Jɛremaya 51:41 - EBƆRƐ BE KAWƆL

⁴¹ Efuli pɔtɛana be basa bee kpaŋ Babilɔn naniere nna, ama bedoŋ kaŋ pɛ kumo be basa anya, kufu gboŋgboŋi beeŋ naŋ tɔr efuli pɔtɛana ere be basa so nɛ b baa chicha.

Jɛremaya 51:41 Iomraidhean Croise

2 Kronikɛls 7:21

Kashenteŋ nna fanɛ bɔrɛlambu na walɛ, ama nɛ kumo be loŋ kaŋ ba wora, k beeŋ chinchiŋ basa kama nɛ baa bɔla kumo ase a choŋ nɛ b baa bishi le: ‘Manɛ nna nɛ Enyɛnpe Ebɔrɛ wora mbe basa nɛ b wɔ mbe bɔrɛlambu to le?’

Aizaaya 13:19

Babilɔn be kadegboŋ na e walɛ nsaa kɔ eleŋ a chɔ kadegboŋ kama. Kumo be basa bee puchi kumo so nna, ama ma, Enyɛnpe Ebɔrɛ na beeŋ mur kumo fanɛ kananɛ m mur ndegboŋ nɛ b daa tre Sodɔm nɛ Gomɔra na!

Aizaaya 14:4

E kaŋ wora loŋ n loge nɛ bumo alɛ e wora Babilɔn be efuli so be ewura eyur to nseŋ kaŋɛ le: “Ewura nyaŋnyaŋso na e tɔr na! E maaŋ naŋ tiŋ ŋ kɔrfɛ esa kikɛ!”

Jɛremaya 49:25

Jemanɛ ko ma kagbene daŋ fuli menyi be kadegboŋ nɛ k kɔ ketre na so nna. Ama naniere mee kpele menyi kusoe nna fanɛ men lar kumo to n shile m mɔlga menyi be amu.

Jɛremaya 50:23

Babilɔn daa du fanɛ hama nna nseŋ daŋ bɛa durnya kikɛ to kpachɛrkpachɛrbi, ama loŋ be hama na gba e bɛa to kpachɛrkpachɛrbi na! Kusɔ nɛ k wora na daŋ chinchiŋ efuliana na be basa n shin nɛ bumo be nnɔ bumo.

Jɛremaya 50:46

Jemanɛ nɛ Babilɔn beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ efuli pɔtɛana so be basa e nu egbri na.”

Jɛremaya 51:37

Babilɔn be efuli na beeŋ bure a dese, nseŋ ki kupuŋ to be asɔbɔya fanɛ ejiŋkaamu be kakpa. Basa beeŋ baa mushe kumo. Ama bumo alɛ beeŋ baa ŋana kebɔla alambure na to n choŋ.

Ezikɛl 27:35

Kusɔ nɛ k wora fo na be asheŋ mɔ ekama nɛ e chena teku ase na kɔnɔ. Hale kufu pɛ bumo be bewura gba nɛ baa chicha

Danɛl 2:38

E ta edimɛdi nɛ asɔbɔya nɛ mbuibi nɛ b wɔ kasawule ere so kikɛ nna n wɔtɔ fo enɔ to nɛ fo baa ji eleŋ bumo so. Fo e la kapɔrduli na be shuwa be kumu na.

Danɛl 4:22

Yiramu, fo e la loŋ be kedibi tenteŋ lempo na. Fo eleŋ nɛ kemaŋkura wora kishi hale n ya fo awɔlpa so kikɛ, nseŋ salga to hale n ya fo durnya ere be kaplɛkama.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Ditɛronɔmi 28:37

Men be asheŋ beeŋ chinchiŋ efuli kama nɛ Enyɛnpe Ebɔrɛ na beeŋ pesaŋ menyi to n yɔ na so be basa kikɛ, ŋkpal kusɔ nɛ k beeŋ wora menyi na so. Ama bumo alɛ kraa beeŋ wora menyi eyurto nseŋ mushe menyi.