Jɛremaya 6:10 - EBƆRƐ BE KAWƆL

¹⁰ Ndoŋ nna nɛ ŋ kaŋɛ le: “Ekama nɛ ŋ kpele mo kusoe gba maaŋ nu n sa ma. Bumo be asoe ka du kpakpa ga so, baa mushe kubɔya kama nɛ fo ta n sa fanɛ n sa bumo na nna nsaa kini kenu n sa kumo.

Jɛremaya 6:10 Iomraidhean Croise

Nshɛ 1:2

Bumo be kagbenefuli bee shi Enyɛnpe Ebɔrɛ na be keŋini be kebaawɔtɔ to nna; nɛ kumo be loŋ malɛ wɔ bumo be nfɛra to kapa nɛ kanyɛ.

Nshɛ 119:16

Ma kagbene bee fuli fo mbra so nna; ma alɛ maaŋ teŋ fo mmalga so kikɛ.

Nshɛ 119:174

Enyɛnpe Ebɔrɛ, fo nɛ mee jo nɛ fo mɔlga ma, ŋkpal manɛ so, fo mbra e naa fuli ma kagbene.

Nshɛ 119:24

Fo mbraana e naa shin nɛ ma kagbene bee fuli ma ga; amo e naa ji ma asoe to.

Nshɛ 119:35

Ta fo mbraana na a ŋini ma ekpa, ŋkpal manɛ so, amo e naa fuli ma kagbene.

Nshɛ 119:70

B maa pin fo asheŋ to, ama ma ere be kagbene bee fuli fo mbra so nna.

Nshɛ 119:77

Wu ma kuwɔr n shin nɛ m baa wɔ ŋkpa to, ŋkpal fo mbra ka bee fuli ma kagbene so.

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Ɛksodɔs 6:12

Nɛ Mosis kaŋɛ Enyɛnpe Ebɔrɛ: “Keni, Israɛlebi na gba e kini kenu n sa ma na nɛ nuso nɛ ewura Fɛɛro bre beeŋ nu n sa ma nɛ m maŋ nyi kamalga ere?”

Aizaaya 42:20

Fo, Israɛl, wu asɔ damta ga, ama fo alɛ be lakal maŋ wɔ amo to. Fo kɔ asoe nɛ a beeŋ tiŋ n nu asheŋ, ama fo alɛ maŋ kaŋ asoe n nu shɛŋ.”

Aizaaya 53:1

Ndoŋ nna nɛ basa na malɛ bishi le: “Wanɛ e naaŋ yirda kubɔya nɛ anyee nu ere? Wanɛ e daŋ wu Enyɛnpe Ebɔrɛ be eleŋgboŋ ka shuŋ le?

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Jɛremaya 7:13

Menyi alɛ gba bee wora alubi nna na nɛ mee malga a sa menyi kapa nɛ kanyɛ, ama men maa nu a sa ma. M baŋ tre menyi gba menyi maa shuli ma so.

Jɛremaya 7:26

Amo nɛ amo kikɛ men to be esa kikɛ m maa nu a sa ma. Menyi be ŋgbene bee wora kpakpa nna a ti so nɛ menyee kini ma nsaa lar ma kaman gba a chɔ men nananyɛnana na.

Ezikɛl 3:7

Ama Israɛl be basa ere maŋ wora shiriya nɛ b nu n sa fo, ŋkpal manɛ so b maŋ wora shiriya nɛ b nu n sa ma so. Bumo kikɛ la kusoe kpakpaso nɛ kumu kpakpaso be basa nna.

Ezikɛl 33:3

Nɛ e baŋ wu edoŋ ka bee ba nɛ e foŋ kabel nɛ ekama e pin.

Ezikɛl 33:9

Ama nɛ fanɛ fo fɛa esa lubi na so nɛ e maŋ yige alubi be kewora, nseŋ wu mbe alubi to, mannɛ fo e bar kumo.”

Eemɔs 7:10

Le be kubɔya nɛ Amaziya nɛ e la Bɛtɛl be bɔrɛmatapo na daŋ ta n sa Jeroboam nɛ e la Israɛl be ewura na. E yɛ: “Eemɔs bee kre menyi ŋkre lubi nna ashi Israɛlebi be kasawule so. Mbe mmalga gba nawule beeŋ tiŋ m mur efuli na kikɛ.”

Matiu 3:7

Jɔn ka wu Efarisi nɛ Esadusi damtaana ka bee ba mo kutɔ nɛ e bɛr bumo kabɔrɛbɛr, nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Luuk 11:45

Ndoŋ nna nɛ mbraŋinipoana na be eko kaŋɛ mo: “Eŋinipo, kananɛ fee malga le ere, fee tege anyi alɛ gba nna na.”

Luuk 20:19

Mbraŋinipoana na nɛ bɔrɛmatapowuraana na ka pin fanɛ bumo nɛ Yesu bɔ keŋasa na nɛ b wora ania a fin kananɛ baaŋ wora m pɛ mo epul na kikɛ to.

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

Baru lela nɛ Jɔn kute na 9:40

Efarisiana ko daa yil ndoŋ nseŋ nu kusɔ nɛ e kaŋɛ na nseŋ bishi mo le: “Fee ŋini fanɛ anyi alɛ gba tan nna ŋko?”

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Ashuŋ Shunso 7:60

Ndoŋ nna nɛ e gbir nseŋ kaŋɛ awɔrso: “Enyɛnpe, ta bumo be kulubi ere m paŋ bumo.” Kede be kaman nɛ e wu.

Romebi 7:22

Ma kagbene bre gbagba bee sha Ebɔrɛ be mbra na.

Ditɛronɔmi 29:4

Ama hale nɛ mbre loŋ be asɔ kraa maŋ shin nɛ men pin asheŋ nɛ men wu nseŋ nu na kikɛ to.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

2 Timoti 4:3

Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.