Jɛremaya 51:54 - EBƆRƐ BE KAWƆL

⁵⁴ Enyɛnpe Ebɔrɛ na yɛ: Men nu kushu nɛ k shi Babilɔn be kadegboŋ to a ba ere! K la kemur gboŋgboŋi nɛ k ba Babilɔn be kasawule be kaplɛkama so be basa be kushu nna.

Jɛremaya 51:54 Iomraidhean Croise

Aizaaya 15:5

Mee shu ma kagbene to nna a sa Mowabebi na ŋkpal b kaa shile a yɔ nde nɛ baa tre Zowa nɛ Ɛglaf Shelishiya na so. Bumo be beko dii m bɔla ekpa nɛ k bee yɔ kade nɛ baa tre Luhif na nna a shu a yɔ, nɛ beko malɛ ŋana n ta kagbenejija a shu awɔrso a shile a yɔ kade nɛ baa tre Hɔronaim na.

Aizaaya 25:5

ŋko ewule ashi kasawule wɔlso so nna. Ama fo Enyɛnpe Ebɔrɛ na shin nɛ an doŋana lo bumo be nnɔ; nseŋ shin nɛ basa nɛ b maa wu kuwɔr be awɔr kuu, fanɛ kananɛ awɔlpa to be epeŋi be ebeldɛ bee dugaso na.

Jɛremaya 50:22

Kena nɛ kemur gboŋgboŋi be awɔr bee cha kasawule na so nna.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Jɛremaya 50:43

Babilɔn be ewura ka nu baru na, nɛ kufu pɛ mo nɛ mbe eyur wu mo. Ndoŋ nna nɛ kagbenejija damta tɔr mo so nɛ e bee kii kɔnɔ to fanɛ kakurge ka ta eche na.

Jɛremaya 50:46

Jemanɛ nɛ Babilɔn beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ efuli pɔtɛana so be basa e nu egbri na.”

Zefanaiya 1:10

Kede be kaman nɛ Enyɛnpe Ebɔrɛ na naŋ kaŋɛ: “Loŋ be kachɛ na, menyeeŋ nu kushu damta ashi Jerusalɛm be kabunagboŋ nɛ baa tre Kɔrɔtɔ na ase. Menyi kraa beeŋ nu b kaa bee boŋ to awɔrso ashi kadegboŋ na to be echenakpa popɔr na nseŋ nu awɔrgboŋ ko fanɛ asɔ ka tɔr m bure na ashi abee so.