Jɛremaya 6:11 - EBƆRƐ BE KAWƆL

¹¹ Enyɛnpe Ebɔrɛ, kananɛ fo nya agbo n wɔtɔ Juda be basa na nɛ ma alɛ gba nya agbo ma kagbene to n wɔtɔ bumo. K bee chɔɔ ma kagbene to nɛ m maaŋ naŋ tiŋ ŋ keta kumo gba.” Ndoŋ nna nɛ Enyɛnpe Ebɔrɛ kaŋɛ ma le: “Shin nɛ ma agbo e ba mbia nɛ b wɔ agbembi so nɛ mbifɔlbi nɛ baa shɛr abar so na so. Bedoŋ beeŋ pɛ bekul nɛ bumo be beche kikɛ nɛ basa nɛ b bel ga na n yɔ efuli pɔtɛana so.

Jɛremaya 6:11 Iomraidhean Croise

Aizaaya 40:30

Basa fɔlbi gba bee kaa shuŋ a gben, nsaa fiti a tɔr.

Jɛremaya 15:17

N daa maŋ jija ma saŋɛ n tu basa pɔtɛ a mushe a ji ma kumu. Ama n nawule e daa wɔtɔ fanɛ kananɛ fo kaŋɛ na, nɛ kanya agbo wɔ ma kagbene to.

Jɛremaya 15:6

Men kini ma n lɛ nseŋ pal kaman n sa ma. Amoso meeŋ mur menyi, ŋkpal manɛ so, m maaŋ naŋ tiŋ n wu menyi kuwɔr.

Jɛremaya 18:21

Ama naniere, Enyɛnpe Ebɔrɛ, shin nɛ akoŋ a mɔ bumo be mbia ŋko shin nɛ b wu kena to. Kumo e la fanɛ fo shin nɛ benyɛn na e lɔ n wu nɛ mbrantiafɔlbi na malɛ e wu kena to, saŋɛ na so beche na beeŋ paŋ bumo kulana nɛ bumo be mbia.

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Jɛremaya 5:9

Manɛ so nɛ m maaŋ gberge Juda be efuli so be basa kusoe?

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Jɛremaya 9:20

Ndoŋ nna nɛ ŋ kaŋɛ le: “Beche, men nu kusɔ nɛ Enyɛnpe Ebɔrɛ bee kaŋɛ, nseŋ laŋɛ menyi be lakal m ba mbe mmalga na so. Men ŋini menyi be bibiche kananɛ baa shu nli a karga, nɛ men teriana kananɛ baa boŋ awɔba.

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Nfabel 1:15

Enyɛnpe Ebɔrɛ na wora anyi eyur to nna m mushe anyi be benapo lempoana. E shin nɛ benapo ba nna m ba mur anyi be mbrantiɛfɔlbi, nseŋ chichi anyi be basa so fanɛ kananɛ baa chichi greep be asɔrso so a wora yabra na.

Nfabel 2:21

Mbifɔlbi nɛ basakpar kikɛ e wu a dese agbembi so na, bedoŋ malɛ ta etokobi m mɔ mbrantiɛ nɛ besuŋgurbi. Kachɛ nɛ fo nya agbo na nɛ fo shin nɛ bedoŋ mɔ bumo nsaa maŋ wu bumo kuwɔr kikɛ.

Ezikɛl 24:21

ŋ kaŋɛ menyi, Israɛl be basa kubɔya ere fanɛ menyee puchi bɔrɛlambu na be eleŋ so na nna. Menyi alɛ nseŋ naa sha kebaa wu kumo nsaa yɔ kumo to, ama Enyɛnpe Ebɔrɛ na bee shin nɛ e jija kumo nna nɛ k maaŋ naaŋ daga keshuŋ Ebɔrɛ kumo to. Menyi be mbia nɛ b wɔ Jerusalɛm to naniere na malɛ beeŋ wu kena to.

Ezikɛl 3:14

Ndoŋ nna nɛ Ebɔrɛ be Kiyoyu na naŋ ta ma, nɛ Enyɛnpe Ebɔrɛ na be eleŋ gbelge ma so ga nɛ ma kagbene kaa nɛ n nya agbo.

Ezikɛl 3:3

Kumo be kaman nɛ e kaŋɛ ma: “Dimɛdi pibi, ta kawɔl sibɛso nɛ n sa fo ere n ji fanɛ ajibi m moɛ.” Nɛ n ta kumo n ji. K daa du belbel ma kɔnɔ to nna fanɛ mushoŋ.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Maika 3:8

Ama Enyɛnpe Ebɔrɛ na ta mbe Kiyoyu nɛ mbe eleŋ na nna n wɔtɔ ma ere to, nseŋ shin nɛ n nya kenyɛn a ji asheŋ nɛ amo be ekpa so nsaa tiŋ a kaŋɛ Israɛl be basa bumo be alubi.

Luuk 17:34

Kumo be kamɔnchɛ be kanyɛso benyɛn anyɔ beeŋ baa dese gedo koŋwule so nɛ b ta ekoŋwule nseŋ ka enyɔsopo na.

Ashuŋ Shunso 17:16

Pɔɔl ka wɔ Atens a jo Sailas nɛ Timoti nseŋ wu kananɛ agbir bɔlɔ kade na to nɛ mbe kagbene jija mo ga.

Ashuŋ Shunso 18:5

Sailas nɛ Timoti ka shi Masɛdonia m ba nɛ Pɔɔl yige kusɔ kama nsaa wɔtɔ a bɔ kubɔya na a bugi kumo to nɛnɛ a kaŋɛ Juwebi na fanɛ Yesu e la Kristo na.

Ashuŋ Shunso 4:20

Anyi ere maaŋ tiŋ n yige kemalga kusɔ nɛ anyi gbagba wu nseŋ nu be asheŋ.”

Kelaraŋŋini 16:1

Ndoŋ nna nɛ n nu ebɔl ko ka shi ebɔrɛso be bɔrɛlambu na to m ba malga awɔrso a kaŋɛ a kaŋɛ emalaika ashunu na le: “Men ya chulgi Ebɔrɛ be agbo nɛ k bɔlɔ ntishaŋ ashunu na to n wurge kasawule so.”