Jɛremaya 6:24 - EBƆRƐ BE KAWƆL

²⁴ Ndoŋ nna nɛ Jerusalɛm be basa na kaŋɛ le: “An nu bumo be asheŋ nɛ kufugboŋ tɔr anyi so nɛ anyi be eyur wu anyi. K shin nɛ kagbenejija tɔr anyi so nɛ anyee we anyii to fanɛ eche nɛ kakurge ta mo na.

Jɛremaya 6:24 Iomraidhean Croise

Nshɛ 48:6

Kechichachicha nɛ ebesa daŋ tɔr bumo so nna fanɛ eche ka bee shin nɛ e kurge na.

Aizaaya 21:3

Kusɔ nɛ n daŋ wu nseŋ nu bɔrɛdare na to na shin nna nɛ kufugboŋ ko nɛ ebesa fanɛ kakurge be ebesa luri ma to.

Aizaaya 28:19

Jɛrbi beeŋ gbelge menyi so kachipurso nɛ kapaso nɛ kanyɛso kikɛ nna fanɛ nchu ka bee bɔlɔ a ba na. Kubɔya popɔr kama malɛ nɛ k beeŋ shi Ebɔrɛ kutɔ m ba menyi kutɔ beeŋ ta kufugboŋ m pɛ menyi!

Jɛremaya 13:21

Nɛ basa nɛ fo tama fanɛ b la fo teriana kaŋ ba kɔ m pɔɔ fo so nsaa ji fo so kuwura, manɛ nɛ feeŋ kaŋɛ? Feeŋ baa wɔ ebesa to fanɛ eche nɛ kakurge ta mo na nna.

Jɛremaya 22:23

Men chena ewurkpa nɛ men ta Lebanɔn be efuli so be ndibi nɛ baa tre sida n lɔŋɛ na to nna nsaa maa fɔŋ shɛŋ so. Ama ŋ kaŋ shin nɛ ebesa fanɛ kakurge be ebesa ba menyi so na, nɛ menyi be asheŋ beeŋ baa keta kuwɔr.

Jɛremaya 30:6

To, men yige kusɔ kama nseŋ fɛ nfɛra! Enyɛn beeŋ tiŋ n di kedampo ŋ kurge ebi a? Nɛ manɛ nna nɛ n wu enyɛn kama ka biti epun so nseŋ wora anishiakpa fanɛ eche nɛ kakurge ta mo?

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 48:41

Baaŋ kɔ n suge ndeana na nɛ mboŋ lempoana na kikɛ. Loŋ be kachɛ na kufu beeŋ pɛ Mowab be benapo fanɛ kananɛ kufu bee pɛ eche nɛ kakurge ta mo na.

Jɛremaya 49:24

Damaskɔs be basa na daŋ pɔ aba nna ga nseŋ daŋ ta kufu nɛ keyeŋi yeŋi n shile. Ebesa nɛ kagbenejija damta e daa wɔ bumo to fanɛ eche nɛ e bee kurge na.

Jɛremaya 50:43

Babilɔn be ewura ka nu baru na, nɛ kufu pɛ mo nɛ mbe eyur wu mo. Ndoŋ nna nɛ kagbenejija damta tɔr mo so nɛ e bee kii kɔnɔ to fanɛ kakurge ka ta eche na.

Ezikɛl 7:17

Ebruma beeŋ tɔr basa kikɛ so nɛ bumo be mbre maŋ naa kɔ eleŋ nɛ bumo be amuli malɛ e baa chicha.

Danɛl 5:9

Nɛ ewura Bɛlshaaza be kagbene naŋ jija mo ga n ti so nɛ mbe anishito ki foleebi nɛ mo kikɛ kilgi n fuli. Mbe bewurbi gba maŋ naa nyi kusɔ nɛ baaŋ wora.

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.