Jɛremaya 6:18 - EBƆRƐ BE KAWƆL

¹⁸ Amoso nɛ Enyɛnpe Ebɔrɛ kaŋɛ le na: “Menyi basa nɛ men wɔ efuli pɔtɛana nɛ e wɔ durnya to na e nu nfe nseŋ pin kusɔ nɛ k beeŋ tu ma basa.

Jɛremaya 6:18 Iomraidhean Croise

Aizaaya 5:3

Ŋkpal loŋ so nɛ n teri na kaŋɛ le: “Menyi basa nɛ men wɔ Jerusalɛm be kade to nɛ Judiya be efuli so, men ji ma nɛ ma ndibi sɔrso be kudɔ be asheŋ ere n sa ma.

Jɛremaya 31:10

Enyɛnpe Ebɔrɛ na yɛ: “Menyi efuliana nɛ e taga to nɛ amo nɛ a wɔ teku be apla so kikɛ na e nu nfe. Ma e daŋ pesaŋ Israɛl be basa na to, ama ma alɛ beeŋ naŋ gama bumo abar so. Meeŋ baa kuŋ bumo fanɛ kananɛ mbolpɔkpapo bee keni so a kuŋ mbe mbolpɔ na.

Jɛremaya 4:10

Ndoŋ nna nɛ ma, Jɛremaya, kaŋɛ le: “Enyɛnpetale Ebɔrɛ, kumo ere k du fanɛ fo fule Jerusalɛm be basa na nna na. Fo yɛ kayurwushi beeŋ baa wɔtɔ, ama naniere tokobi e yuu bumo be elɔŋtɔr so na.

Jɛremaya 4:16

Baa ba nna nɛ b ba kaŋɛ efuli pɔtɛana na kusɔ ko nseŋ kpele Jerusalɛm to ebi kusoe fanɛ bumo doŋana shi efuli wɔfɔ wɔfɔ a ba. Bedoŋ ere bee ponte a malga a gbiti Juda be ndegboŋana nna

Jɛremaya 6:17

Ndoŋ nna nɛ Enyɛnpe Ebɔrɛ na shuŋi anebiana fanɛ b ba kpele menyi kusoe a laŋɛ kenishipere nɛ k bee ba na be kaplɛa so, ama men kini kenu n sa kasokpele na.

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Maika 6:5

Ma basa, men baa nyiŋi kusɔ nɛ Mowab be ewura Balak daŋ kre kewora menyi nɛ kusɔ nɛ Biyɔɔ pibinyɛn Balaam daŋ kaŋɛ mo a laŋɛ menyi be kaplɛa so na. Men naŋ nyiŋi asheŋ nɛ e wora saŋɛ nɛ men lar Shitim a yɔ Gilgaal na nseŋ nyiŋi kananɛ ma, Enyɛnpe Ebɔrɛ na mɔlga menyi ale damta.”