Jɛremaya 51:24 - EBƆRƐ BE KAWƆL

²⁴ Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:24 Iomraidhean Croise

Nshɛ 79:10

Manɛ nna nɛ efuli pɔtɛana na bee bishi anyi fanɛ, nnɛ nɛ menyi be Ebɔrɛ na wɔ? Shin nɛ an wu kasogberge nɛ k bee ba efuliana na so, ŋkpal b ka chulgi basa nɛ b shuŋ fo be ŋklaŋ n wurge so.

Aizaaya 48:14

Men kikɛ e gama abar so nseŋ nu nfe! Agbirana na be kekama maaŋ tiŋ n wu ŋ kaŋɛ fanɛ esa nɛ n lara na e naaŋ kɔ Babilɔn be efuli kena, ŋko n wu ŋ kaŋɛ fanɛ e beeŋ wora kusɔ nɛ ŋ kaŋɛ fanɛ e wora na.

Aizaaya 61:2

E shuŋi ma nna nɛ m ba kaŋɛ basa fanɛ, Enyɛnpe Ebɔrɛ be kumɔlga mbe basa nseŋ kɔ m pɔɔ bumo doŋana so be jemanɛ fo. Enyɛnpe Ebɔrɛ na shuŋi ma nna nɛ m ba lolo bumo nɛ baa shu nli,

Aizaaya 66:6

Men nu awɔr nɛ k shi kadegboŋ na nɛ bɔrɛlambu na to a ba! Enyɛnpe Ebɔrɛ na be bedoŋana be kasogberge be awɔr nɛ menyee nu na.

Jɛremaya 25:14

Meeŋ ka Babilɔnebi na be kusɔ nɛ b wora na kukɔ n shin nɛ efuli pɔtɛana nɛ bewuragboŋ damta e ba pɛ bumo anya.’ ”

Jɛremaya 50:10

Baaŋ ba fuu Babilɔn be asɔ kama nɛ baa sha na n yɔ. Ma, Enyɛnpe Ebɔrɛ e kaŋɛ na.”

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Jɛremaya 51:11

Enyɛnpe Ebɔrɛ na yɛ: “Ma, Enyɛnpe Ebɔrɛ na bee sha kemur Babilɔn be efuli nna, ŋkpal bumo be benapo ka mur ma bɔrɛlambu so. Amoso menyi Midia be efuli so be bewuraana e bɛl menyi be atanyembi nseŋ ta menyi be abɛlso be asɔ kuŋamuso ŋ keta.

Jɛremaya 51:23

Fo nɛ mee ta a mɔ mbolpɔkpapoana nɛ bumo be mbolpɔ, nɛ bedɔpo nɛ bumo be ana dɔso, nɛ bewurjipoana nɛ bumo be benimuana kikɛ.”

Jɛremaya 51:35

Babilɔn be efuli so be basa piira anyi be beko nseŋ mɔ beko malɛ. Naniere, Enyɛnpe Ebɔrɛ, shin nɛ b ka kumo be kukɔ!”

Jɛremaya 51:49

Babilɔn gba daga fanɛ k bure, ŋkpal kumo be basa ka mɔ ma basa Israɛlebi nɛ durnya to be efuli damtaana be basa so.

Jɛremaya 51:56

Bedoŋ na beeŋ ba kɔ Babilɔn be basa m mur bumo. Bedoŋ na beeŋ pɛ Babilɔnebi be benapo anya, nseŋ buri m buri bumo be akɔsɔ kikɛ to. Ŋkpal manɛ so, n la Ebɔrɛ nɛ mee gberge efuliana kusoe nna ŋkpal alubi nɛ b wora so.

Nfabel 3:64

O Enyɛnpe Ebɔrɛ, gberge bumo kusoe ŋkpal kusɔ nɛ b wora so.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 18:24

Mo, Babilɔn na to nɛ b daŋ wu anebiana nɛ Ebɔrɛ be basa laraso nɛ bekama nyam nɛ b daŋ mɔ kasawule ere so na be ŋklaŋ.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”