Jɛremaya 51:27 - EBƆRƐ BE KAWƆL

²⁷ Men maŋ tuta na so ashi kasawule na so nseŋ foŋ kabel na, saŋɛ na so efuliana na be basa beeŋ nu nseŋ bela ase m ba kɔ Babilɔn kena! Men kela n tre efuliana nɛ baa tre Ararat nɛ Minni nɛ Ashkenaz be benapo nɛ b ba kɔ Babilɔn be basa kena. Men lara enapo nimuso nɛ e juŋkpar benapo na ŋ kɔ. Menyi alɛ e bar egbaŋɛ damta nɛ b baa du fanɛ elotɔr ka mel abar so na.

Jɛremaya 51:27 Iomraidhean Croise

Jɛnesis 10:3

Gomɛr malɛ be bibinyɛn e daa la Ashkenaz nɛ Raifat nɛ Togaama.

Jɛnesis 8:4

Kufɔl shunusopo to be kachɛ kuduashunusopo nɛ kuloŋgboŋ na ya yili kebee nɛ baa tre Ararat na so.

2 Bewura 19:37

Kachako e ka yɔ kegbirlambu to n ya kaa shuŋ mbe kegbir nɛ baa tre Nishrɔk na, nɛ mbe mbinyɛnso anyɔ nɛ baa tre bumo Adremalɛk nɛ Shareza na ta bumo be etokobi m mɔ mo ndoŋ nseŋ shile n yɔ Ararat be kasawule so nɛ mo pibinyɛn nɛ baa tre Essahaddɔn na sɔ mo so ŋ ki ewura.

1 Kronikɛls 1:6

Gooma be kaman to ebi e daa la Ashkenaz nɛ Rifaaf nɛ Togaama.

Aizaaya 18:3

Esa kama nɛ e wɔ durnya ere to, e nu nfe! Tɔɔnɛ be tuta ko beeŋ baa wɔ abee be awɔlto nɛ men wu kumo nseŋ nu kabel be kushu!

Aizaaya 37:38

Kachako e ka yɔ mbe kegbir be lambu to n ya kaa shuŋ mbe kegbir nɛ baa tre Nishrɔk na, nɛ mbe mbinyɛnsobi anyɔ nɛ baa tre bumo Adremalɛk nɛ Shareza na ta bumo be etokobi m mɔ mo ndoŋ. Kumo be kaman nɛ b shile n yɔ Ararat be kasawule so nɛ mo pibinyɛn nɛ baa tre Essahaddɔn na sɔ mo so ŋ ki ewura.

Jɛremaya 25:14

Meeŋ ka Babilɔnebi na be kusɔ nɛ b wora na kukɔ n shin nɛ efuli pɔtɛana nɛ bewuragboŋ damta e ba pɛ bumo anya.’ ”

Jɛremaya 46:23

kupo to be ndibi a mur ndibi nɛ a mel abar so na. Bumo be benapo shi ga nɛ esa maaŋ tiŋ ŋ karga bumo; b shi ga a chɔ gba.

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 50:3

Efuli ko beeŋ shi kelargato be esoso m ba kɔ Babilɔn be efuli na kena n shin nɛ k ki keshishɛrsawule a dese. Edimɛdi nɛ asɔbɔya kikɛ beeŋ shile nɛ esa kama maaŋ naa wɔ ndoŋ.”

Jɛremaya 50:9

N ya we n wɔtɔ efuli lempoana ko ashi kelargato be esoso be kaba so nna fanɛ b ba kɔ Babilɔn be efuli na kena. Baaŋ ber abar so nna m ba kɔ m pɔɔ kumo so. B la basa nɛ b nyi kekpaŋ to nɛnɛ nna nsaa to ata ga. B maa to a paŋ kikɛ.

Jɛremaya 51:12

Men maŋ tuta na so a ŋini fanɛ kena na fara nɛ benapo na e fara a bure kadegboŋ na be egbalana na. Men shin nɛ benapo na be beko e ba ti bumo nɛ baa kɔ na so nseŋ shin nɛ beko e yili a de kadegboŋ na so nɛ beko malɛ e ya ŋana m pugi a jo!” Kusɔ nɛ Enyɛnpe Ebɔrɛ na kre kewora Babilɔn be efuli so be basa na nɛ e wora na.

Jɛremaya 51:14

Enyɛnpetale Ebɔrɛ na daŋ ta mbe ŋkpa nna m bɔ ntaŋ fanɛ e beeŋ bar bedoŋ be benapo damta fanɛ elotɔr nɛ b ba kɔ Babilɔn be efuli so be basa kena m pɔɔ bumo so. Kumo be kaman nɛ b boŋ kekɔmpɔɔso be nshɛ.

Jɛremaya 51:28

Men kaŋɛ Midia be efuli so be bewura nɛ bumo be benimuana nɛ efuliana nɛ baa keniso na kikɛ be benapo nɛ b wora shiriya m ba kɔ Babilɔn kena.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Jowɛl 3:9

Nɛ Anebi Jowɛl kaŋɛ: “Men ta le be kubɔya ere n sa efuli pɔtɛana so ebi kikɛ fanɛ b bela ase ŋ kɔ kena. Ekama e tre mbe benapo ŋ gbargbar n shin nɛ b lar m wora shiriya.

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Zakareya 14:2

Enyɛnpe Ebɔrɛ na e naŋ gama efuli pɔtɛana na abar so nɛ b ba kɔ Jerusalɛm kena. Baaŋ pɔ kadegboŋ na so nseŋ luri elaŋ to m muu asɔ nseŋ pur beche. Baaŋ pɛ basa na be bargato ŋ ki anya n yɔ efuli pɔtɛana so, ama b maaŋ lara bumo nɛ baaŋ ka na bre kadegboŋ na to.

Demujipoana 6:5

Bumo be asɔbɔya nɛ ewajɛbu kikɛ nɛ b kɔ a ba. Bumo be keba du fanɛ elotɔr ka kaa nna a ba. K du kpakpa nɛ esa e tiŋ ŋ karga bumo m pin kananɛ bumo nɛ bumo be enyɔma sa. Baa ba nna m ba ka jija kasawule na,