Jɛremaya 51:2 - EBƆRƐ BE KAWƆL

² Meeŋ shuŋi befɔ nɛ b ba mur Babilɔn be efuli na fanɛ afu ka foŋ amimi n lɛ na. Kachɛ na kaŋ fo, baaŋ baa kɔ kaba kama so nna m mur kusɔ kama nseŋ yige kasawule na n nase fuloŋ.

Jɛremaya 51:2 Iomraidhean Croise

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 43:14

Kusɔ nɛ Enyɛnpe, Israɛl be Ebɔrɛ cheembi nɛ e mɔlga bumo na kaŋɛ nde: “Meeŋ shuŋi benapo ko nɛ b ba kɔ Babilɔn be efuli so be basa kena nseŋ mɔlga menyi. Ma alɛ beeŋ buri kadegboŋ na be mbunagboŋ to, nseŋ shin nɛ benapo na e ta Babilɔn be basa n wɔtɔ bumo gbagba be ekuloŋgboŋ to n sulɔ bumo a yɔ nɛ b baa boŋ to a shu.

Jɛremaya 15:7

Meeŋ chela menyi to fanɛ ayu ashi efuli na so be kade kama to. Meeŋ ta kagbenejija nɛ luwu ŋ gberge menyi kusoe, ŋkpal men ka maŋ yige alubi lubi be kewora so.

Jɛremaya 50:29

“Kaŋɛ bedoŋ nɛ baa ta ata a kɔ kena na fanɛ b kɔ Babilɔn kena. B ba kulti Babilɔn be kadegboŋ na n wɔtɔ nsaa maŋ shin nɛ esa kikɛ e nya n shile kena na to. Men ka bumo kukɔ ŋkpal kusɔ nɛ b wora na so, nseŋ wora bumo kusɔ nɛ b ta n wora beko na. Ŋkpal manɛ so, kamoowuso nɛ b daŋ wora asheŋ ŋ gbiti ma, Israɛl be Ebɔrɛ cheembi na.

Jɛremaya 50:32

Menyi be efuli nɛ kamoowu bɔlɔ kumo to na beeŋ fiti n tɔr nɛ esa kikɛ maaŋ chɛ to n niŋi kumo to n yili. Meeŋ shin nɛ menyi be ndegboŋana e ji edɛ nɛ asɔ kama nɛ a kulti menyi na kikɛ e mur.”

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”