Jɛremaya 52:10 - EBƆRƐ BE KAWƆL

¹⁰ Ribla be kadegboŋ to ndoŋ nɛ ewura Nebukadneeza shin nɛ b mɔ ewura Zɛdikaya be mbinyɛnsobi nɛ Juda be efuli so be benimuana nɛ e yil a keni.

Jɛremaya 52:10 Iomraidhean Croise

Jɛnesis 21:16

Kumo be kaman nɛ e yɔ anishito fanɛ ayadra alfa asa n ya chena, a fɛ mbe kumu to le: “M maaŋ tiŋ n yili ŋ keni ma kebia nɛ e wu.” E ka tase ndoŋ na nɛ keboltofinfiŋ pɛ mo nɛ mbe anishichubi fara a wurge.

Jɛnesis 44:34

Ŋkpal manɛ so, nɛ kebia na maŋ tu ma n yɔ epe, nuso nɛ meeŋ wora n yɔ n tuto kutɔ? Ayai, jande, sa maŋ shin nɛ n ya wu kagbenejija nɛ k beeŋ ba n tuto so na.”

2 Bewura 25:7

Ndoŋ nna nɛ Nebukadneeza shin nɛ b mɔ ewura Zɛdikaya be mbinyɛnsobi nɛ e yil a keni. Kumo be kaman nɛ ewura Nebukadneeza shin nɛ b chule ewura Zɛdikaya be anishi nseŋ chɛ mo ŋgbɛlɛbi n ta mo n yɔ Babilɔn be efuli so n ya ti ebu.

Jɛremaya 22:30

“Kpra Ewura Jehowachin be mbia be atre ashi Juda be kuwurji be nwɔl to. E maŋ tiŋ n wora shɛŋ mbe kuwurji to, amoso mbe kebia kama maaŋ chena mo nananyɛn Deevid be kuwurputi so n ji kuwura ashi Juda be efuli so. Ma, Enyɛnpe Ebɔrɛ e malga na.”

Jɛremaya 34:21

Ma alɛ beeŋ ta Juda be ewura Zɛdikaya nɛ mbe benimuana m bɔɔ Babilɔn be ewura nɛ mbe benapo nɛ b maŋ naa kɔ menyi kena na enɔ nɛ b mɔ.

Ezikɛl 24:5

Kubɔlpo lela ga be eblaŋ nɛ awibi e daga fanɛ fo ta n wɔtɔ kadaŋɛ na to. Nseŋ gbar ndibi n wɔtɔ edɛ na to, saŋɛ na so a beeŋ falte nɛ eblaŋ na nɛ awibi na e bel.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Ditɛronɔmi 28:34

Awurfoŋ nɛ menyeeŋ ji na beeŋ shin nɛ men be nfɛra a wea to nɛ men baa wora asheŋ fanɛ basa nɛ baa lɔ eboŋ.