Jɛremaya 6:23 - EBƆRƐ BE KAWƆL

²³ B kɔ bumo be ata nɛ etokobi nna a ba. Bumo alɛ maŋ kɔ kushuso ŋko e wu kuwɔr. Egbaŋɛ nɛ baa dii na be aya bee gbri kasawule so nna fanɛ ketili ka bee kaa teku so na. B wora shiriya nna a ba nɛ b ba kɔ Jerusalɛmebi kena.”

Jɛremaya 6:23 Iomraidhean Croise

Aizaaya 10:32

Kabre bedoŋ na wɔ kade nɛ baa tre Nɔb na to nna m bɔɔ enɔ a fiɛ to a teŋi a ŋini Zayɔn be kebee nɛ k wɔ Jerusalɛm na.

Aizaaya 13:18

Bumo be ata nɛ atanyembi nɛ baaŋ ta m mɔ mbrantiɛfɔlbi. B maaŋ wu mbi popɔrbi kuwɔr ŋko n shu mbiwurbi so.

Aizaaya 17:12

Efuliana nɛ a kɔ eleŋ ga na du fanɛ atiligboŋ nɛ a bee koso teku so a wora awɔrgboŋ na nna.

Aizaaya 19:4

Ma alɛ kraa beeŋ shin nɛ ewura nɛ e maa wu kuwɔr nsaa kute a wɔtɔ basa ebesa to na e ji kuwura bumo so. Ma, Enyɛnpetale Ebɔrɛ na e kaŋɛ na.”

Jɛremaya 25:32

Ade kikɛ be kaman, nɛ Enyɛnpetale Ebɔrɛ na naŋ kaŋɛ fanɛ jɛrbi nɛ k du fanɛ bɔrɛfugboŋ na beeŋ ba durnya to be efuliana na kikɛ so kukoko to.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 4:16

Baa ba nna nɛ b ba kaŋɛ efuli pɔtɛana na kusɔ ko nseŋ kpele Jerusalɛm to ebi kusoe fanɛ bumo doŋana shi efuli wɔfɔ wɔfɔ a ba. Bedoŋ ere bee ponte a malga a gbiti Juda be ndegboŋana nna

Jɛremaya 4:29

Kade kama to be basa ka baŋ nu egbaŋɛ diipoana nɛ basa nɛ b kɔ ata a kɔ be asheŋ baŋ lara aya fuful n shile. Beko beeŋ shile n yɔ kupo to, nɛ beko malɛ e shile n ya ŋana afaltagboŋ to. Kade kikɛ beeŋ dese fuloŋ, nɛ esa kikɛ maaŋ naa wɔ amo to.

Jɛremaya 5:16

Bumo be benapo nɛ b kɔ ata a kɔ kena na la belempo nɛ b maa wu kuwɔr nna.

Jɛremaya 50:41

Basa ko bee shi efuli ko nɛ k wɔ kelargato be esoso a ba, k la efuligboŋ nɛ k kɔ bewura damta nna. B shi kufɔ n wora kena be shiriya nna a ba.

Jɛremaya 50:42

B teŋ ta bumo be ata nɛ etokobi ŋ keta; bumo be benapo maŋ kɔ kushuso, bumo alɛ maa wu kuwɔr. B baa dii egbaŋɛ a ba k bee gbri nna fanɛ teku be nchu ka bee wɔr na. B bela ase nna a ba nɛ b ba kɔ Babilɔn be efuli so be basa kena.

Jɛremaya 6:4

Kumo be kaman nɛ b kaŋɛ bumo benapo na le: “An kaŋ fo Jerusalɛm to kachipurso, kapiidi nɛ anyeeŋ kɔ kumo kena. Ama nɛ an ka maŋ wule n fo bre,

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Ezikɛl 21:31

Meeŋ shin nɛ ma agbo e ba menyi so fanɛ edɛ na n chɔɔ menyi. Meeŋ ta menyi m bɔɔ basa nyaŋnyaŋso enɔ, basa nɛ b nyi kamɔ to.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.