Jɛremaya 52:9 - EBƆRƐ BE KAWƆL

⁹ Kumo be kaman nɛ b keta ewura Zɛdikaya n yɔ ewura Nebukadneeza kutɔ ashi kadegboŋ nɛ baa tre Ribla nɛ k wɔ Hamaf be kebonfu to nɛ ewura Nebukadneeza ji mo demu nseŋ kaŋɛ fanɛ e wora n jija.

Jɛremaya 52:9 Iomraidhean Croise

1 Bewura 8:65

Ewura Sɔlɔmɔn nɛ Israɛlebi na kikɛ daŋ ji abuu to be kebaawɔtɔ be kejigboŋ nchɛnshunu nna m bɛ abar so. Basa na daŋ shi efuli na be kaplɛkama nna. Bedamta daŋ shi Hamaf Paas ashi kelargato be esoso be kaba so nna nɛ beko malɛ shi Ijipt be kasawule be egbaŋ to ashi kelargato be kaseto be kaba so.

2 Bewura 23:33

Ijipt be efuli so be ewura Neeko daŋ pɛ Jehowahaz nna n ya ti ebu ashi Ribla nɛ k mata Hamaf na nseŋ tintiŋ Judaebi nɛ b ka gbiti kilo ŋgboŋ asa nɛ alfa ana nɛ shuwa kilo adesa nɛ ana n sa mo.

2 Bewura 25:6

Kumo be kaman nɛ b keta ewura Zɛdikaya n yɔ ewura Nebukadneeza kutɔ ashi kadegboŋ nɛ baa tre Ribla na nɛ ewura Nebukadneeza ji mo demu ŋ kaŋɛ fanɛ e wora n jija.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

2 Kronikɛls 8:3

Ewura Sɔlɔmɔn daŋ ya kɔ Hamaf Zoba kena nna n sɔ ndoŋ be kaba na so kikɛ.

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 39:5

Ama Babilɔn be benapo na daŋ ju bumo nna n ya pɛ ewura Zɛdikaya a mata keplasawule nɛ k mata kade nɛ baa tre Jɛriko na, nɛ mbe benapo kikɛ pesaŋ to n shile ŋ ka mo. Kumo be kaman nɛ b keta mo n yɔ ewura Nebukadneeza kutɔ ashi kade nɛ baa tre Ribla ashi Hamaf be kebonfu to na. Ndoŋ nna nɛ ewura Nebukadneeza ji mo demu ndoŋ nseŋ kaŋɛ fanɛ e ji n tɔr.

Nfabel 4:20

B daŋ pɛ ewura nɛ Enyɛnpe Ebɔrɛ gbagba lara n sa anyi nɛ an daa fute a yige mo so na nna. Mo e la ewura nɛ an daŋ yirda fanɛ e beeŋ baa kuŋ anyi ashi edoŋ kama nɛ e beeŋ ba kɔ anyi kena kutɔ.

Ezikɛl 11:10

Baaŋ kɔ menyi kena m mɔ menyi ashi menyi gbagba be efuli so. Ndoŋ nɛ ekama beeŋ pin fanɛ ma, e la Enyɛnpe Ebɔrɛ na.

Ezikɛl 23:24

Kumo be kaman nɛ b ta egbaŋɛturko wurbi nɛ agboŋi kikɛ n sulɔ akɔsɔ nɛ benapo damta n shi kelargato be esoso m ba kulti fo n wɔtɔ ŋ kɔ fo kena. Baaŋ keta abɛlso be asɔ kuŋamuso wurbi nɛ agboŋi kikɛ nseŋ buu abɛlso be akpaŋwuro bumo be amu so nna m ba. Ma alɛ beeŋ ta fo m bɔɔ bumo enɔ nɛ b gberge fo kusoe kananɛ bumo be mbraana bee ŋini.

Nɔmbɛs 13:21

Ndoŋ nna nɛ basa na ya yili Zin be keshishɛrsawule nɛ k wɔ kelargato be kaseto be kaba so na n dara kasawule na n ya fo kade nɛ baa tre Rehɔb nɛ k wɔ Lɛbo Hamaf be kepla so na.

Nɔmbɛs 34:11

nseŋ naŋ bɔla kelargato be kaseto be kaba so n ya fo Habeɛl nɛ k wɔ Ain be epeŋilarkpa be kaba so na, n ta n ya fo Tekugboŋ nɛ baa tre Galili na be epeŋilarkpa be kaba so,

Joshuwa 13:5

N ta Gebalebi be efuli nɛ Lebanɔn kikɛ ashi epeŋilarkpa, n yili Baal Gad nɛ k wɔ kebeegboŋ nɛ baa tre Hɛɛmɔn na be kelargato be kaseto hale n ya fo Hamaf.