Jɛremaya 51:20 - EBƆRƐ BE KAWƆL

²⁰ Enyɛnpe Ebɔrɛ na yɛ: “Babilɔn, fo e la ma kena to be guluŋgu. Fo nɛ mee ta a biri efuliana a pechɛto, nsaa ta fo a mur kuwurgboŋana.

Jɛremaya 51:20 Iomraidhean Croise

Aizaaya 10:15

Ama le nɛ Enyɛnpe Ebɔrɛ na kaŋɛ Asiriya be ewura na: “Kekpanfu ŋko kasaŋɛgboŋ beeŋ tiŋ ŋ kaŋɛ fanɛ kumo e chɔ esa nɛ e bee keta kumo a shuŋ na a? Dimɛdi e naa keta kaprɛ ŋko kaprɛ e naa keta dimɛdi?”

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 37:26

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ lempoana ki alambure na.

Aizaaya 45:1

Enyɛnpe Ebɔrɛ na e ta Sairus ŋ ki Pɛshiya be efuli so be ewura! E lara mo nna nɛ e kɔ m pɔɔ efuliana so nseŋ lara bewura ashi kuwurji to. Enyɛnpe Ebɔrɛ na beeŋ bugi ndegboŋ be mbunagboŋ kikɛ n sa mo nseŋ kaŋɛ mo le:

Aizaaya 8:9

Efuli pɔtɛana so ebi, men gama abar so kufuso! Menyi bumo nɛ men wɔ durnya be mboŋ wɔfɔ wɔfɔ e kaŋ asoe n nu nfe. Men bela ase nɛ kekɔ kena, ama men baa ŋana kufu! Kashenteŋto, men bela ase, ama men baa ŋana kufu!

Jɛremaya 25:11

Kasawule ere kikɛ e dese fuloŋ nsaa la kusɔ nɛ esa beeŋ wu kumo kenishiso nɛ k chinchiŋ mo nna. Kumo be kaman, efuli pɔtɛana nɛ e kulti kumo na be basa beeŋ baa shuŋ a sa Babilɔn be ewura nfɛ adushunu.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 50:23

Babilɔn daa du fanɛ hama nna nseŋ daŋ bɛa durnya kikɛ to kpachɛrkpachɛrbi, ama loŋ be hama na gba e bɛa to kpachɛrkpachɛrbi na! Kusɔ nɛ k wora na daŋ chinchiŋ efuliana na be basa n shin nɛ bumo be nnɔ bumo.

Ezikɛl 21:11

Mee yee ma tokobi nna, a wora kumo shiriya a jo, esa nɛ e beeŋ ta kumo m mɔ na.

Ezikɛl 21:31

Meeŋ shin nɛ ma agbo e ba menyi so fanɛ edɛ na n chɔɔ menyi. Meeŋ ta menyi m bɔɔ basa nyaŋnyaŋso enɔ, basa nɛ b nyi kamɔ to.

Maika 4:12

Ama efuliana ere maŋ nyi kusɔ nɛ k wɔ Enyɛnpe Ebɔrɛ na be nfɛra to. B maŋ nyi fanɛ b gama abar so nna nɛ kasogberge e ba bumo so fanɛ kananɛ baa bri ayu na.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Nahum 2:1

Ninɛveebi, kena bee ba menyi so! Eleŋ nɛ k beeŋ pesaŋ menyi to na teŋ fo m ba. Men baa kuŋ menyi be mboŋ lempoana na, nsaa de menyi be agbembi so nɛnɛ. Men bela ase nɛnɛ a jo kena be kekɔ!

Zakareya 10:4

Bewura nɛ bejuŋkparpo nɛ gomena be ekrachi nimuso nɛ b kɔ eleŋ beeŋ shi Juda be yiri to n lar.

Matiu 22:7

Ndoŋ nna nɛ ewura na nya agbo ga nseŋ shuŋi mbe benapo nɛ b ya mɔ bemɔpo na kikɛ nseŋ chɔɔ bumo be kade na.