nyalɛ n sa menyi mbraŋinipoana nɛ Efarisiana ere kikɛ, kebirkɔnshiwuraana ere, ŋkpal men ka bee kuŋ basa ashi Ebɔrɛ be kuwura na to be keluri na to so. Men gbagba maa luri ebɔrɛso be kuwura na to, menyi alɛ nseŋ naa shin nɛ basa nɛ b daa beeŋ baa sha keluri bee paŋ kumo to be keluri.

Baru lela nɛ Jɔn kute na 13:18

E yɛ: “Mannɛ menyi kikɛ nɛ n de. N nyi bumo nɛ n lara. Ama ade kikɛ wora nna nɛ kananɛ abɔrɛsibɛ na kaŋɛ le na e bɔla ekpa, a kaŋɛ: ‘Esa nɛ e ji ma ajibi gbagba kilgi nna n tu ma.’

Baru lela nɛ Jɔn kute na 18:28

Juwebi na ka bar Yesu Kayafas pe nɛ b naŋ keta mo n lar ndoŋ n yɔ Romebi be gomena be lambu to. Saŋɛ na so nɛ kare bee chɛ, amoso, ŋkpal daŋkare be eyurpi be kenya so, Juwebi na daa maŋ luri gomena na be lambu na to, ŋkpal manɛ so, b daa sha ketiŋ n ji Kebansonchoŋ be kejibi na nna.