Jɛremaya 51:53 - EBƆRƐ BE KAWƆL

⁵³ Hale Babilɔn be egbalana dii n ya kaa chute awɔlpa nɛ kumo be mboŋ lempoana naŋ wora eleŋ n ti so gba, benapo nɛ meeŋ shuŋi na kraa beeŋ mur kadegboŋ na. Ma, Enyɛnpe Ebɔrɛ e kaŋɛ na.”

Jɛremaya 51:53 Iomraidhean Croise

Jɛnesis 11:4

Kede be kaman nɛ b kaŋɛ le: “Naniere bre men shin nɛ an pɔr kadegboŋ n sa anyi be amu nseŋ pɔr ketempreŋ jeŋgreŋ n ya chute awɔlpa, saŋɛ na so, anyi be ketre beeŋ dii nɛ anyi maaŋ naŋ pesaŋ to a wɔ kasawule so kikɛ.”

Job be kawɔl 20:6

Baaŋ tiŋ n nya eyilikpagboŋ n ji eleŋ ga, nɛ k wora fanɛ b kaa bee chute awɔlpa na,

Aizaaya 13:17

Ade be kaman nɛ Enyɛnpe Ebɔrɛ na naŋ kaŋɛ le: “Meeŋ we n wɔtɔ efuli nɛ baa tre Mɛdi na be basa nɛ b koso m ba kɔ Babilɔn be efuli so be basa kena. Bumo ere be shɛŋ maŋ wɔ shuwa nɛ gbiti to.

Aizaaya 41:25

Ma, Enyɛnpe Ebɔrɛ na lara esa ko nɛ e wɔ epeŋilarkpa. Men shin nɛ e shi kelargato be esoso m ba kɔ kena. E bee chichi bewura so nna fanɛ b ka la eshii, ŋko fanɛ kananɛ mpuliya be epɔrpo bee chichi ebɔ so na nna.

Aizaaya 47:5

Ade be kaman nɛ Enyɛnpe Ebɔrɛ naŋ kaŋɛ Babilɔn be basa na le: “Men wora shruum nseŋ chena tentembiri to; efuliana na maaŋ naŋ kaŋɛ fanɛ menyi e la ewurche ashi durnya to be ndegboŋ kikɛ to.

Aizaaya 47:7

Men daa fɛ fanɛ menyeeŋ baa ji kuwura jemanɛ kikɛ nna. Menyi alɛ daa maŋ ta asheŋ ere n wɔtɔ kagbene to, ŋko n fɛ kananɛ amo kikɛ beeŋ loge to be asheŋ.

Jɛremaya 49:16

Menyi be kamoowuso nɛ menyee fɛ fanɛ efuliana na be basa bee ŋana menyi na. Menyi ka chena abee to nɛ abee be awɔlto so nɛ menyee fɛ loŋ, ama nɛ men wɔ awɔlto chilili fanɛ kusore gba, Enyɛnpe Ebɔrɛ na beeŋ tiŋ m bar menyi kaseto. Ma, Enyɛnpe Ebɔrɛ e kaŋɛ na.”

Jɛremaya 50:21

Nɛ Enyɛnpe Ebɔrɛ na kaŋɛ Babilɔn mo doŋana le: “Men ya kɔ nde nɛ baa tre Merateem nɛ Pɛkɔd na be basa kena nseŋ mɔ bumo m mur. Men wora kusɔ kama nɛ ŋ kaŋɛ menyi kenishipereso na. Ma, Enyɛnpe Ebɔrɛ e kaŋɛ na.

Jɛremaya 50:25

N teŋ bugi n lara akɔsɔ nɛ mee nya agbo a ta ashuŋ na ashi kakpa nɛ mee yili amo na. Ŋkpal manɛ so, ma Enyɛnpetale Ebɔrɛ na kɔ kushuŋ ko nɛ n shuŋ ashi Babilɔn be efuli so.

Jɛremaya 50:45

Amoso, men nu kusɔ nɛ ŋ kre a laŋɛ Babilɔn be kadegboŋ na be kaplɛa so nɛ kusɔ nɛ mee sha kewora kumo be basa. Bedoŋ beeŋ ba pɛ bumo be mbia katinso ŋ gberge bumo n yɔ efuli pɔtɛ wɔfɔ so nɛ bumo be efuli na a mur.

Jɛremaya 51:11

Enyɛnpe Ebɔrɛ na yɛ: “Ma, Enyɛnpe Ebɔrɛ na bee sha kemur Babilɔn be efuli nna, ŋkpal bumo be benapo ka mur ma bɔrɛlambu so. Amoso menyi Midia be efuli so be bewuraana e bɛl menyi be atanyembi nseŋ ta menyi be abɛlso be asɔ kuŋamuso ŋ keta.

Jɛremaya 51:25

Babilɔn, fo du fanɛ kebee nna a kɔ eleŋ ga a mur durnya kikɛ, ama ma, Enyɛnpe Ebɔrɛ na ki fo doŋ nna na. Meeŋ to m pɛ fo to ŋ gberge fo n lɛ kasawule nɛ fo bure to ŋ ki fanɛ ebirkesi ka bure to n deŋi abar so na.

Jɛremaya 51:48

Saŋɛ na so nɛ kusɔ kama nɛ k wɔ ebɔrɛso nɛ kasawule so kikɛ beeŋ wora awɔr kagbenefuliso, ŋkpal bedoŋ ka beeŋ shi kelargato be esoso be kaba so m ba kɔ Babilɔn m mur kumo so.

Jɛremaya 51:56

Bedoŋ na beeŋ ba kɔ Babilɔn be basa m mur bumo. Bedoŋ na beeŋ pɛ Babilɔnebi be benapo anya, nseŋ buri m buri bumo be akɔsɔ kikɛ to. Ŋkpal manɛ so, n la Ebɔrɛ nɛ mee gberge efuliana kusoe nna ŋkpal alubi nɛ b wora so.

Jɛremaya 51:58

Babilɔn be kadegboŋ na be egbal danto na beeŋ bure n tɔr kasawule, nɛ kumo be mbunagboŋana na e ji edɛ. Kusɔ kama nɛ efuli na so be basa shuŋ ŋ gben n nya kikɛ beeŋ ji edɛ m mur. Ma, Enyɛnpe Ebɔrɛ e kaŋɛ na.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Eemɔs 9:2

Hale b kur kemaŋ n luri to gba meeŋ gberge bumo n lar. B dii esoso n yɔ awɔlpa so gba, meeŋ gberge bumo m ba kaseto.

Eemɔs 9:4

Nɛ fanɛ bumo doŋana pɛ bumo ŋ ki anya n yɔ efuli pɔtɛ so kufɔ kufɔ gba, meeŋ shin nɛ b mɔ bumo ndoŋ. Mee shin nna nɛ m mur bumo, mannɛ kechɛ bumo to bre.”

Habakuk 2:9

Asheŋ maaŋ nyalɛ n sa menyi ŋkpal men ka ta eleŋsheŋ n suge asɔ n shin nɛ menyi be nnaŋ to ebi dii dama nɛ tɔrɔ kikɛ maa ba menyi be elaŋ to ebi so so!