Jɛremaya 51:28 - EBƆRƐ BE KAWƆL

²⁸ Men kaŋɛ Midia be efuli so be bewura nɛ bumo be benimuana nɛ efuliana nɛ baa keniso na kikɛ be benapo nɛ b wora shiriya m ba kɔ Babilɔn kena.

Jɛremaya 51:28 Iomraidhean Croise

Jɛnesis 10:2

Jafɛf be bibinyɛn e daa la Gomɛr nɛ Magɔg nɛ Madai nɛ Javan nɛ Tubal nɛ Meshɛk nɛ Tiras.

1 Kronikɛls 1:5

Jafɛf be mbinyɛnsobi e daa la Gooma nɛ Magɔg nɛ Madai nɛ Javan nɛ Tubal nɛ Mɛshaak nɛ Tiras. Efuliana nɛ a bee ji bumo be atre ere be basa e la bumo be kenana.

Ɛsta 1:3

E ka ji kuwura be kafɛ sasopo to nɛ e wora kejigboŋ n sa mbe benimuana nɛ ekrachiana. Pɛshiya be efuli so nɛ Midia be efuli so be esoji be benimu, n ta bewura nɛ b wɔ efuli na so nɛ bejuŋkparpoana kikɛ e daŋ ba kejigboŋ na to.

Ɛsta 10:2

B sibɛ kananɛ e ji eleŋ mbe kuwura to nɛ kananɛ e maŋ Mɔdikaya so n yili eyilikpagboŋ kikɛ n wɔtɔ Pɛshiya nɛ Midia be efuliana so be bewura be adrasheŋ be nwɔl kikɛ to nna.

Aizaaya 13:17

Ade be kaman nɛ Enyɛnpe Ebɔrɛ na naŋ kaŋɛ le: “Meeŋ we n wɔtɔ efuli nɛ baa tre Mɛdi na be basa nɛ b koso m ba kɔ Babilɔn be efuli so be basa kena. Bumo ere be shɛŋ maŋ wɔ shuwa nɛ gbiti to.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Jɛremaya 25:14

Meeŋ ka Babilɔnebi na be kusɔ nɛ b wora na kukɔ n shin nɛ efuli pɔtɛana nɛ bewuragboŋ damta e ba pɛ bumo anya.’ ”

Jɛremaya 50:41

Basa ko bee shi efuli ko nɛ k wɔ kelargato be esoso a ba, k la efuligboŋ nɛ k kɔ bewura damta nna. B shi kufɔ n wora kena be shiriya nna a ba.

Jɛremaya 51:11

Enyɛnpe Ebɔrɛ na yɛ: “Ma, Enyɛnpe Ebɔrɛ na bee sha kemur Babilɔn be efuli nna, ŋkpal bumo be benapo ka mur ma bɔrɛlambu so. Amoso menyi Midia be efuli so be bewuraana e bɛl menyi be atanyembi nseŋ ta menyi be abɛlso be asɔ kuŋamuso ŋ keta.

Jɛremaya 51:27

Men maŋ tuta na so ashi kasawule na so nseŋ foŋ kabel na, saŋɛ na so efuliana na be basa beeŋ nu nseŋ bela ase m ba kɔ Babilɔn kena! Men kela n tre efuliana nɛ baa tre Ararat nɛ Minni nɛ Ashkenaz be benapo nɛ b ba kɔ Babilɔn be basa kena. Men lara enapo nimuso nɛ e juŋkpar benapo na ŋ kɔ. Menyi alɛ e bar egbaŋɛ damta nɛ b baa du fanɛ elotɔr ka mel abar so na.

Jɛremaya 51:29

Durnya bee kii to nsaa gbuŋgbuŋ to nna ŋkpal Enyɛnpe Ebɔrɛ na ka kre keshin nɛ Babilɔn be efuli na e ki keshishɛrsawule a dese fuloŋ nɛ esa maaŋ naa wɔ kumo so so.

Danɛl 6:1

Ewura Dairus daŋ lara egomena kalfa nɛ adunyɔ nna nseŋ shin nɛ bumo be ekama bee keni mbe efuli be kaba ko so.

Danɛl 6:8

Amoso Yiramu shin nɛ b sibɛ le be mbra ere n wɔtɔ kawɔl to nɛ fo nyisi enɔ kumo so, saŋɛ na so k beeŋ ki Mɛdiebi nɛ Pɛshiyaebi be mbra, a maaŋ naŋ chɛrga kikɛ.”

Danɛl 8:20

Kpakpa nɛ k kɔ alambɛ anyɔ na yili nna a sa Midia nɛ Pɛshiya be efuli so be bewura.

Danɛl 9:1

Jemanɛ ko ka ba fo nɛ ewura Sɛksis pibinyɛn Dairus nɛ e la Mɛdi be esa na ji kuwura ashi Babilɔn be efuli so.