Jɛremaya 6:16 - EBƆRƐ BE KAWƆL

¹⁶ Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Jɛremaya 6:16 Iomraidhean Croise

1 Bewura 8:36

kumo ere, Enyɛnpe Ebɔrɛ, yili esoso n nu bumo be kekule nseŋ ta fo basa Israɛlebi be alubi m paŋ bumo nseŋ ŋini bumo kusɔ nɛ k daga, n shin nɛ bɔrɛ e ba fo kasawule nɛ fo ta n sa fo basa fanɛ bumo be kapetɛ mbaanaayɔ ere so.

2 Kronikɛls 19:11

Bɔrɛmatapowura nimuso Amariya e naaŋ baa ji kabɔrɛshuŋ be kaplɛa so be asheŋ to, nɛ Zebadiya nɛ e la Ishmaɛl pibinyɛn nɛ e la Juda be gomena na malɛ e baa ji asheŋ nɛ a ka na to. Livaiebi na malɛ e naŋ baa keni nɛ kananɛ b nase asheŋ na a shuŋ. Men ba leŋ men be amu to nsaa bɛ keŋini ere so nɛ Enyɛnpe Ebɔrɛ e baa wɔ bekama nɛ b kɔ kashenteŋ be kaman!”

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Aizaaya 2:5

Naniere, Israɛlebi, men shin nɛ an baa wora asheŋ ashi Enyɛnpe Ebɔrɛ na be kefulto nɛ kebaanyi mbe kebaawɔtɔ to!

Aizaaya 28:12

E bee sha kesa menyi kikɛ ewushi nɛ kayurwushi nna, ama men kini kenu n sa mo.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 46:9

Men baa nyiŋi kusɔ nɛ k wora dra na, nseŋ pin to fanɛ n nawule e la Ebɔrɛ. Ekama maŋ du fanɛ ma.

Aizaaya 57:2

Bekama nɛ b wɔ kebaawɔtɔ lela to bee nya kayurwushi nɛ ewushi ashi luwu to nna ŋkpal b ka daa wora Ebɔrɛ kasonu so.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Jɛremaya 12:16

Jemanɛ ko b daŋ ŋini ma basa kananɛ baa shuŋ kegbir nɛ baa tre Baal na nna. Ama nɛ b shuli so fanɛ ma e la kashenteŋ be Ebɔrɛ na nseŋ shin nɛ ma basa ŋini bumo kananɛ baaŋ baa shuŋ ma bre, meeŋ shin nɛ efuli pɔtɛana ere be basa gba e ki ma basa.

Jɛremaya 18:12

Ama baaŋ kaŋɛ le: ‘Ayai, manɛ so nɛ anyee yige kumo? Anyi kikɛ kraa beeŋ baa wɔ ŋgbene kpakpaso to nsaa wora asheŋ lubi kananɛ anyee sha.’ ”

Jɛremaya 18:15

Ama ma basa bre teŋ ma so nna nseŋ lar ma kaman n ya kaa chɔɔ eduwu a sa agbirana. B daŋ yige ekpa nɛ k daga fanɛ b baa bɔla so a wora asheŋ nna, nseŋ ya kaa bɔla ekpa popɔr so a shuŋ agbir; nɛ k wora fanɛ b ka fiti n tɔr na.

Jɛremaya 2:25

Israɛl be basa, men yige kebaaju a buu agbirana so nɛ menyi be asɛbta e sa maŋ ji n loge ŋ ka menyi be aya fuloŋ, ŋko nɛ menyi be ebɔl to e sa maŋ wɔl to. Ama le nɛ men kaŋɛ: ‘Ayai, anyi maaŋ tiŋ n yige amo be kebaa shil a bɛ so. Anyee sha agbir pɔtɛana na nna ga, amoso nɛ anyee shuŋ amo kenishipereso na.’ ”

Jɛremaya 22:21

Jemanɛ nɛ asheŋ daa nite nɛnɛ a sa menyi na, Enyɛnpe Ebɔrɛ daŋ kpele menyi kusoe, ama men kini kenu n sa mo. Ma nɛ menyi ka fara m pin abar dra dra na kikɛ, menyi maŋ naŋ wora kusɔ Enyɛnpe Ebɔrɛ kaŋɛ menyi kikɛ.

Jɛremaya 31:21

Men chiya abɔrdia n dulgi ekpa nɛ menyeeŋ bɔla so n yɔ na. Israɛl be basa, men bɛta m ba epe; men bɛta m ba nde nɛ men lar amo to n yɔ na.

Jɛremaya 42:3

Amoso kule Enyɛnpe, anyi be Ebɔrɛ na nɛ e ŋini anyi kakpa nɛ anyeeŋ yɔ nɛ kusɔ nɛ anyeeŋ wora.”

Jɛremaya 44:16

“An kini kenu kusɔ nɛ fo kaŋɛ anyi ashi Enyɛnpe Ebɔrɛ na be ketre to nna.

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Jɛremaya 7:24

Ama b daa maŋ nu n sa ma. Kusɔ nɛ bumo be ŋgbene kpakpaso kaŋɛ bumo nɛ b daa wora, nɛ kumo be loŋ shin nɛ bumo be kebaawɔtɔ jija n ti so.

Malakai 4:4

Men baa nyiŋi men nananyɛn ma kayɛrbi Mosis be keŋini na, nɛ mbra nɛ n ta n sa mo ashi kebeegboŋ nɛ baa tre Sainai na so fanɛ e ta n sa Israɛl be basa kikɛ nɛ b bɛ amo so na.

Luuk 16:29

Nɛ Eebraham kaŋɛ mo le: ‘B kɔ mmalga nɛ anebi Mosis nɛ anebiana na sibɛ na, amoso, shin nɛ b baa nu amo.’

Baru lela nɛ Jɔn kute na 12:35

Nɛ Yesu kaŋɛ bumo: “Kefulto na maaŋ naŋ chɛr menyi kutɔ. Amoso, men ka kraa kɔ kumo menyi to ere bre, men baa na kumo to, saŋɛ na so, tentembiri maaŋ luri menyi to. Esa kama nɛ e na tentembiri to maa pin kakpa nɛ e bee yɔ.

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Romebi 4:12

Mo ere Eebraham koŋwule na e la bumo nɛ b ku atutu na gba bumo tuto, ama mannɛ b ka baŋ ku na so, b ka wɔ yirda be kebaawɔtɔ koŋwule nɛ mo ere Eebraham daa wɔ to pɔɛŋ nseŋ ku kututu na gba so.

Ditɛronɔmi 32:7

Men laŋɛ menyi be nfɛra n yɔ dra na be nchɛ so; men bishi basa nɛ b kurge menyi na kusɔ nɛ k daŋ wora, nseŋ naŋ bishi basa kpar nɛ b kaŋɛ menyi adrasheŋ.

Kɔlɔsiebi 2:6

Amoso, men ka sɔ Yesu Kristo fanɛ men Nyɛnpe ere, men keta men be amu fanɛ basa nɛ bumo nɛ mo ki kukoŋwule a kɔ mo to kpakpa

Hibruwebi 11:2

Le be yirda ere so nɛ Ebɔrɛ daŋ kpaŋ bedrapo na.

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.

Demujipoana 2:17

Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.