Jɛremaya 51:9 - EBƆRƐ BE KAWƆL

⁹ Nɛ befɔ nɛ b wɔ ndoŋ na kaŋɛ abar le: ‘An wora ania fanɛ anyeeŋ chɛ Babilɔn be efuli na to, ama asheŋ teŋ n jija. Amoso men shin nɛ an bɛta epe. Ebɔrɛ be eleŋgboŋ na so nɛ e bɔla ŋ gberge Babilɔn kusoe nseŋ mur kumo cheche na.’ ”

Jɛremaya 51:9 Iomraidhean Croise

2 Kronikɛls 28:9

Kede be kaman nɛ kanyɛn ko nɛ baa tre Odɛd nɛ e la Enyɛnpe Ebɔrɛ be anebi a wɔ Samɛria be kade to na lar n ya shɛr Israɛlebi be benapo nɛ b keta Juda b basa nɛ b pɛ kena to a ba Samɛria na to, saŋɛ so nɛ b daa shin nɛ b luri kade to na, nseŋ kaŋɛ bumo le: “Enyɛnpe men nananyɛnana be Ebɔrɛ na daŋ nya agbo nna n wɔtɔ Juda nseŋ shin nɛ men kɔ m pɔɔ bumo so, ama mo alɛ naŋ wu kananɛ men maŋ wu bumo kuwɔr nseŋ mɔ bumo alegaiso.

Ɛzra 9:6

nseŋ kule Ebɔrɛ ŋ kaŋɛ: “O ma Ebɔrɛ, k kɔ ma nyɔmɔ nɛ anishinyɔr nna fanɛ ŋ ka beeŋ maŋ ma enɔ so fo anishito, ŋkpal manɛ so, anyi be alubi shi m baŋ anyi so hale n dii n ya fo ebɔrɛso gba kuraa.

Aizaaya 13:14

Kumo be kaman nɛ befɔ nɛ b wɔ Babilɔn be kadegboŋ to na e shile n yɔ bumo peana be nsawule so, n ya pesaŋ to n sɔ kaplɛkama fanɛ echibir ka wu ekpampo nsaa shile na ŋko fanɛ mbolpɔ nɛ a maŋ kɔ ekpapo na.

Aizaaya 47:15

Bekpalpo nɛ menyee yɔ bumo kutɔ n ya kaa bishi so men be kebia to kikɛ m ba fo kabre na maŋ nyi kakpa nɛ baa yɔ gba, hale nɛ baa tiŋ a mɔlga menyi.”

Jɛremaya 46:16

Menyi be esoji fiti abar nna n tɔr, nɛ eko kaŋɛ mo barkasa le: ‘Koso manaŋ nɛ an shile bedoŋ be tokobi m mɔlga anyi be amu nseŋ yɔ anyi be basa kutɔ epe!’ ”

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 50:16

Men sa maŋ naŋ shin nɛ b naŋ duu keduuso kikɛ n teŋi efuli na so. Befɔ kama nɛ b chena ndoŋ na beeŋ baa ŋana benapo nɛ baa kɔ na nseŋ kpal loŋ so m bɛta n yɔ epe.”

Jɛremaya 8:20

Nɛ basa na malɛ fubel ŋ kaŋɛ le: ‘Kasɔteŋi be jemanɛ choŋ, nɛ kechali malɛ gba choŋ, ama Enyɛnpe Ebɔrɛ na maŋ naŋ mɔlga anyi.’ ”

Hoziya 7:13

Ŋkpal b ka pal kaman n sa ma so bumo be lalaloge fo nna na. Bumo kikɛ beeŋ mur. N daa sha fanɛ m mɔlga bumo nna ama bumo be kananɛ baa bunyaŋ ma na, maŋ la kashenteŋ be bunyaŋ.

Kelaraŋŋini 18:4

N daŋ naŋ nu ebɔl ko ka shi ebɔrɛso ŋ kaŋɛ: “Ma basa, men lar mbe asheŋ to, saŋɛ na so men maaŋ tu mo n luri mbe alubi na to, saŋɛ na so men maaŋ nya mbe etɔrɔ na be kekama.

Kelaraŋŋini 18:5

Ŋkpal manɛ so, mbe alubi dii n deŋi abar so nna n ya fo ebɔrɛso nɛ Ebɔrɛ malɛ bee nyiŋi mbe alubi na kikɛ.