Jɛremaya 51:47 - EBƆRƐ BE KAWƆL

⁴⁷ Ŋkpal manɛ so, jemanɛ ko bee ba, nɛ ŋ gberge Babilɔn be agbirana kusoe. Esa kama nɛ e wɔ efuli na so beeŋ wu, nɛ efuli na be basa kikɛ e ji anishinyɔr.

Jɛremaya 51:47 Iomraidhean Croise

Aizaaya 21:9

K maŋ chɛr ko nɛ esoji nɛ b dii egbaŋɛ m bɛ abar so kenyɔ nyɔ fara a ba. Epul na to nɛ ekenipo na ponte awɔrso n sa baru nɛ egbaŋɛ diipo na bar ŋ kaŋɛ le: “Babilɔn be basa kɔ n tɔr! Agbirana nɛ b daa shuŋ na bure kuraa m pesaŋ to a dese kasawule.”

Jɛremaya 11:22

Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.

Jɛremaya 13:21

Nɛ basa nɛ fo tama fanɛ b la fo teriana kaŋ ba kɔ m pɔɔ fo so nsaa ji fo so kuwura, manɛ nɛ feeŋ kaŋɛ? Feeŋ baa wɔ ebesa to fanɛ eche nɛ kakurge ta mo na nna.

Jɛremaya 23:34

Nɛ ma basa to be eko ŋko anebi ko ŋko bɔrɛmatapo ko malga ŋ kaŋɛ fanɛ baru ere shi Enyɛnpe Ebɔrɛ kutɔ nde gba, ŋ kraa beeŋ gberge bumo nɛ bumo be nnaŋ to be basa kusoe.

Jɛremaya 25:12

Nfɛ adushunu na be kaman nɛ ŋ gberge Babilɔn be ewura nɛ mbe basa kusoe n shin nɛ kasawule na e ki kasawule fuloŋ a dese mbaanaayɔ ŋkpal bumo gba be alubi so.

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 51:18

Agbirana na maŋ kɔ tɔnɔ; a daga fanɛ basa e wora amo eyurto nna nseŋ kini amo n lɛ. Amo be kachɛ kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 51:24

Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:43

Kemur nɛ k bee keta kufu beeŋ ba ndeana nɛ e taga to kadegboŋ na so. Kasawule na beeŋ ki keshishɛrsawule fuloŋ, kakpa nɛ esa kama maaŋ tiŋ n chena ŋko m bɔla kumo so n choŋ gba.

Jɛremaya 51:52

K maaŋ chɛr nɛ n ta kena ŋ gberge Babilɔn be efuli so be agbirana kusoe, nɛ kumo be basa e doro n dese kaplɛkama a tekeŋ.