Jɛremaya 6:25 - EBƆRƐ BE KAWƆL

²⁵ Anyee ŋana keyɔ ndɔana to ŋko n lar ndeana to gba nna n yɔ mboŋ ko, ŋkpal manɛ so, an doŋana kɔ akɔsɔ to nna a ba nɛ b ba kɔ anyi kena nɛ kufugboŋ sɔ efuli na be kaplɛkama.”

Jɛremaya 6:25 Iomraidhean Croise

2 Kronikɛls 15:5

Loŋ be jemanɛ na so, esa kikɛ daa maaŋ tiŋ n nite yɛlyɛla so ŋkpal manɛ so kena daŋ baa wɔ kaplɛkama nna.

Job be kawɔl 18:11

Kenishipere nɛ k bee keta kufu bɛ bumo so kaba kama so nna.

Nshɛ 31:13

N nu basa ka bee kuli ma, nɛ kufu pɛ ma ga. B yɛ, baa kre ma ŋkre nna, a fin ma nɛ b mɔ.

Aizaaya 1:20

Ama nɛ men kplaŋ ma so bre, kumo ere menyeeŋ wu kena to. Ma, Enyɛnpe Ebɔrɛ na, e kaŋɛ na.”

Jɛremaya 14:18

M baŋ yɔ kupuŋ to, mee wu benyɛn nɛ b wu kena to a dese nna. Ma alɛ naŋ luri nde to, mee wu basa nɛ akoŋ bee mɔ nna. Ama anebiana nɛ bɔrɛmatapoana na bre kraa shuŋ bumo be ashuŋ nna, a maŋ nyi kusɔ nɛ k bee wora gba.”

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 30:5

“N nu basa ka bee boŋ to a shu kufugboŋ so, mannɛ kayurwushi be kushu e daa la.

Jɛremaya 4:10

Ndoŋ nna nɛ ma, Jɛremaya, kaŋɛ le: “Enyɛnpetale Ebɔrɛ, kumo ere k du fanɛ fo fule Jerusalɛm be basa na nna na. Fo yɛ kayurwushi beeŋ baa wɔtɔ, ama naniere tokobi e yuu bumo be elɔŋtɔr so na.

Jɛremaya 4:5

Men foŋ kabel ashi kasawule na kikɛ so! Men ponte awɔrso nɛ k baa nu to nɛnɛ! Men kaŋɛ Juda nɛ Jerusalɛm be basa fanɛ b shile n yɔ ndegboŋ nɛ b pɔr egbal ŋ kulti amo na to.

Jɛremaya 46:5

Nɛ Enyɛnpe Ebɔrɛ na bishi le: “Manɛ nɛ mee wu ere? Kufugboŋ e tɔr bumo so nɛ b bɛta a shile. Bedoŋ pɔɔ bumo be benapo so nna nɛ b bɛta n ta kufu a shile bumo be eshile kikɛ nsaa maŋ naa gbɛ a keni kaman gba.

Jɛremaya 49:29

Mbe benapo nɛ bumo be asheŋ bee keta kufu na beeŋ ba kulti menyi n wɔtɔ nseŋ suge menyi be ewajɛbu nɛ asɔ kikɛ. Bumo alɛ beeŋ naŋ suge menyi be mbolpɔ nɛ enyɔma gba n ti so.

Jɛremaya 49:5

Meeŋ shin nɛ kenishipere gboŋgboŋi nɛ k bee keta kufu a shi kaba kama so m ba menyi so nɛ men shile m mɔlga menyi be amu. Esa kikɛ maaŋ naa wɔtɔ nɛ e naŋ gama menyi be benapo abar so.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Jɛremaya 8:15

Anyi daa tama kayurwushi nɛ eyur be alenfia nna, ama kayurnyaŋ gboŋgboŋi e ba anyi so.

Nfabel 2:22

Enyɛnpe Ebɔrɛ, fo kanya agbo so, fo kela n tre n doŋana nna fanɛ basa nɛ fo tre kejigboŋ to na. Esa kikɛ daa maŋ ji efute loŋ be kachɛ na. Bedoŋ na daŋ mɔ ma mbia nɛ m bela a sha bumo ga na nna.

Ezikɛl 21:17

Ma alɛ gba beeŋ ber enɔbelaŋ, nɛ ma agbo e yɔɔso. Ma, Enyɛnpe e kaŋɛ na.”

Ezikɛl 7:18

Baaŋ ta ebɔtɛ ŋ ki asɔbuuso m buu a ŋini fanɛ bumo be ŋgbene jija bumo nna, nɛ kufugboŋ e tɔr bumo so. Anishinyɔr beeŋ pɛ bumo nseŋ shin nɛ ekama e she mbe kumu nɛ k baa la ŋaba n sa mo.

Luuk 19:43

Ŋkpal manɛ so, saŋko beeŋ ba nɛ men doŋana e ba pɔr egbal ŋ kulti menyi be kade ere nseŋ chambɔ kaba kama so ŋ kulti kade na