Jɛremaya 52:17 - EBƆRƐ BE KAWƆL

^17-20 Nebuzaradan daŋ kaŋɛ mbe benapo nna fanɛ b yɔ bɔrɛlambu na to n ya ta asɔ nɛ b ta shuwa ŋko gbiti n lɔŋɛ na. Amo e la echeenshi nɛ asɔ chɔɔ edɛ nɛ ntishaŋ nɛ baa wɔtɔ nchu a ŋmanyaŋ asɔ so nɛ mba nɛ b kɔ a kɛ asɔ nɛ efitilatɔl nɛ duwu be echeenshibi nɛ ekurwa nɛ baa wɔtɔ yabra a lara sarga na. Babilɔn be benapo na daŋ ta danyaŋ be asɔ. Amo e la asɔ nɛ b kɔ a muu nsunɔ tushiso nɛ eshabɔl nɛ asɔ nɛ b kɔ a duŋ fitila na nɛ ntishaŋ nɛ baa wɔtɔ nchu a ŋmanyaŋ asɔ so nɛ eduwu be echeenshi nɛ b kɔ a shuŋ Ebɔrɛ ashi bɔrɛlambu na to na nna. Benapo nɛ baa kuŋ Babilɔn be ewura na be enimu na daŋ ta danyaŋ be asɔ ere gba nna n ti so. Amo e la eshabɔrɛ anyɔ nɛ a yil bɔrɛlambu na be anishito na nɛ katishaŋgboŋ nɛ baa tre Teku na nɛ egbolu kudu anyɔ nɛ katishaŋgboŋ na bɛ so na nɛ eturko nɛ ewura Sɔlɔmɔn daŋ shin nɛ b lɔŋɛ n yili bɔrɛlambu na to na. B daŋ maŋ tiŋ ŋ karga asɔ nɛ b ta na be egbɛ ŋkpal a kaa daa wɔgbɛ ga na so.

Jɛremaya 52:17 Iomraidhean Croise

1 Bewura 7:50

nɛ asɔ nuunchu nɛ asɔ nɛ baa ta a duŋ efitila nɛ ntishaŋ nɛ eduwu be mba nɛ ntishaŋ nɛ b kɔ a chɔɔ ajanwulɛ na. Shuwa lela nɛ b daŋ ta n lɔŋɛ asɔ ere kikɛ.

2 Bewura 20:17

jemanɛ ko bee ba nɛ asɔ kama nɛ a wɔ ewurkpa nɛ fo nananyɛnana fin n yili hale m ba fo kabre na kikɛ, baaŋ ba sulɔ amo kikɛ n yɔ Babilɔn be efuli so nɛ shɛŋ shɛŋ maaŋ naŋ ka a wɔ nfe!

2 Kronikɛls 36:18

Ewura Nebukadneeza daŋ ta bɔrɛlambu na to be amansherbi nɛ kumo to be asɔ nɛ a ka kikɛ nna n ta ewura na nɛ mbe benimuana be amansherbi kikɛ n ti so m bɛta n yɔ Babilɔn.

Nfabel 1:10

Bedoŋ na daŋ suge bumo be yawu kpakpaso be asɔ kikɛ nna. Jerusalɛm be basa na daŋ wu befɔ na ka luri bumo be bɔrɛlambu nɛ Enyɛnpe Ebɔrɛ daa maŋ sa nnyamase ekpa fanɛ b luri kumo to na nna.

Ezikɛl 40:49

Atemprembi nɛ b daa bɔla so a dii a yɔ kedɛdɛ na so. Kedɛdɛ na be mparto daa sa fanɛ ayadra adesa nɛ ana nna nɛ kumo be jeŋgreŋ malɛ daa sa fanɛ ayadra adunyɔ nna. Eshabɔrɛ malɛ daŋ bɛ abar so kedɛdɛ na be mba anyɔ na kikɛ so nna n ya fo kumo be ekar.

Danɛl 1:2

Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.