Jɛremaya 51:46 - EBƆRƐ BE KAWƆL

⁴⁶ Kafɛ kikɛ menyee nu b yɛ b yɛ, fanɛ kebagato bee ba kasawule na so, ŋko ewurjipo ko beeŋ kɔ ewurjipo nyɔsopo kena. Ama men sa maa lɔ kufu ŋko a pɔ aba, ŋkpal b yɛ b yɛ ere so.

Jɛremaya 51:46 Iomraidhean Croise

2 Bewura 19:7

Meeŋ shin nɛ Asiriya be ewurgboŋ na e nu kubɔya ko nɛ k shin nɛ e bɛta n yɔ mo gbagba be efuli so nɛ Enyɛnpe Ebɔrɛ e shin nɛ b ya mɔ mo ndoŋ.”

2 Kronikɛls 20:23

Ammɔnebi nɛ Mowabebi daŋ kilgi nna ŋ kɔ Edɔmebi na be benapo kena nna m mur bumo cheche. Kumo be kaman nɛ b kilgi a mɔ abar.

Job be kawɔl 23:16

Ebɔrɛ shin nɛ ma kenyɛn lar ma to, Enyɛnpetale Ebɔrɛ shin nɛ kufugboŋ pɛ ma.

Aŋasa 24:10

Kesɔ kapɔshi be tɔrɔ be jemanɛ bee shin nɛ esa be eleŋ bee kuso nna.

Aizaaya 19:2

Ndoŋ nna nɛ Enyɛnpe Ebɔrɛ na kaŋɛ le: “Meeŋ shin nɛ kelantokɔ e ku Ijipt be efuli so nɛ bekurgepo e kilgi a kɔ abar nɛ bechenashapo malɛ gba e baa kɔ abar. Kadegboŋ ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo kena.

Aizaaya 43:5

Men sa maa lɔ kufu! Ŋkpal manɛ so, ma nɛ menyi nna. Meeŋ yili epeŋilarkpa m ba choŋ epeŋitɔrkpa n ya bar menyi abar so.

Jɛremaya 46:27

“Ma basa, men sa maa lɔ kufu. Israɛl be basa, men sa maa chicha kufuso. Kachako meeŋ lara menyi ashi efuli pɔtɛana so m bar menyi epe. Menyi nɛ menyi be kaman to ebi kikɛ beeŋ ba kaa wɔ kayurwushi to nɛ esa kikɛ maaŋ naŋ ta kufu n da menyi.

Jɛremaya 46:28

Meeŋ ba menyi kutɔ m ba mɔlga menyi. Ma alɛ beeŋ mur efuliana nɛ n daŋ pesaŋ menyi to n yɔ amo so na, ama m maaŋ mur menyi ere. M maaŋ shin nɛ men wora kulubi nɛ m maŋ gberge menyi kumo be kusoe; ama meeŋ gberge menyi kusoe na nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Luuk 21:28

To, nɛ asheŋ ere kaŋ ba fara a wora, men maŋ menyi be amuana so n saŋɛ menyi be eyurana to, ŋkpal manɛ so, menyi be kumɔlga be jemanɛ taga to.”

Demujipoana 7:22

Gidiɔn nɛ mbe benapo alfa asa na ka foŋ bumo be mbel na nɛ Enyɛnpe Ebɔrɛ na shin nɛ keyeŋiyeŋi tɔr bumo doŋana na so nɛ b pee etokobi a kɔ abar, nseŋ fara a shile a yɔ Bɛf Shitta nɛ k wɔ Zarera be kaba so na. B daŋ shile hale n ya fo Abel Mɛhola nɛ k taga Tabat to na.