Jɛremaya 51:42 - EBƆRƐ BE KAWƆL

⁴² Babilɔn mo doŋana beeŋ koso fanɛ ketili ka koso teku so na, m ba buu kadegboŋ na so.

Jɛremaya 51:42 Iomraidhean Croise

Nshɛ 18:16

Nɛ Enyɛnpe Ebɔrɛ na shi esoso n to m pɛ ma to, ŋ gberge ma n chule ashi nchu chiŋgeliŋ na to.

Nshɛ 18:4

Luwu be ŋgbɛlɛbi chambɔ ma nna; nɛ kemur be nchu kulti ma n wɔtɔ,

Nshɛ 42:7

Fo agbo ba ma so nna fanɛ teku be nchu ka baga to m muni ma so na, ŋko nchu ka shi kebee be awɔlto a wurge waa waa na.

Nshɛ 65:7

Fo e naa shin nɛ teku be awɔr bee lo. Fo e yɔɔ nchu be atili nɛ efuliana na be awɔr nɛ baa cha.

Nshɛ 93:3

Enyɛnpe Ebɔrɛ, etekuana bee baga to nna a wora awɔr fanɛ e ka bugi ebɔl a boŋ nshɛ na! Atiligboŋ bee koso etekuana so nna pasaa!

Aizaaya 21:1

Kubɔya nɛ k wɔtɔ a laŋɛ Babilɔn be efuli so be kaplɛa so na nde. Kananɛ kawuliwuli bee koso kiyi to a choŋ na nɛ kumulubi gboŋgboŋi nɛ k bee bar kemur na beeŋ shi efuli nɛ kumo be asheŋ kɔ kufugboŋ na so m ba.

Jɛremaya 51:55

Mee mur Babilɔnebi nna nɛ b lo bumo be awɔr nɛ baa cha na. Bedoŋ be benapo beeŋ ba buu bumo so fanɛ kananɛ nchu bee ku ketili teku so a buu kuguruŋgu so na. Benapo na be awɔr beeŋ dii a chɔ Babilɔn be basa peya.

Ezikɛl 26:3

Kusɔ nɛ ma, Enyɛnpetale Ebɔrɛ na bee kaŋɛ e la fanɛ menyi Tayɛ be basa ki n doŋana nna na, nɛ meeŋ shin nɛ efuli damtaana e kre kena m ba kɔ menyi fanɛ kananɛ teku so bee ku atili a ba kaa gbuŋ teku be kɔnɔ na.

Danɛl 11:10

Siriya be efuli so be ewura na be mbinyɛnsobi beeŋ chala benapo damta n wora kena to be shiriya n lar fanɛ nchu ka bɔlɔ n sɔ kakpa a ba na, ŋ kɔ m ba fo bumo doŋana be egbal nɛ b pɔr ŋ kulti bumo be kade na.

Danɛl 7:2

Kusɔ nɛ n daŋ wu ma bɔrɛdare na to nde. Afu daŋ shi durnya ere be abonfu ana ere kikɛ be kaba so nna a ber tekugboŋ na so nɛ k bee baga to.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Luuk 21:25

Amo be jemanɛ emamachisheŋ beeŋ shi epeŋi so nɛ kufɔl so nɛ achɛkpabi so m ba nɛ durnya ere to ebi be ŋgbene e kaa bumo nɛ b wul to ŋkpal teku be atiligboŋ be egbri nɛ amo be kebagato so.