Jɛremaya 6:21 - EBƆRƐ BE KAWƆL

²¹ Ŋkpal loŋ so, ma Enyɛnpe Ebɔrɛ na beeŋ shin nɛ basa ere e fiti n tɔr. Betuto nɛ benio nɛ bumo be bibi nɛ beteriana nɛ bechenashapoana kikɛ beeŋ wu ashi asheŋ nɛ e beeŋ ba bumo so na to.”

Jɛremaya 6:21 Iomraidhean Croise

2 Kronikɛls 36:17

Ŋkpal loŋ so Enyɛnpe Ebɔrɛ daŋ shin nna nɛ Babilɔn be ewura nɛ mbe benapo ba kɔ bumo kena, nseŋ mɔ Juda be mbrantiɛbia nɛ b wɔ bɔrɛlambu na to na. E daa maŋ wu esa kikɛ kuwɔr, nseŋ mɔ mbifɔlbi nɛ benimu nɛ benyɛn nɛ beche nɛ belɔpo nɛ alenfiawuraana kikɛ. Ebɔrɛ daŋ shin nna nɛ e mɔ basa kikɛ kade na to.

Aizaaya 8:14

Ŋkpal ma kecheembiya ka bee keta kufu so n du fanɛ kejembu gboŋ nɛ k pul nɛ basa bee fiti kumo a tɔr na nna. Ma alɛ naa du fanɛ kejigbelɛ nɛ k beeŋ pɛ Juda nɛ Israɛl be efuliana so nɛ Jerusalɛm to be basa nna.

Aizaaya 8:15

Basa damta beeŋ fiti kumo n tɔr m buri to nɛ bedamta e tɔr kejigbelɛ na to nɛ b pɛ bumo ŋ gberge bumo n yɔ.”

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 13:16

Men baa maŋkura Enyɛnpe menyi be Ebɔrɛ na; saŋɛ na so e maaŋ shin nɛ tentembiri e ba menyi so nɛ men baa nite a fiti a tɔr abee so. Men baa maŋkura mo, saŋɛ na so e maaŋ shin nɛ kefulto nɛ menyee tama na e ki tentembiri mina n sa menyi.

Jɛremaya 18:21

Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.

Jɛremaya 18:23

Ama Enyɛnpe Ebɔrɛ, fo nyi ejina nɛ b to a laŋɛ ma kemɔ be kaplɛa so be asheŋ. Amoso nya agbo n wora bumo nsaa maŋ ta bumo be alubi m paŋ bumo. Shin nɛ b kɔ n tɔr.”

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Ezikɛl 3:20

Kede be kaman, nɛ esa nɛ e bee wora alelasheŋ yige alelasheŋ be kewora nsaa wora alubi, nɛ n shin nɛ e luri kebaawɔtɔ kpakpaso ko to, nɛ fo maŋ fɛa mo so, e beeŋ wu ŋkpal mbe alubi so. M maaŋ nyiŋi mbe alelasheŋ nɛ e wora na be kukoŋwule gba. Ma alɛ beeŋ ta mbe luwu na m bɛ fo.

Ezikɛl 5:10

Bekurgepo beeŋ kpal akoŋ so a mɔ bumo be mbia a we nɛ mbia e baa mɔ bumo bekurgepoana a we. Meeŋ gberge menyi kusoe hale nɛ bekama nɛ baaŋ ji efute gba na e pesaŋ to n yɔ mboŋ wɔfɔ.

Levitikɔs 26:37

Menyeeŋ fiti abar n lar n tɔr jemanɛ nɛ esa kama maŋ ju a buu menyi so. Menyi maaŋ naŋ tiŋ ŋ kɔ edoŋ kikɛ.

Romebi 11:9

Ewura Deevid malɛ yɛ: “Ebɔrɛ e shin nɛ b gelge ŋ gben nɛ b so m pɛ bumo ashi bumo be ejikpa. Ebɔrɛ e shin nɛ b tɔr nseŋ shin nɛ b gberge bumo kusoe.

Romebi 9:33

Kumo be asheŋ nɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Men keni, kejembu nɛ n ta n nase Zayɔn nɛ k bee shin nɛ basa bee fiti kumo na, kumo e la fanɛ kefalta nɛ baaŋ fiti n tɔr na. Ama ekama nɛ e yirda mo Yesu na bre maaŋ ji anishinyɔr kikɛ.”

1 Pita 2:8

Baa fiti a tɔr nna ŋkpal b ka maŋ yirda kamalga na so, kusɔ nɛ Ebɔrɛ malɛ yili bumo nna na.