Jɛremaya 51:30 - EBƆRƐ BE KAWƆL

³⁰ Babilɔn be benapo na be eleŋ nɛ kenyɛn lar bumo to nɛ b ki fanɛ beche. Bumo kikɛ yige kena be kekɔ nna nseŋ shir a wɔ bumo be mboŋ lempoana. Bedoŋ bure kadegboŋ na be mbunagboŋ na n luri to a chɔɔ Babilɔnebi na be nwu.

Jɛremaya 51:30 Iomraidhean Croise

Nshɛ 107:16

Mo e naa bure danyaŋ be mbunagboŋ to, nsaa buri abɛlso be abersobi to cheche na.

Nshɛ 147:13

Mo e shin nɛ menyi be kadegboŋ be mbunagboŋ na kɔ eleŋ; mo alɛ e naa nɛfa menyi be basa.

Nshɛ 76:5

Bedoŋ tiŋ n suge benapo lempo nɛ b kɔ dama na gba be asɔ; ama naniere bumo alɛ gba wu n dese a di nchaŋ to nɛ bumo be eleŋ nɛ kenyi kikɛ to jiga.

Aizaaya 19:16

Jemanɛ ko bee ba nɛ Ijipt be basa e paŋ kenyɛn fanɛ beche na. B baŋ wu fanɛ Enyɛnpe Ebɔrɛ na bee sha kegberge bumo kusoe nɛ kufugboŋ e tɔr bumo so nɛ b baa chicha.

Aizaaya 47:14

Basa nɛ b yirda achɛkpabi baa du fanɛ atuweklaŋ nɛ abee ji edɛ nsaa maaŋ tiŋ m mɔlga amo be amu nna. Esa kama maaŋ tiŋ n ta atuweklaŋ m puga edɛ n daŋɛ ajibi. Atuweklaŋ maaŋ tiŋ n wɔl esa edɛ awo to n chɛr.

Jɛremaya 48:41

Baaŋ kɔ n suge ndeana na nɛ mboŋ lempoana na kikɛ. Loŋ be kachɛ na kufu beeŋ pɛ Mowab be benapo fanɛ kananɛ kufu bee pɛ eche nɛ kakurge ta mo na.

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Jɛremaya 51:32

Bedoŋ teŋ ŋ kɔ n suge kakpa nɛ baa bɔla a dii lɔr be kaba ndoŋ na nseŋ nya edɛ n wɔtɔ mboŋ lempoana na to. Kufu tɔr Babilɔn be benapo na so nna.

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Nfabel 2:9

Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Eemɔs 1:5

Meeŋ bure kadegboŋ nɛ baa tre Damaskɔs na be mbunagboŋana na to kpachɛrkpachɛrbi nseŋ mur basa nɛ b wɔ Avɛn be kepla so na nɛ Bɛfadɛn be ejuŋkparpo na. Nseŋ shin nɛ b pɛ Siriya be basa fanɛ basa nɛ b ti ebu na n yɔ Kiir be efuli so kufɔ kufɔ.” Ma Enyɛnpe Ebɔrɛ na e malga na!

Nahum 3:13

Fo benapo du fanɛ beche nna nɛ shɛŋ malɛ maa kuŋ fo kasawule na ashi fo doŋana be enɔ to. Edɛ beeŋ chɔɔ ndibi nɛ baa ta a ber fo mbunagboŋ so na.

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”