Jɛremaya 6:27 - EBƆRƐ BE KAWƆL

²⁷ Jɛremaya, wora ma basa ŋ keni m pin basa nɛ b la bumo fanɛ kananɛ baa wora kebɛlso a keni a pin kumo to na.

Jɛremaya 6:27 Iomraidhean Croise

Jɛremaya 1:18

Jɛremaya, nu nfe! Juda be bewura nɛ benimuana nɛ bɔrɛmatapoana nɛ basa na kikɛ beeŋ nya agbo a kɔ fo. Ama meeŋ wora fo eleŋ to kabre, nɛ fo tiŋ n yili to n tu bumo ŋ kɔ. Feeŋ baa du fanɛ kadegboŋ nɛ b pɔr egbal lempo ŋ kulti kumo ŋko kebɛlso tenteŋ ŋko danyaŋ peper be egbal nɛ b maaŋ tiŋ ŋ kɔ m pɔɔ fo so kikɛ. Ŋkpal manɛ so, meeŋ baa wɔ fo kutɔ a kuŋ fo. Ma, Enyɛnpe Ebɔrɛ e kaŋɛ na.”

Jɛremaya 15:20

Meeŋ shin nɛ fo ki fanɛ epal be egbal lempo basa kutɔ. Baaŋ kɔ fo ama b maaŋ tiŋ m pɔɔ fo so. Meeŋ baa wɔ fo kutɔ a kuŋ fo nɛ shɛŋ shɛŋ maaŋ wora fo.

Jɛremaya 9:7

Ŋkpal loŋ so nɛ Enyɛnpetale Ebɔrɛ na kaŋɛ le; “Ma basa teŋ wora alubi n da ma so. Manɛ nɛ meeŋ wora bumo nɛ mannɛ kelɔŋɛ bumo so fanɛ kananɛ baa lɔŋɛ kebɛlso so na?

Ezikɛl 20:4

Dimɛdi pibi, fo wora shiriya nɛ fo kpele bumo kusoe a? Kumo ere nyiŋi bumo ekishisheŋ nɛ bumo tutoana daŋ wora na be asheŋ,

Ezikɛl 22:2

“Dimɛdi pibi, Ezikɛl, fo wora shiriya nɛ fo kaŋɛ Jerusalɛm nɛ k la kadegboŋ nɛ basa nɛ baa mɔ basa bɔlɔ kumo to na fanɛ k maŋ wora n nyalɛ a? Kumo ere shin nɛ basa na e pin bumo be ekishisheŋ nɛ b wora na be asheŋ.