Jɛremaya 51:3 - EBƆRƐ BE KAWƆL

³ Ma, Enyɛnpe Ebɔrɛ beeŋ kaŋɛ befɔ na be benapo fanɛ b sa maŋ sa Babilɔn be benapo na ekpa nɛ b gberge bumo be ata to ŋko n ta bumo be abɛlso be asɔ kuŋamuso. Bumo alɛ e sa maŋ yige Babilɔn be mbrantiɛfɔlbi na, b mur benapo na kikɛ!

Jɛremaya 51:3 Iomraidhean Croise

Nshɛ 137:9

Mo e naŋ nɛfa bekama nɛ baaŋ pɛ menyi be mbiwurbi ŋ ŋmɛa afalta so m mɔ!.”

Jɛremaya 46:4

Men ta egaare n deŋi menyi be egbaŋɛ so n dii n chena amo so! Men ta menyi be abɛlso be akpaŋwuro m buu, nseŋ yili m bɛ abar so folee! Men yee menyi be akpaana be nnɔ, nseŋ buu menyi be abɛlso be ekpaŋkale!’ ”

Jɛremaya 50:14

Menyi basa nɛ men kɔ ata a kɔ na, e ba bɛ abar so ŋ kulti Babilɔn n wɔtɔ. Men to menyi be atanyembi kikɛ n wɔtɔ Babilɔn to, ŋkpal manɛ so, k wora kulubi n da ma, Enyɛnpe Ebɔrɛ na so nna.

Jɛremaya 50:21

Nɛ Enyɛnpe Ebɔrɛ na kaŋɛ Babilɔn mo doŋana le: “Men ya kɔ nde nɛ baa tre Merateem nɛ Pɛkɔd na be basa kena nseŋ mɔ bumo m mur. Men wora kusɔ kama nɛ ŋ kaŋɛ menyi kenishipereso na. Ma, Enyɛnpe Ebɔrɛ e kaŋɛ na.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Jɛremaya 51:53

Hale Babilɔn be egbalana dii n ya kaa chute awɔlpa nɛ kumo be mboŋ lempoana naŋ wora eleŋ n ti so gba, benapo nɛ meeŋ shuŋi na kraa beeŋ mur kadegboŋ na. Ma, Enyɛnpe Ebɔrɛ e kaŋɛ na.”

Jɛremaya 9:21

Luwu bɔla anyi be etokuro to n luri mboŋ lempoana nɛ amo to be keluri du kpakpa na to. K mɔ anyi be mbia n lɛ agbembi so nseŋ mɔ anyi be mbifɔlbi n lɛ alɔnɛ so.

Ditɛronɔmi 32:25

Kena beeŋ ku menyi be agbembi so m bar menyi luwu, nɛ kufugboŋ e ba menyi so ashi men be elaŋana to. Mbifɔlbi beeŋ wu. Mbiwurbi nɛ basa nɛ b bel kikɛ maaŋ lar.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.