Jɛremaya 6:15 - EBƆRƐ BE KAWƆL

¹⁵ Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 6:15 Iomraidhean Croise

Jɛnesis 19:34

Kumo be ŋklade nɛ mo pibiche gboŋiso na kaŋɛ mo sipo na le: “Ndere kanyɛso ma ere nɛ an tuto di, amoso shin nɛ an naŋ ya sa mo nsa kanyɛ ere nɛ fo alɛ nɛ mo e naaŋ di, saŋɛ na so anyi be ekama beeŋ bɔla mo so n nya kebia nɛ anyi be kanaŋ e sa maŋ mur.”

Ɛksodɔs 32:34

Amoso, bɛta n ya juŋkpar basa na n yɔ kakpa nɛ ŋ ŋini fo na nsaa nyi fanɛ meeŋ shin nɛ ma malaika e baa juŋkpar menyi, ama meeŋ gberge basa na kusoe kachako, ŋkpal bumo be kulubi na so.”

Aŋasa 29:1

Fo baŋ wora kumu kpakpaso ŋ kini kenu kasokpele damta, k maaŋ chɛr nɛ fo mur.

Aizaaya 10:4

Baaŋ mɔ menyi kena to ŋko ŋ gberge menyi n yɔ kenyaya to. Ama amo nɛ amo kikɛ, Enyɛnpe Ebɔrɛ na be agbo maaŋ wushi. E kraa beeŋ baa sha kegberge menyi kusoe n ti so.

Aizaaya 3:9

Kananɛ bumo be anishiakpaana du na e naa ji shɛda a gbiti bumo. Baa wora alubi nna a maŋ naa ta amo a ŋana fanɛ kananɛ kade nɛ baa tre Sodɔm na be basa daa wora na nna. Asheŋ maaŋ nyalɛ n sa bumo. Bumo alɛ gbagba e bar kumu lubi gboŋgboŋi bumo be amu so.

Jɛremaya 14:15

Kusɔ nɛ ma, Enyɛnpe Ebɔrɛ na, beeŋ wora anebiana nɛ m maŋ shuŋi nɛ bumo alɛ bee ku efɛ a deŋi ma nsaa kaŋɛ fanɛ kena nɛ akoŋ maaŋ ba kasawule na so na nde. Meeŋ shin nɛ b wu kena to nɛ akoŋ malɛ gba e naŋ mɔ bumo nɛ baaŋ ka na.

Jɛremaya 18:23

Ama Enyɛnpe Ebɔrɛ, fo nyi ejina nɛ b to a laŋɛ ma kemɔ be kaplɛa so be asheŋ. Amoso nya agbo n wora bumo nsaa maŋ ta bumo be alubi m paŋ bumo. Shin nɛ b kɔ n tɔr.”

Jɛremaya 23:12

Amoso, meeŋ shin nɛ kebaawɔtɔ e ki kpakpa ga n sa bumo; nɛ k wora fanɛ b ka bee nite tentembiri to ashi ekpa fɛrgeso to nsaa fɛrge a tɔr na. Bumo be kasogberge be saŋɛ kaŋ fo, meeŋ shin nɛ b ji jɛrbi damta ga. Ma, Enyɛnpe Ebɔrɛ e kaŋɛ na.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 44:10

Hale naniere gba, menyi be kamoowuso menyi maa sa ma bunyaŋ gba a bishi nɛ menyee wora ma mbraana nɛ keŋini nɛ n ta n sa men nananyɛnana na kasonu.

Jɛremaya 5:29

Ma, Enyɛnpe Ebɔrɛ na beeŋ gberge bumo kusoe ŋkpal asheŋ ere kikɛ so. Meeŋ wora n tal efuli na kikɛ be basa to.

Jɛremaya 5:9

Manɛ so nɛ m maaŋ gberge Juda be efuli so be basa kusoe?

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Jɛremaya 8:9

Menyi be benyiashempo ka kini ma, Enyɛnpe Ebɔrɛ na be kamalga so, baaŋ ji anishinyɔr nseŋ wulto to e maaŋ naa nyi asheŋ.

Ezikɛl 13:14

Mee kre kebure egbal nɛ men nyɔɔ n fuli na nɛ k bure cheche n tɔr nɛ kumo be gbaltɔlase nawule e ka a dese. Egbal na beeŋ tɔr menyi so m mɔ menyi kikɛ. Ndoŋ nɛ menyeeŋ pin fanɛ ma e la Enyɛnpe Ebɔrɛ na.

Ezikɛl 2:4

Basa nɛ mee shuŋi fo bumo kutɔ ere la ŋgbene kpakpaso nɛ kusoe kpakpa be basa nɛ b maa sa ma bunyaŋ nna. Ya kaŋɛ bumo kusɔ nɛ ma, Enyɛnpetale Ebɔrɛ na kaŋɛ.

Ezikɛl 24:7

Jerusalɛm to be basa mɔ basa nɛ b maŋ wora shɛŋ ashi kadegboŋ na to, ama b maŋ wora ania nɛ b wora eshishɛr m buu bumo be ŋklaŋ nɛ a wurge kefalta so gba.

Hoziya 4:5

Kapa nɛ kanyɛ, menyi nɛ menyi be anebiana na kikɛ bee fiti nna a tɔr. Ma alɛ beeŋ mur Israɛl nɛ e la men nio na.

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Maika 3:6

k beeŋ wora bumo kachako fanɛ kanyɛ ka biri nɛ b maŋ naa wu na. B maaŋ naaŋ tiŋ ŋ ku bɔrɛdare n fule ma basa kikɛ.

Maika 7:4

Bumo to be basa nɛ bumo be kebaawɔtɔ niŋi nɛ baa ji kashenteŋ gba maŋ bɔ. B du fanɛ ewidibi nna. To, kachɛ fo nɛ Ebɔrɛ e gberge edimɛdi kusoe, fanɛ kananɛ e bɔla anebiana na so ŋ kpele bumo kusoe na. Naniere bumo be nfɛra wulto nna.

Zefanaiya 2:1

Kanishinyɔrpaŋ be efuli be basa ere, men ba abar so

Zefanaiya 3:5

Ama Enyɛnpe Ebɔrɛ kraa wɔ kadegboŋ na to a wora kusɔ nɛ k daga, nsaa ji asheŋ nɛ amo be ekpa so karechɛ kikɛ. Basa nɛ b maŋ niŋi na bre maa ŋana anishinyɔr nsaa wɔtɔ a wora alubi saŋkama.

Zakareya 13:4

Loŋ be jemanɛ na kaŋ fo, anebi kikɛ maaŋ naa puchi mbe ebɔrɛdare so ŋko a wora anebi be aworbi ŋko a buu anebi be epiŋi a fule basa.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Filipaiebi 3:19

Bumo be ekar la kemur nna, ŋkpal manɛ so, bumo be epunana e la bumo be Ebɔrɛ nɛ bumo be kemaŋkura malɛ la anishinyɔr be asɔ. Kashenteŋto, bumo be ŋgbene kikɛ wɔ durnya ere to be asɔ to nna.