Jɛremaya 52:26 - EBƆRƐ BE KAWƆL

^26-27 Kumo be kaman nɛ Nebuzaradan keta bumo kikɛ n yɔ Ribla ashi Hamaf be kasawule so nɛ ewura Nebukadneeza shin nɛ b mɔ bumo. Juda be basa maŋ naa wɔ bumo gbagba be efuli so ŋkpal b ka keta bumo n yɔ kenyaya to ashi efuli wɔfɔ so so.

Jɛremaya 52:26 Iomraidhean Croise

2 Bewura 23:33

Ijipt be efuli so be ewura Neeko daŋ pɛ Jehowahaz nna n ya ti ebu ashi Ribla nɛ k mata Hamaf na nseŋ tintiŋ Judaebi nɛ b ka gbiti kilo ŋgboŋ asa nɛ alfa ana nɛ shuwa kilo adesa nɛ ana n sa mo.

2 Bewura 25:20

Kumo be kaman nɛ Nebuzaradan keta bumo n yɔ Babilɔn be ewura kutɔ ashi Ribla,

2 Bewura 25:8

Ewura Nebukadneeza ka ji Babilɔn be efuli so be kuwura be kafɛ kudu akpanusopo to be kufɔl nusopo to be kachɛ shunusopo na nɛ Nebuzaradan nɛ e la ewura be asoetojipo nɛ benapo nɛ baa kuŋ ewura na be enimu na ba Jerusalɛm to,

Jɛremaya 39:5

Ama Babilɔn be benapo na daŋ ju bumo nna n ya pɛ ewura Zɛdikaya a mata keplasawule nɛ k mata kade nɛ baa tre Jɛriko na, nɛ mbe benapo kikɛ pesaŋ to n shile ŋ ka mo. Kumo be kaman nɛ b keta mo n yɔ ewura Nebukadneeza kutɔ ashi kade nɛ baa tre Ribla ashi Hamaf be kebonfu to na. Ndoŋ nna nɛ ewura Nebukadneeza ji mo demu ndoŋ nseŋ kaŋɛ fanɛ e ji n tɔr.

Jɛremaya 39:9

Kumo be lalaloge, nɛ Nebuzaradan nɛ e la benapo nɛ baa kuŋ ewura na be enimu na, pɛ basa nɛ b kraa wɔ kadegboŋ na to na nɛ bekama nɛ b daŋ shile n ya buu bumo na ŋ keta bumo kikɛ n yɔ Babilɔn be efuli so fanɛ anya.

Nɔmbɛs 34:11

nseŋ naŋ bɔla kelargato be kaseto be kaba so n ya fo Habeɛl nɛ k wɔ Ain be epeŋilarkpa be kaba so na, n ta n ya fo Tekugboŋ nɛ baa tre Galili na be epeŋilarkpa be kaba so,