Jɛremaya 51:56 - EBƆRƐ BE KAWƆL

⁵⁶ Bedoŋ na beeŋ ba kɔ Babilɔn be basa m mur bumo. Bedoŋ na beeŋ pɛ Babilɔnebi be benapo anya, nseŋ buri m buri bumo be akɔsɔ kikɛ to. Ŋkpal manɛ so, n la Ebɔrɛ nɛ mee gberge efuliana kusoe nna ŋkpal alubi nɛ b wora so.

Jɛremaya 51:56 Iomraidhean Croise

Jɛnesis 49:24

Ama feeŋ yili n tu bumo nɛ fo enɔ lempo na e baa yɔ a ba manaŋ manaŋ, ŋkpal manɛ so, Enyɛnpetale Ebɔrɛ nɛ e la Jeekɔb be Ebɔrɛ nɛ Israɛl be Ebɔrɛ na e baa du fanɛ kefalta a kuŋ fo nsaa du fanɛ mbolpɔkpapo a keni fo so na e baa sa fo eleŋ.

Nshɛ 137:8

Babilɔnebi, menyeeŋ mur cheche! Ebɔrɛ e nɛfa basa nɛ baaŋ ka menyi kusɔ nɛ men wora anyi ere be kukɔ.

Nshɛ 37:15

Ama bumo gbagba be nsaŋɛ na beeŋ kilgi n da bumo m mɔ, nɛ bumo be ata na e buri to.

Nshɛ 46:9

E shin nɛ kena loge durnya to. E buri benapo be atanyembi nɛ akpa to nseŋ chɔɔ bumo be asɔ kuŋso kikɛ.

Nshɛ 76:3

Ndoŋ nɛ e buri m buri edompo na be atanyembi nɛ etokobi nɛ abɛlso be asɔkuŋso to.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 34:8

Le be jemanɛ ere nɛ Enyɛnpe Ebɔrɛ na beeŋ kɔ n suge Zayɔn nseŋ sɔ kumo be basa be kɔnɔ ŋ kɔ bumo doŋana.

Aizaaya 59:18

Enyɛnpe Ebɔrɛ na beeŋ gberge mo doŋana nɛ b wɔ kufɔ nɛ bumo nɛ b taga to kikɛ kusoe agbo so, ŋkpal kusɔ nɛ b wora mbe basa so.

Jɛremaya 49:35

E yɛ: “Meeŋ shin nɛ b mɔ basa nɛ b ta ata ŋ kɔ n shin nɛ Elam be efuli na nya eleŋ ga na.

Jɛremaya 50:10

Baaŋ ba fuu Babilɔn be asɔ kama nɛ baa sha na n yɔ. Ma, Enyɛnpe Ebɔrɛ e kaŋɛ na.”

Jɛremaya 50:36

Luwu beeŋ ba bumo be anebiana nɛ b la bewulpo nsaa ku efɛ na so! Luwu beeŋ ba bumo be benapo so, nɛ kufugboŋ e tɔr bumo so!

Jɛremaya 51:24

Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:30

Babilɔn be benapo na be eleŋ nɛ kenyɛn lar bumo to nɛ b ki fanɛ beche. Bumo kikɛ yige kena be kekɔ nna nseŋ shir a wɔ bumo be mboŋ lempoana. Bedoŋ bure kadegboŋ na be mbunagboŋ na n luri to a chɔɔ Babilɔnebi na be nwu.

Jɛremaya 51:48

Saŋɛ na so nɛ kusɔ kama nɛ k wɔ ebɔrɛso nɛ kasawule so kikɛ beeŋ wora awɔr kagbenefuliso, ŋkpal bedoŋ ka beeŋ shi kelargato be esoso be kaba so m ba kɔ Babilɔn m mur kumo so.

Jɛremaya 51:53

Hale Babilɔn be egbalana dii n ya kaa chute awɔlpa nɛ kumo be mboŋ lempoana naŋ wora eleŋ n ti so gba, benapo nɛ meeŋ shuŋi na kraa beeŋ mur kadegboŋ na. Ma, Enyɛnpe Ebɔrɛ e kaŋɛ na.”

Jɛremaya 51:6

Men shile n lar Babilɔn be efuli so m mɔlga menyi be efute! Men sa maŋ shin nɛ b mɔ menyi ŋkpal Babilɔn be basa be alubi so. Bumo be kusɔ nɛ b wora na be kasogberge nɛ k daga bumo nɛ mee sa bumo a tal to na.

Nfabel 3:64

O Enyɛnpe Ebɔrɛ, gberge bumo kusoe ŋkpal kusɔ nɛ b wora so.

Ezikɛl 39:3

Saŋɛ na so nɛ ŋ ŋmɛa mbe keta nɛ atanyembi ashi mbe enɔjiso nɛ bena to n lɛ.

Ezikɛl 39:9

Nɛ basa nɛ b wɔ Israɛl be ndegboŋ to na e lar n ya tise n tise bumo doŋana be akɔsɔ nɛ baaŋ yige n lɛ na m ba wɔtɔ edɛ. Baaŋ ta abɛlso be asɔ kuŋamuso nɛ ata nɛ atanyembi nɛ akpa nɛ mprɛ m wɔtɔ edɛ to. Nfɛ ashunu nɛ baa chɔɔ amo.

Eemɔs 2:15

Basa nɛ b maa to ata a da gba beeŋ shile m bɛta kaman, nɛ basa nɛ baa shile ga gba e shile m mɔlga bumo be amu ŋ gben nɛ egbaŋɛdiipoana gba e dii egbaŋɛ m mɔlga bumo be amu ŋ gben.

Obadaya 1:15

Men nu nfe, kachɛ nɛ ma ere Enyɛnpetale na beeŋ ji efuli kama demu na taga to nna na. Asɔ nɛ menyi Edɔmebi wora ere beeŋ ba menyi alɛ gba so loŋ chap. Menyeeŋ teŋi kusɔ nɛ men du ere gbagba.

Habakuk 2:8

Men ta eleŋsheŋ n suge efuli damtaana be basa be asɔ nseŋ m mɔ bumo be basa. Ama naniere bumo be basa nɛ b ji efute gba beeŋ ta eleŋsheŋ n suge menyi be asɔ ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so.

Ditɛronɔmi 32:35

Enyɛnpe Ebɔrɛ na beeŋ sɔ bumo be kɔnɔ so ŋ gberge bumo doŋana na kusoe. Jemanɛ na kaŋ fo baaŋ fɛrge n tɔr; bumo be kemur be kachɛ taga to nna na.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

Kelaraŋŋini 17:16

Kusɔbɔya na nɛ alambɛ kudu mo nɛ fo wu na beeŋ kishi sakaleche na. Baaŋ sɔ kusɔ kama nɛ e kɔ ŋ ka mo eyurkpaŋ n yili. Baaŋ we mo nseŋ ta edɛ m mur mo.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

1 Samuɛl 2:4

Fo Enyɛnpe e naa buri benapo lempo be ata kikɛ to nsaa sa bepɔshipo eleŋ.